ಎರಡು ದಿನಗಳಲ್ಲಿ ಭಾರತಕ್ಕೆ ಮತ್ತೆ 1.50 ಲಕ್ಷ ಸ್ಪುಟ್ನಿಕ್ ವಿ ಲಸಿಕೆ

ನವ ದೆಹಲಿ : ವಿಶ್ವಾಸಾರ್ಹ ಭಾರತೀಯ ಪಾಲುದಾರನಾಗಿರುವ ರಷ್ಯಾ ಮುಂದಿನ ಎರಡು ದಿನಗಳಲ್ಲಿ ಇನ್ನೂ 1,50,000 ಡೋಸ್ ಸ್ಪುಟ್ನಿಕ್ ವಿ ಲಸಿಕೆಗಳನ್ನು ಕಳುಹಿಸುತ್ತಿದೆ. ಮೇ ಅಂತ್ಯದ ವೇಳೆಗೆ ಪಾಲುದಾರ ಹೈದರಾಬಾದಿನ ಡಾ. ರೆಡ್ಡಿ ಅವರ ಪ್ರಯೋಗಾಲಯಕ್ಕೆ ಇನ್ನೂ 30 ಲಕ್ಷ ಡೋಸ್ ಗಳು ಬಂದಿಳಿಯಲಿವೆ. ಮುಂದಿನ ತಿಂಗಳು ಸ್ಪುಟ್ನಿಕ್ ವಿ ಡೋಸ್ ಗಳನ್ನು50 ಲಕ್ಷ ಹಾಗೂ ಜುಲೈನಲ್ಲಿ ಸರಿಸುಮಾರು ಒಂದು ಕೋಟಿಗೆ ಲಸಿಕೆಗಳನ್ನು ಹೆಚ್ಚಿಸಲು ಮಾಸ್ಕೋ ನಿರ್ಧರಿಸಿದೆ.
ನವ ದೆಹಲಿ ಮತ್ತು ಮಾಸ್ಕೋ ಮೂಲದ ರಾಜತಾಂತ್ರಿಕರ ಪ್ರಕಾರ, ರಷ್ಯಾ ಕನಿಷ್ಠ ನಾಲ್ಕು ಮಧ್ಯಮ ಆಮ್ಲಜನಕ ಉತ್ಪಾದಿಸುವ ಟ್ರಕ್ ಗಳನ್ನು ಕಳುಹಿಸುತ್ತಿದೆ, ಇದನ್ನು ವಿದ್ಯುತ್ ಪೂರೈಕೆಗೆ ಪ್ಲಗ್ ಮಾಡಿದ ನಂತರ 200 ಹಾಸಿಗೆಗಳ ಆಸ್ಪತ್ರೆಗೆ ಆಮ್ಲಜನಕ ನೀಡಬಹುದಾಗಿದೆ. ಈ ಟ್ರಕ್ ಗಳು ಗಂಟೆಗೆ 70 ಕಿಲೋಗ್ರಾಂ ಆಮ್ಲಜನಕವನ್ನು ಮತ್ತು ದಿನಕ್ಕೆ 50,000 ಲೀಟರ್ ಗಳನ್ನು ಉತ್ಪಾದಿಸುತ್ತವೆ ಎಂದು ಹೇಳಲಾಗಿದೆ.
ನಾವು ಈಗಾಗಲೇ ಅಂತಹ ನಾಲ್ಕು ಟ್ರಕ್ ಗಳನ್ನು ಖರೀದಿಸಿದ್ದೇವೆ ಮತ್ತು ಆಮ್ಲಜನಕದ ಕೊರತೆ ಕಡಿಮೆಮಾಡಲು ಹೆಚ್ಚಿನದನ್ನು ಪಡೆಯುತ್ತಿದ್ದೇವೆ. ಈ ವಾರದ ಅಂತ್ಯದ ವೇಳೆಗೆ ಈ ಟ್ರಕ್ ಗಳು ರಷ್ಯಾದ ಐಎಲ್-76 ವಿಮಾನದ ಮೂಲಕ ಇಳಿಯಲಿವೆ’ ಎಂದು ರಾಜತಾಂತ್ರಿಕರೊಬ್ಬರು ತಿಳಿಸಿದ್ದಾರೆ.

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

0 / 5. ಒಟ್ಟು ವೋಟುಗಳು 0

ನಿಮ್ಮ ಕಾಮೆಂಟ್ ಬರೆಯಿರಿ