ನಂದಿಗ್ರಾಮದಲ್ಲಿ ಮಮತಾಗೆ ಹಿನ್ನಡೆ ? ಪ್ರಶಾಂತ್ ಕಿಶೋರ್ ಆಂತರಿಕ ಸಮೀಕ್ಷೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌, ಸತ್ಯಾಸತ್ಯತೆ ಬಗ್ಗೆ ಖಚಿತವಿಲ್ಲ

ಪಶ್ಚಿಮ ಬಂಗಾಳವು ರಾಜ್ಯ ವಿಧಾನಸಭಾ ಚುನಾವಣೆಯ 2ನೇ ಹಂತದಲ್ಲಿ ಮತ ಚಲಾಯಿಸಲು ಕೆಲವೇ ತಾಸುಗಳ ಮೊದಲು ಐಪಿಎಸಿಯ ಆಂತರಿಕ ಸಮೀಕ್ಷೆಯ ಚಿತ್ರಣ ಎಂದು ಹೇಳಲಾಗುತ್ತಿರುವುದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ, ಇದು ಮಮತಾ ಬ್ಯಾನರ್ಜಿ ನಂದಿಗ್ರಾಮ ಕ್ಷೇತ್ರದಲ್ಲಿ ಸೋಲುವ ಮುನ್ಸೂಚನೆ ನೀಡಿರುವುದು ಈಗ ದೊಡ್ಡ ಪಶ್ಚಿಮ ಬಂಗಾಳದಲ್ಲಿ ದೊಡ್ಡ ಕೋಲಾಹಲಕ್ಕೆ ಕಾರಣವಾಗಿದೆ.
ಐಪಿಎಸಿ ಮತದಾನ ತಂತ್ರಜ್ಞ ಪ್ರಶಾಂತ್ ಕಿಶೋರ್ ನಡೆಸುತ್ತಿರುವ ಏಜೆನ್ಸಿಯಾಗಿದ್ದು, ಅವರನ್ನು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಈಗ ನಡೆಯುತ್ತಿರುವ ಚುನಾವಣೆಗೆ ನೇಮಿಸಿಕೊಂಡಿದ್ದಾರೆ.
ಈ ಸಮೀಕ್ಷೆಯ ಸತ್ಯಾಸತ್ಯತೆ ಬಗ್ಗೆ ಯಾವುದೇ ಖಚಿತತೆ ಇಲ್ಲ.2ನೇ ಹಂತದಲ್ಲಿ ಮತದಾನಕ್ಕೆ ಹೋಗುವ 30 ಸ್ಥಾನಗಳ ಸಮೀಕ್ಷೆಯನ್ನು ತೋರಿಸಿದ ಸೋರಿಕೆಯಾಗಿದ್ದು ಎಂದು ಹೇಳಲಾದ ಈ ಚಿತ್ರವು ಬಿಜೆಪಿಗೆ ಭಾರಿ ಏರಿಕೆ ಸೂಚಿಸುತ್ತದೆ. ಸಮೀಕ್ಷೆಯು ಬಿಜೆಪಿಗೆ 30 ಸ್ಥಾನಗಳಲ್ಲಿ 23 ಸ್ಥಾನಗಳನ್ನು ಗೆಲ್ಲುವ ಮುನ್ಸೂಚನೆ ನೀಡಿದರೆ, ಟಿಎಂಸಿ 5 ಸ್ಥಾನಗಳಿಗೆ ಕುಸಿಯಲಿದೆ ಎಂದು ಹೇಳಿದೆ. ಸಮೀಕ್ಷೆಯ ಪ್ರಕಾರ, ಮಮತಾ ಬ್ಯಾನರ್ಜಿ ನಂದಿಗ್ರಾಮದಲ್ಲಿ ಸೋಲುವ ಸಾಧ್ಯತೆ ಹೆಚ್ಚಿದೆ. ನಂದಿಗ್ರಾಮ ಮಮತಾ ಹಾಗೂ ಸುವೇಂದು ಅಧಿಕಾರಿ ನಡುವೆ ವೈಯಕ್ತಿಕ ಪ್ರತಿಷ್ಠೆಗಾಗಿ ನಡೆಯುತ್ತಿರುವ ಚುನಾವಣಾ ಕಣವಾಗಿದ್ದು, ಟಿಎಂಸಿಯನ್ನು ತೊರೆದು ಚುನಾವಣೆಗೆ ಮುಂಚಿತವಾಗಿ ಬಿಜೆಪಿಗೆ ಸೇರ್ಪಡೆಯಾದ ಅವರ ಮಾಜಿ ಆಪ್ತ ಸಹವರ್ತಿ ಸುವೇಂದು ಅಧಿಕಾರಿ ಸಹ ಈ ಕ್ಷೇತ್ರದಲ್ಲಿ ಅಪಾರ ಸಂಖ್ಯೆಯ ಬೆಂಬಲಿಗರನ್ನು ಹೊಂದಿದ್ದಾರೆ ಹಾಗೂ ಕಳೆದ ಚುನಾವಣೆಯಲ್ಲಿ ಅಲ್ಲಿಂದ ಆರಿಸಿಬಂದವರು.
ಆದರೆ ಈ ಸಮೀಕ್ಷೆಯ ಸತ್ಯಾಸತ್ಯತೆ ಬಗ್ಗೆ ತೃಣಮೂಲ ಕಾಂಗ್ರೆಸ್‌ ಸೇರಿದಂತೆ ಅನೇಕರು ಪ್ರಶ್ನೆ ಎತ್ತಿದ್ದು, ಬಿಜೆಪಿ ಫೇಕ್‌ ಸಮೀಕ್ಷೆಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದೆ ಎಂದು ಆರೋಪಿಸಿದ್ದಾರೆ.ನಂದಿಗ್ರಾಮದಲ್ಲಿ ಬಿಜೆಪಿ ಕ್ಷೇತ್ರವನ್ನು ಕಳೆದುಕೊಳ್ಳುತ್ತಿದೆ’ ಮತ್ತು ‘ನಕಲಿ ವರದಿಗಳನ್ನು’ ಪ್ರಸಾರ ಮಾಡುತ್ತಿದೆ ಎಂದು ಟಿಎಂಸಿ ಆರೋಪಿಸಿದೆ.
2021 ರ ಮಾರ್ಚ್ 29 ರಂದು ಟಿಎಂಸಿ ತನ್ನ ಸಾಮಾಜಿಕ ಮಾಧ್ಯಮ ಖಾತೆಯ ಮೂಲಕ ಮಾರ್ಚ್ 26 ರಂದು ನಡೆಸಿದ ಕೆಲವು ಸಮೀಕ್ಷೆಗಳು ನಂದಿಗ್ರಾಮದಲ್ಲಿ ಬಿಜೆಪಿಯ ಗೆಲುವು ‘ನಕಲಿ’ ಎಂದು ಸೂಚಿಸಿದೆ ಎಂದು ಹೇಳಿದೆ.
ಕಳೆದ ವಾರ, ವಿವಿಧ ಸಮೀಕ್ಷೆಗಳು ಪಶ್ಚಿಮ ಬಂಗಾಳದಲ್ಲಿ ಮಮತಾ ಬ್ಯಾನರ್ಜಿ ನಂದಿಗ್ರಾಮ ಕಳೆದುಕೊಳ್ಳಲು ಸಜ್ಜಾಗಿದೆ ಎಂದು ಸೂಚಿಸಿತ್ತು. ತರುವಾಯ, ಮಮತಾ ತನ್ನ ಇತರ ಎಲ್ಲಾ ಕಾರ್ಯಕ್ರಮಗಳನ್ನು ರದ್ದುಗೊಳಿಸಿ ಮತದಾನದ ಮೊದಲು ಐದು ದಿನಗಳ ಕಾಲ ನಂದಿಗ್ರಾಮದಲ್ಲಿ ಠಿಕಾಣಿ ಹೂಡಲು ನಿರ್ಧರಿಸಿದ್ದರು. ನಂದಿಗ್ರಾಮ ಏಪ್ರಿಲ್ 1 ರಂದು 2ನೇ ಹಂತದಲ್ಲಿ ಮತದಾನಕ್ಕೆ ಹೋಗಲಿದೆ.