ತೌಕ್ಟೆ ಚಂಡಮಾರುತ ತೀವ್ರ: 11 ಅಣೆಕಟ್ಟುಗಳ ಕವಾಟ ತೆರೆದ ಕೇರಳ

ತಿರುವನಂತಪುರಂ: ಕೇರಳದಾದ್ಯಂತ 11 ಅಣೆಕಟ್ಟುಗಳ ಕವಾಟುಗಳನ್ನು ಮೇ 15 ರ ವರೆಗೆ ತೆರೆಯಲಾಗಿದೆ. ಅರೇಬಿಯನ್ ಸಮುದ್ರದಲ್ಲಿ ಲಕ್ಷದ್ವೀಪದ ಮೇಲೆ ಉಂಟಾದ ಆಳವಾದವಅಯಭಾರ ಕುಸಿತದಿಂದಾಗಿ ಚಂಡಮಾರುತ (ತೌಕ್ಟೆ ಎಂದು ಹೆಸರಿಸಲಾಗಿದೆ) ತೀವ್ರಗೊಂಡಿದ್ದರಿಂದ ಮೇ 13 ರಿಂದ ಕೇರಳದಲ್ಲಿ ಭಾರಿ ಮಳೆಯಾಗುತ್ತಿದೆ.
ಮೇ 15ರಂದು ಐದು ಜಿಲ್ಲೆಗಳಿಗೆ ತೀವ್ರತರದ ಎಚ್ಚರಿಕೆ ನೀಡಲಾಗಿದೆ. ಇಡುಕ್ಕಿ ಅಣೆಕಟ್ಟು ಕವಾಟುಗಳನ್ನು ತೆರೆಯಲಾಗುವುದಿಲ್ಲ ಎಂದು ಕೇರಳ ರಾಜ್ಯ ವಿದ್ಯುತ್ ಮಂಡಳಿ (ಕೆಎಸ್‌ಇಬಿ) ಅಣೆಕಟ್ಟು ಸುರಕ್ಷತಾ ವಿಭಾಗದ ಅಧಿಕಾರಿಗಳು ತಿಳಿಸಿದ್ದಾರೆ.
ಮೇ 15 ರಂದು ಬೆಳಿಗ್ಗೆ 11 ಗಂಟೆಯ ನವೀಕರಣದ ಪ್ರಕಾರ, ಸುರಕ್ಷತಾ ದೃಷ್ಟಿಯಿಂದ 11 ಅಣೆಕಟ್ಟುಗಳ ಬಾಗಿಲು ತೆರೆಯಲಾಗಿದೆ ಎಂದು ಕೇರಳ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ (ಕೆಎಸ್‌ಡಿಎಂಎ) ತಿಳಿಸಿದೆ.
ಏತನ್ಮಧ್ಯೆ, ಮೇ 15 ರಂದು (ಶನಿವಾರ) ಇಡುಕಿ ಜಲಾಶಯದಲ್ಲಿ ನೀರಿನ ಮಟ್ಟ 2333.52 ಅಡಿಗಳಷ್ಟಿದೆ ಎಂದು ಕೆಎಸ್‌ಇಬಿ ಅಣೆಕಟ್ಟು ಸುರಕ್ಷತಾ ವಿಭಾಗದ ಅಧಿಕಾರಿಗಳು ತಿಳಿಸಿದ್ದಾರೆ. “ಪ್ರಸ್ತುತ, ಪ್ರಮುಖ ಅಣೆಕಟ್ಟುಗಳನ್ನು ಒಳಗೊಂಡಂತೆ ಇಡುಕಿಯ ಕವಾಟುಗಳನ್ನು ತೆರೆಯುವ ಅಗತ್ಯವಿಲ್ಲ. ರಾಜ್ಯದ ಜಲ ವಿದ್ಯುತ್‌ ಅಣೆಕಟ್ಟುಗಳಲ್ಲಿ ಪ್ರಸ್ತುತ ನೀರಿನ ಮಟ್ಟವು ‘ರೂಲ್ ಕರ್ವ್’ನಲ್ಲಿ ತುಂಬಾ ಕಡಿಮೆಯಾಗಿದೆ. ಇಡುಕ್ಕಿ ಅಣೆಕಟ್ಟಿನ ಮೊದಲ ಗೇಟ್ ತೆರೆಯಲು, ನೀರಿನ ಮಟ್ಟವು 2,373 ಅಡಿಗಳನ್ನು ತಲುಪಬೇಕು. ಇಡುಕ್ಕಿ ಅಣೆಕಟ್ಟಿನ ನೀರಿನ ಮಟ್ಟ 2,333.58 ಅಡಿಗಳು, ಇದು ಒಟ್ಟು ಶೇಖರಣಾ ಸಾಮರ್ಥ್ಯದ 39.4% ಆಗಿದೆ “ಎಂದು ಕೆಎಸ್‌ಇಬಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಮೇ 14 ರಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಕೇರಳ ಮತ್ತು ಲಕ್ಷದ್ವೀಪಗಳಲ್ಲಿ ಜಿಲ್ಲಾವಾರು ಮಳೆಯಾಗುವ ಐದು ದಿನಗಳ ಮುನ್ಸೂಚನೆಯನ್ನು ನೀಡಿತು. ಮಳೆ ಮೇ 18ರ ವರೆಗೆ ಇರುತ್ತದೆ ಎಂದು ಊಹಿಸಲಾಗಿದೆ. ಐಎಸ್ಡಿ ಮೇ 15 ಕ್ಕೆ ಐದು ಜಿಲ್ಲೆಗಳಿಗೆ ರೆಡ್‌ ಅಲರ್ಟ್‌ ಘೋಷಿಸಿದೆ: ಕಾಸರಗೋಡು, ಕಣ್ಣೂರು, ಕೋಝಿಕೋಡ್, ವಯನಾಡ್ ಮತ್ತು ಮಲಪ್ಪುರಂ ಈ ಜಿಲ್ಲೆಗಳಿಗೆ ರೆಡ್‌ ಅಲರ್ಟ್‌ ಎಚ್ಚರಿಕೆ ನೀಡಲಾಗಿದೆ.
ಕೇರಳ-ಕರ್ನಾಟಕ ಕರಾವಳಿಯುದ್ದಕ್ಕೂ 70 ಕಿ.ಮೀ ವೇಗದಲ್ಲಿ ಗಾಳಿಯ ಬೀಸಬಹುದು ಎಂದು ಐಎಂಡಿ ಎಚ್ಚರಿಸಿದೆ.
ಕಣ್ಣೂರಿನಿಂದ ಸುಮಾರು 290 ಕಿ.ಮೀ ದೂರದಲ್ಲಿ ವಾಯುಭಾರ ಕುಸಿತವಾಗಿದ್ದರೂ, ರಾಜ್ಯಾದ್ಯಂತ ಭಾರಿ ಮಳೆಯಿಂದಾಗಿ ಮತ್ತು ಸಮುದ್ರವು ಒರಟಾಗಿ ಬದಲಾಗುತ್ತಿದೆ.
ಭಾರತೀಯ ಹವಾಮಾನ ಇಲಾಖೆಯ ಪ್ರಕಾರ, ಮುಂದಿನ 24 ಗಂಟೆಗಳಲ್ಲಿ ತೌಕ್ಟೆ ತೀವ್ರ ಚಂಡಮಾರುತ ತೀವ್ರಗೊಳ್ಳುವ ಸಾಧ್ಯತೆಯಿದೆ ಮತ್ತು ಉತ್ತರ-ವಾಯುವ್ಯ ದಿಕ್ಕಿಗೆ ತೆರಳಿ ಮೇ 18 ರ ಬೆಳಿಗ್ಗೆ ಗುಜರಾತ್ ಕರಾವಳಿಯ ಸಮೀಪ ತಲುಪುವ ನಿರೀಕ್ಷೆಯಿದೆ.
ಚಂಡಮಾರುತದಿಂದ ಉಂಟಾಗುವ ಯಾವುದೇ ಅನಾಹುತವನ್ನು ಎದುರಿಸುವಲ್ಲಿ ರಾಜ್ಯದ ಸನ್ನದ್ಧತೆಯನ್ನು ಕೇರಳ ಮುಖ್ಯಮಂತ್ರಿ-ನಿಯೋಜಿತ ಪಿಣರಾಯಿ ವಿಜಯನ್ ತಿಳಿಸಿದ್ದಾರೆ. ಮೇ 14 ರ ರಾತ್ರಿಯಿಂದ, ಭಾರೀ ಮಳೆಯಿಂದಾಗಿ ಮರಗಳು ಅನೇಕ ಕಡೆ ಉರುಳಿವೆ ಹಾಗೂ ವಿದ್ಯುತ್ ಸರಬರಾಜು ಅಸ್ತವ್ಯಸ್ತಗೊಂಡಿದೆ.