ಈ ಸುಂದರ ಪ್ರಯಾಣಕ್ಕೆ ಯಾವತ್ತೂ ಅವಮಾನವಾಗಬಾರದು ‘. ತನ್ನ ಗರ್ಭಧಾರಣೆಯ ಪ್ರಕಟಣೆಯ ಸಮಯವನ್ನು ಪ್ರಶ್ನಿಸಿದ ವ್ಯಕ್ತಿಯೊಬ್ಬರಿಗೆ ಪ್ರತಿಕ್ರಿಯಿಸಲು ಬಾಲಿವುಡ್‌ ನಟಿ ಮತ್ತು ಕಾರ್ಯಕರ್ತೆ ದಿಯಾ ಮಿರ್ಜಾ ಸಾಮಾಜಿಕ ಮಾಧ್ಯಮದಲ್ಲಿ ಉತ್ತರ ನೀಡಿದ್ದಾರೆ. ಮಹಿಳೆಯರಾದ ‘ನಾವು ಯಾವಾಗಲೂ ನಮ್ಮ ಆಯ್ಕೆಯನ್ನು ಚಲಾಯಿಸಬೇಕು’ ಎಂದು ಹೇಳಿದ್ದಾರೆ.
ಫೆಬ್ರವರಿಯಲ್ಲಿ ಮದುವೆಯಾದ ನಂತರ ಕಳೆದ ವಾರ ತಾನು ಗರ್ಭಿಣಿ ಎಂಬುದನ್ನು ಪ್ರಕಟಿಸಿದ್ದ ದಿಯಾ ಮಿರ್ಜಾ ಸಾಕಷ್ಟು ಟ್ರೋಲಿಂಗ್ ಎದುರಿಸಬೇಕಾಯಿತು. ಮದುವೆಯ ಮೊದಲು ನಟಿಯು ತನ್ನ ಗರ್ಭಧಾರಣೆ ಏಕೆ ಘೋಷಿಸಲು ಸಾಧ್ಯವಿಲ್ಲ ಮತ್ತು ಮಹಿಳಾ ಅರ್ಚಕನೊಬ್ಬ ತನ್ನ ಮದುವೆಯಲ್ಲಿ ಕಾರ್ಯ ನಿರ್ವಹಿಸಿ ಸ್ಟೀರಿಯೊಟೈಪ್‌ ಮುರಿದಂತೆ ಇಲ್ಯಾಕೆ ಮುರಿಯಲು ಸಾಧ್ಯವಾಗಲಿಲ್ಲ ಎಂದು ವ್ಯಕ್ತಿಯೊಬ್ಬರು ಪ್ರಶ್ನಿಸಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ನಟಿ “ಇದು ಆಸಕ್ತಿದಾಯಕ ಪ್ರಶ್ನೆ. ಮೊದಲನೆಯದಾಗಿ, ನಾವು ಒಟ್ಟಿಗೆ ಮಗುವನ್ನು ಹೊಂದಿದ್ದರಿಂದ ನಾವು ಮದುವೆಯಾಗಲಿಲ್ಲ. ನಾವು ಒಟ್ಟಿಗೆ ನಮ್ಮ ಜೀವನವನ್ನು ಕಳೆಯಲು ಬಯಸಿದ್ದರಿಂದ ನಾವು ಈಗಾಗಲೇ ಮದುವೆಯಾಗಿದ್ದೇವೆ. ನಾವು ನಮ್ಮ ವಿವಾಹವನ್ನು ಯೋಜಿಸುತ್ತಿರುವಾಗ ನಾವು ಮಗುವನ್ನು ಪಡೆಯಲಿದ್ದೇವೆ ಎಂದು ನಾವು ಕಂಡುಕೊಂಡಿದ್ದೇವೆ. ಆದ್ದರಿಂದ ಈ ಮದುವೆಯು ಗರ್ಭಧಾರಣೆಯ ಫಲಿತಾಂಶವಲ್ಲ. ಗರ್ಭಧಾರಣೆಯು ಸುರಕ್ಷಿತ (ವೈದ್ಯಕೀಯ ಕಾರಣಗಳು) ಎಂದು ತಿಳಿಯುವವರೆಗೂ ನಾವು ಅದನ್ನು ಪ್ರಕಟಿಸಲಿಲ್ಲ. ಇದು ನನ್ನ ಜೀವನದ ಅತ್ಯಂತ ಸಂತೋಷದ ಸುದ್ದಿ. ಇದು ಸಂಭವಿಸಲು ನಾನು ಹಲವು ವರ್ಷಗಳಿಂದ ಕಾಯುತ್ತಿದ್ದೇನೆ. ವೈದ್ಯಕೀಯ ಕಾರಣ ಹೊರತು ಪಡಿಸಿ ಬೇರೆ ಯಾವುದೇ ಕಾರಣಕ್ಕಾಗಿ ನಾನು ಅದನ್ನು ಮರೆಮಾಡುವುದಿಲ್ಲ ಎಂದು ಹೇಳಿದ್ದಾರೆ.
39 ವರ್ಷದ ದಿಯಾ, ಉದ್ಯಮಿ ವೈಭವ್ ರೇಖಿ ಫೆಬ್ರವರಿಯಲ್ಲಿ ದಿಯಾ ಮಿರ್ಜಾ ವಿವಾಹವಾಗಿದ್ದಾರೆ. ಗುರುವಾರ, ಅವರು ಮಾಲ್ಡೀವ್ಸ್ನಲ್ಲಿ ತನ್ನ ಪತಿ ಕ್ಲಿಕ್ ಮಾಡಿದ ಫೋಟೋವನ್ನು ಇನ್‌ಸ್ಟಾಗ್ರಾಮಿನಲ್ಲಿ ಹಂಚಿಕೊಂಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ