ಪೊಲೀಸರು ನನ್ನ ಮೇಲೆ ಹಲ್ಲೆ ಮಾಡಿದರು, ಖಾಸಗಿ ಭಾಗಗಳಿಗೆ ಹೊಡೆದರು,ಹಣ ಕಿತ್ತುಕೊಂಡರು:ನಾಗ ಸಾಧು ಆರೋಪ

ಛತ್ತೀಸ್‌ಗಡದ ಬಿಲಾಸ್ಪುರದಲ್ಲಿ ತಲುಪಿದ ನಂತರ ನಾಗಾ ಸಾಧುವಿನ ಮೇಲೆ ಹಲ್ಲೆ ಪೊಲೀಸರು ಹಲ್ಲೆ ಮಾಡಿದ ಘಟನೆ (ಮಾರ್ಚ್ 22ರಂದು ) ತಡವಾಗಿ ವರದಿಯಾಗಿದೆ.
ವರದಿಗಳ ಪ್ರಕಾರ, ನಾಗ ಸಾಧುವನ್ನು ಜುನಾ ಅಖಾಡಾದ ಯೋಗಿ ಗಂಗಾಪುರಿ ಎಂದು ಗುರುತಿಸಲಾಗಿದೆ. ಈ ನಾಗ ಸಾಧು ಸೋಮವಾರ ಎಸಿ 2ನೇ ಕೋಚ್‌ ರೈಲಿನಲ್ಲಿ ತಿರುವನಂತಪುರದಿಂದ ಬಿಲಾಸ್ಪುರಕ್ಕೆ ಬಂದಿದ್ದರು. ಅವರು ಚಕರ್‌ಭಟ್ಟ ರೈಲ್ವೆ ನಿಲ್ದಾಣದ ಬಳಿಯ ಅನ್ಸುಯಾ ಧಾಮ್‌ನಲ್ಲಿರುವ ತಮ್ಮ ಆಶ್ರಮದಲ್ಲಿ ಸಹವರ್ತಿ ಸಾಧು ಸಂಭು ಮಹಾರಾಜ್ ಅವರನ್ನು ಭೇಟಿಯಾಗಬೇಕಿತ್ತು .ಬಿಲಾಸ್ಪುರವನ್ನು ತಲುಪಿದ ಅವರು ರೈಲ್ವೆ ನಿಲ್ದಾಣದ ಹೊರಗೆ ಸ್ನಾನ ಮಾಡಲು ಪ್ರಾರಂಭಿಸಿದರು.
ಆ ಸಮಯದಲ್ಲಿ ಇಬ್ಬರು ಪೊಲೀಸ್ ಸಿಬ್ಬಂದಿ ಸ್ಥಳಕ್ಕೆ ಬಂದವರು ನನ್ನನ್ನು ವಶಕ್ಕೆ ಪಡೆದು ತೋರ್ವಾ ಪೊಲೀಸ್ ಠಾಣೆಗೆ ಕರೆದೊಯ್ದರು. ಅವರು ಮಾತನಾಡಿದ ಸ್ಥಳೀಯ ಉಪಭಾಷೆ ಮಾತನಾಡಲು ಹಾಗೂ ಅರ್ಥಮಾಡಿಕೊಳ್ಳಲು ನನಗೆ ಸಾಧ್ಯವಾಗಲಿಲ್ಲ. ನಂತರ ಪೊಲೀಸರು ತಮ್ಮನ್ನು ಕ್ರೂರವಾಗಿ ಥಳಿಸಿ ತಮ್ಮ ವಸ್ತುಗಳನ್ನು ತೆಗೆದುಕೊಂಡರು. ಇದರಲ್ಲಿ 1.25 ಲಕ್ಷ ರೂಪಾಯಿ ನಗದು, 12,000 ಮೌಲ್ಯದ ಮೊಬೈಲ್ ಫೋನ್ ಮತ್ತು ಬೆಳ್ಳಿ ಪಾತ್ರೆಗಳು ಸೇರಿವೆ. ನಂತರ ಪೊಲೀಸರು ನನ್ನನ್ನು ಪೊಲೀಸ್ ಠಾಣೆಯ ಹೊರದಬ್ಬಿದರು ಎಂದು ನಾಗ ಸಾಧು ಆರೋಪಿಸಿದ್ದಾರೆ.
ಗಾಯಗೊಂಡ ಸ್ಥಿತಿಯಲ್ಲಿ ನಾಗ ಸಾಧುವನ್ನು ರೈಲ್ವೆ ಅಧಿಕಾರಿ ಪ್ರಮೋದ್ ನಾಗೈ ನೋಡಿದ್ದಾರೆ. ಆರಂಭದಲ್ಲಿ ಈತ ಮಾನಸಿಕ ವಿಕಲಚೇತನ ವ್ಯಕ್ತಿ ಎಂದು ಅವರು ಭಾವಿಸಿದ್ದ ಅವರಿಗೆ ನಂತರ ನಾಗ ಸಾಧು ಎಂದು ತಿಳಿದು ಅವರನ್ನು ಅವರ ಮನೆಗೆ ಕರೆದೊಯ್ದು ಅವರ ಗಾಯಗಳಿಗೆ ಔಷಧಿಗಳನ್ನು ನೀಡಿದರು. ನಂತರ ನಾಗ ಸಾಧು ಯಾವ ಆಶ್ರಮಕ್ಕೆ ಹೋಗಬೇಕಾಗಿತ್ತೋ ಆ ಆಶ್ರಮಕ್ಕೆ ಅವರನ್ನು ಕರೆದೊಯ್ದರು, ಈ ವಿಷಯ ಬಿಜೆಪಿ ಕಾರ್ಯಕರ್ತರಿಗೆ ತಿಳಿದು ಅವರು ನಾಗ ಸಾಧುವನ್ನು ಪೊಲೀಸ್ ಠಾಣೆಗೆ ಕರೆದೊಯ್ದರು.
ಪೊಲೀಸರು ತನ್ನ ಖಾಸಗಿ ಭಾಗಗಳಿಗೆ ಕೋಲುಗಳಿಂದ ಹೊಡೆದಿದ್ದಾರೆ ಎಂದು ನಾಗ ಸಾಧು ಆರೋಪಿಸಿದ್ದಾರೆ.
ಯೋಗಿ ಗಂಗಾಪುರಿ ಅವರು ಐಜಿ (ಬಿಲಾಸ್ಪುರ), ರತನ್ ಲಾಲ್ ದಂಗಿ ಮತ್ತು ಇತರ ಹಿಂದೂ ಮುಖಂಡರನ್ನು ಭೇಟಿಯಾಗಿದ್ದು, ನ್ಯಾಯಕ್ಕಾಗಿ ಒತ್ತಾಯಿಸಿದ್ದಾರೆ ಮತ್ತು ತನ್ನಿಂದ ತೆಗೆದುಕೊಂಡ ಜುನಾ ಅಖಾಡಾದ ದಾಖಲೆಗಳನ್ನು ಪೊಲೀಸರು ಹಿಂದಿರುಗಿಸಬೇಕೆಂದು ಒತ್ತಾಯಿಸಿದ್ದಾರೆ. ಪೊಲೀಸರು ಈವರೆಗೆ ತನ್ನ  ವಸ್ತುಗಳನ್ನು ಹಿಂದಿರುಗಿಸದಿದ್ದರೂ, ಮೊಬೈಲ್ ಫೋನ್ ವಾಪಸ್ ನೀಡಿದ್ದಾರೆ ಎಂದು ಹೇಳಿದ್ದಾರೆ.