ಮೇ 1 ರಿಂದ, ಕೋವಿಡ್ -19 ಲಸಿಕೆಯನ್ನು 18 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲರಿಗೂ ಕೋ-ವಿನ್ ವೆಬ್ಸೈಟ್ನಲ್ಲಿ ಬುಕಿಂಗ್ ತೆರೆದಿರುತ್ತದೆ. ಮೂರನೇ ಹಂತದ ಲಸಿಕಾ ಅಭಿಯಾನದ ನೋಂದಣಿ ಪ್ರಕ್ರಿಯೆಯು ಏಪ್ರಿಲ್ 28ರಿಂದ ಪ್ರಾರಂಭವಾಗಲಿದೆ.
ರಾಜ್ಯಗಳು, ಖಾಸಗಿ ಆಸ್ಪತ್ರೆಗಳು ಮತ್ತು ಕೈಗಾರಿಕಾ ಸಂಸ್ಥೆಗಳು ಉತ್ಪಾದಕರಿಂದ ನೇರವಾಗಿ ಡೋಸೇಜ್ಗಳನ್ನು ಪಡೆಯಲು ಸರ್ಕಾರ ಲಸಿಕಾ ಅಭಿಯಾನವನ್ನು ಉದಾರೀಕರಣಗೊಳಿಸಿದೆ.
ಭಾರತ್ ಬಯೋಟೆಕ್ ತನ್ನ ಕೋವಿಡ್ -19 ಲಸಿಕೆ ಕೋವಾಕ್ಸಿನ್ ಅನ್ನು ರಾಜ್ಯ ಸರ್ಕಾರಗಳಿಗೆ ಡೋಸ್ಗೆ 600 ರೂ. ಮತ್ತು ಖಾಸಗಿ ಆಸ್ಪತ್ರೆಗಳಿಗೆ ಡೋಸ್ 1,200 ರೂ.ಗಳ ದರ ನಿಗದಿಪಡಿಸಿದೆ.
ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ (ಎಸ್ಐಐ) ನ ಕೋವಿಶೀಲ್ಡ್ ರಾಜ್ಯ ಸರ್ಕಾರಗಳಿಗೆ ಡೋಸ್ಗೆ 400 ರೂ. ಮತ್ತು ಖಾಸಗಿ ಆಸ್ಪತ್ರೆಗಳಿಗೆ ಡೋಸ್ಗೆ 600 ರೂ.ಗಳ ದರದಲ್ಲಿ ಲಭ್ಯವಿರುತ್ತದೆ.
ಎರಡನೇ ಡೋಸ್
ನೀವು ಕೊವಾಕ್ಸಿನ್ ತೆಗೆದುಕೊಳ್ಳುತ್ತಿದ್ದರೆ, ಎರಡನೆಯ ಡೋಸ್ ಅನ್ನು ನಾಲ್ಕರಿಂದ ಆರು ವಾರಗಳಲ್ಲಿ ತೆಗೆದುಕೊಳ್ಳಬೇಕು. ನೀವು ಕೋವಿಶೀಲ್ಡ್ ಪಡೆಯುತ್ತಿದ್ದರೆ, ಎರಡನೇ ಡೋಸ್ ಅನ್ನು ನಾಲ್ಕರಿಂದ ಎಂಟು ವಾರಗಳಲ್ಲಿ ತೆಗೆದುಕೊಳ್ಳಬೇಕು.
ಕೊವ್ಯಾಕ್ಸಿನ್ ಹಾಗೂ ಕೋವಿಶೀಲ್ಡ್ ಎರಡೂ ಲಸಿಕೆಗಳು ಎರಡು ಡೋಸ್ಗಳನ್ನು (ಪ್ರಮಾಣ) ಒಳಗೊಂಡಿವೆ. ಕೋವಿಡ್-19 ವಿರುದ್ಧದ ಭಾರತದ ಸ್ಥಳೀಯ ಲಸಿಕೆ ಕೋವಾಕ್ಸಿನ್, ಹಂತ -3 ಪ್ರಯೋಗಗಳಲ್ಲಿ 78% ಒಟ್ಟಾರೆ ಮಧ್ಯಂತರ ಕ್ಲಿನಿಕಲ್ ಪರಿಣಾಮಕಾರಿತ್ವವನ್ನು” “ಮತ್ತು ತೀವ್ರವಾದ ಕೋವಿಡ್-19 ರೋಗ” ದ ವಿರುದ್ಧ 100 ಪ್ರತಿಶತದಷ್ಟು “ಪ್ರದರ್ಶಿಸಿದೆ.
ಕೋವಿಶೀಲ್ಡ್ ಒಟ್ಟಾರೆ ಶೇಕಡಾ 70 ರಷ್ಟು ಪರಿಣಾಮಕಾರಿತ್ವವನ್ನು ಹೊಂದಿದೆ, ಆದರೆ ಅರ್ಧ ಡೋಸ್ ಆಗಿ ನಿರ್ವಹಿಸಿದಾಗ ಅದು ಶೇಕಡಾ 90 ಕ್ಕಿಂತ ಹೆಚ್ಚಾಗಬಹುದು ಮತ್ತು ಒಂದು ತಿಂಗಳ ನಂತರ ಪೂರ್ಣ ಡೋಸ್ ಇರುತ್ತದೆ.
ಅಡ್ಡ ಪರಿಣಾಮಗಳು
ಕೋವಾಕ್ಸಿನ್ನ ಕೆಲವು ಸೌಮ್ಯ ಅಡ್ಡಪರಿಣಾಮಗಳೆಂದರೆ ಇಂಜೆಕ್ಷನ್ ನೀಡಿದ ಜಾಗದಲ್ಲಿ ನೋವು, ಇಂಜೆಕ್ಷನ್ ಜಾಗದಲ್ಲಿ ಊತ, ಕೆಂಪಾಗುವುದು, ತುರಿಕೆಯಾಗುವುದು, ಇಂಜೆಕ್ಷನ್ ತೋಳಿನಲ್ಲಿನ ಸ್ವಲ್ಪ ದೌರ್ಬಲ್ಯ, ದೇಹದ ನೋವು, ತಲೆನೋವು, ಜ್ವರ, ಅಸ್ವಸ್ಥತೆ, ದೌರ್ಬಲ್ಯ, ದದ್ದುಗಳು, ವಾಕರಿಕೆ , ವಾಂತಿ. ಲಸಿಕೆ ತೀವ್ರ ಅಲರ್ಜಿಯ ಪ್ರತಿಕ್ರಿಯೆ ಉಂಟುಮಾಡುವ ಸಲ್ಪ ಅವಕಾಶವಿದೆ. ಅಲ್ಲದೆ ಅತ್ಯಂತ ಕಡಿಮೆ ಪ್ರಮಾಣದಲ್ಲಿ ತೀವ್ರವಾದ ಪ್ರತಿಕೂಲ ಘಟನೆಯ ಚಿಹ್ನೆಗಳು ಉಸಿರಾಟದ ತೊಂದರೆ, ಮುಖ ಮತ್ತು ಗಂಟಲಿನ ಊತ, ವೇಗವಾಗಿ ಹೃದಯ ಬಡಿತ, ದೇಹದಾದ್ಯಂತ ದದ್ದುಗಳು, ತಲೆತಿರುಗುವಿಕೆ ಮತ್ತು ದೌರ್ಬಲ್ಯಗಳು ಕಾಣಿಸಕೊಳ್ಳಬಹುದು ಎಂದು ಕಂಪನಿ ಹೇಳಿದೆ.
ಕೋವಿಶೀಲ್ಡ್ ಕೆಲವು ಸಾಮಾನ್ಯ ಅಡ್ಡಪರಿಣಾಮಗಳು ನೋವು, ಉಷ್ಣತೆ, ಕೆಂಪು, ತುರಿಕೆ, ಊತ ಅಥವಾ ಚುಚ್ಚುಮದ್ದು ನೀಡಿದ ಸ್ಥಳದಲ್ಲಿ, ಸಾಮಾನ್ಯವಾಗಿ ಅನಾರೋಗ್ಯ, ಶೀತ ಅಥವಾ ಜ್ವರ, ತಲೆನೋವು ಅಥವಾ ಕೀಲು ನೋವು ಕಾಣಿಸಿಕೊಳ್ಳಬಹುದು ಎಂದು ಕಂಪನಿ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ