ನವ ದೆಹಲಿ: ಕಾಂಗ್ರೆಸ್ ಸಂಸದ ಶಶಿ ತರೂರ್ ಅವರಿಗೆ ಬುಧವಾರ ಕೊರೊನಾ ಸೋಂಕು ದೃಢಪಟ್ಟಿದ್ದು, ಅವರ ಸಹೋದರಿ ಮತ್ತು ತಾಯಿ ಕೂಡ ಸೋಂಕಿಗೆ ಒಳಗಾಗಿದ್ದಾರೆ ಎಂದು ತರೂರ್ ಹೇಳಿದ್ದಾರೆ.
ಈ ಕುರಿತು ಟ್ವೀಟ್‌ ಮಾಡಿರುವ ತರೂರ್, ಪರೀಕ್ಷೆ ಮತ್ತು ವರದಿಗಾಗಿ 4 ದಿನ ಕಾದ ನಂತರ ಬುಧವಾರ ವರದಿ ಸಿಕ್ಕಿದ್ದು, ಸೋಂಕು ದೃಢಪಟ್ಟಿದೆ. ನನ್ನ ಜೊತೆಗೆ ನನ್ನ ಸಹೋದರಿ ಮತ್ತು 85 ವರ್ಷದ ತಾಯಿ ಬೀನ್ʼಗೂ ಪಾಸಿಟಿವ್‌ ಆಗಿದೆ ಎಂದು ಖಚಿತ ಪಡಿಸಿದ್ದಾರೆ.
ಮತ್ತೊಂದು ಟ್ವೀಟ್‌ʼನಲ್ಲಿ ‘ನನ್ನ ಸಹೋದರಿ ಕ್ಯಾಲಿಫೋರ್ನಿಯಾದಲ್ಲಿ ಫೈಜರ್ ಲಸಿಕೆಯ ಎರಡು ಡೋಸ್ʼ ಗಳನ್ನ ಪಡೆದಿದ್ದಾಳೆ. ಇನ್ನು ನನ್ನ ತಾಯಿ ಮತ್ತು ನಾನು ಏಪ್ರಿಲ್ 8ರಂದು ನಮ್ಮ ಎರಡನೇ ಕೋವಿಶೀಲ್ಡ್ ಡೋಸ್ ತೆಗೆದುಕೊಂಡಿದ್ದೇವೆ ಎಂದು ಜನರು ತಿಳಿದುಕೊಳ್ಳಬೇಕು. ಆದ್ದರಿಂದ ಲಸಿಕೆಗಳು ಸೋಂಕನ್ನ ತಡೆಗಟ್ಟಲು ಸಾಧ್ಯವಾಗದಿದ್ದರೂ, ಅವು ಕೋವಿಡ್‌ ವೈರಸ್ʼನ ಪರಿಣಾಮವನ್ನ ಮಿತಗೊಳಿಸುತ್ತದೆ ಎಂದು ಆಶಿಸಲು ನಮಗೆ ಎಲ್ಲಾ ಕಾರಣಗಳಿವೆ’ ಎಂದು ಟ್ವೀಟ್‌ ಮಾಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ