ಮುಂಬೈ: ಮಹಾರಾಷ್ಟ್ರದಲ್ಲಿ ಕೊರೊನಾ ವೈರಸ್ ಏಕಾಏಕಿ ಉಲ್ಬಣದಿಂದ ಆಸ್ಪತ್ರೆ ಹಾಸಿಗೆಗಳು ಮತ್ತು ಆಮ್ಲಜನಕ ಸೇರಿದಂತೆ ವೈದ್ಯಕೀಯ ಸಾಮಗ್ರಿಗಳ ಕೊರತೆ ಹೆಚ್ಚುತ್ತಿದ್ದು, ಗುಜರಾತ್‌ ಜಾಮ್‌ನಗರದ ರಿಲಯನ್ಸ್ ಇಂಡಸ್ಟ್ರೀಸ್ ಸ್ಥಾವರದಿಂದ 100 ಮೆಟ್ರಿಕ್ ಟನ್ ಆಮ್ಲಜನಕ ಕಳುಹಿಸಲಾಗಿದ್ದು, ಸ್ವೀಕರಿಸಲು ರಾಜ್ಯವು ಸಜ್ಜಾಗಿದೆ ಎಂದು ನಗರಾಭಿವೃದ್ಧಿ ಸಚಿವ ಏಕನಾಥ್ ಶಿಂಧೆ ಹೇಳಿದ್ದಾರೆ.
ಮುಂಬೈ ಮೆಟ್ರೋಪಾಲಿಟಿನ್ ಪ್ರದೇಶ ಮತ್ತು ನೆರೆಯ ಪುಣೆಯಲ್ಲಿ ಹೆಚ್ಚುತ್ತಿರುವ ಆಮ್ಲಜನಕದ ಬೇಡಿಕೆ ಕುರಿತು ನವೀ ಮುಂಬಯಿಯ ತಾಲೋಜಾದ ಲಿಂಡೆ ಸ್ಥಾವರದಲ್ಲಿ ನಡೆದ ಪರಿಶೀಲನಾ ಸಭೆಯ ನಂತರ ಶಿಂಧೆಇದನ್ನು ಪ್ರಕಟಿಸಿದ್ದಾರೆ.
ಗುಜರಾತಿನ ಮುಖೇಶ್ ಅಂಬಾನಿ ನಿಯಂತ್ರಿತ ಜಾಮ್‌ ನಗರ ಸಂಸ್ಕರಣಾಗಾರವು ಅನಿಲ ಆಮ್ಲಜನಕದ ಉತ್ಪಾದನೆಗೆ ದೊಡ್ಡ ವಾಯು ವಿಭಜನಾ ಘಟಕಗಳನ್ನು ಹೊಂದಿದೆ.
ಮಹಾರಾಷ್ಟ್ರದಲ್ಲಿ ಕೋವಿಡ್-19 ಪ್ರಕರಣಗಳು ಹೆಚ್ಚುತ್ತಿರುವ ಕಾರಣ ಮಹಾರಾಷ್ಟ್ರವು ಆಮ್ಲಜನಕದ ತೀವ್ರ ಕೊರತೆ ಎದುರಿಸುತ್ತಿದೆ. ಕೊರೊನಾದಿಂದ ತೀವ್ರವಾಗಿ ಬಾಧಿತರಾದ ಅನೇಕರು ಅಪಾಯಕಾರಿಯಾಗಿ ಕಡಿಮೆ ಮಟ್ಟದ ಆಮ್ಲಜನಕವನ್ನು ಹೊಂದಿರುತ್ತಾರೆ ಮತ್ತು ಅವರಿಗೆ ಆಮ್ಲಜನಕ ಪೂರೈಸಬೇಕಾಗುತ್ತದೆ.
ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಹೇಳಿದಂತೆ ರಾಜ್ಯದಲ್ಲಿ ಆಮ್ಲಜನಕದ ಸೇವನೆಯ ಪ್ರಮಾಣ ಹೆಚ್ಚುತ್ತಿದೆ. ನಾವು ಈಗ ಕೆಲವು ತಾತ್ಕಾಲಿಕ ವ್ಯವಸ್ಥೆಗಳನ್ನು ಮಾಡಿದ್ದೇವೆ, ಅದರಲ್ಲಿ ನಾವು ಗುಜರಾತ್‌ನ ರಿಲಯನ್ಸ್ ಸ್ಥಾವರದಿಂದ 100 ಮೆ.ಟನ್ ಆಮ್ಲಜನಕವನ್ನು ಪಡೆಯುತ್ತೇವೆ ”ಎಂದು ಶಿಂಧೆ ಹೇಳಿದರು.
ನೆರೆಯ ರಾಜ್ಯಗಳಿಂದ ಆಮ್ಲಜನಕವನ್ನು ಏರ್‌ಲಿಫ್ಟ್ ಮಾಡಲು ವಾಯುಪಡೆಯ ನೆರವು ನೀಡಲು ಉದ್ಧವ್ ಠಾಕ್ರೆ ಪ್ರಧಾನಿ ಮೋದಿ ಅವರನ್ನು ಕೋರಿದ್ದಾರೆ. ರಾಜ್ಯದ ಆರೋಗ್ಯ ವ್ಯವಸ್ಥೆಯನ್ನು ಹದಗೆಡಿಸಿರುವ ಮತ್ತು ಹೆಚ್ಚುತ್ತಿರುವ ಕೊರೊನಾವೈರಸ್ ಬಿಕ್ಕಟ್ಟನ್ನು ನಿಭಾಯಿಸಲು ರಾಜ್ಯಕ್ಕೆ ಸಹಾಯ ಮಾಡುವಂತೆ ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಅವರು ಪ್ರಧಾನಿ ಮೋದಿಯವರಿಗೆ ಮನವಿ ಮಾಡಿದ ದಿನ ಶಿಂಧೆ ಅವರ ಅಭಿಪ್ರಾಯ ವ್ಯಕ್ತವಾಗಿದೆ ಮತ್ತು ಕೋವಿಡ್-19 ನಿಂದ ತೀವ್ರವಾಗಿ ಪೀಡಿತ ಜನರಿಗೆ ನೀಡಲು ಆಮ್ಲಜನಕ ಖಾಲಿಯಾಗುತ್ತಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ