ಅನೇಕ ದಿನಗಳ ನಂತರ ಭಾರತದಲ್ಲಿ ಮೂರು ಲಕ್ಷಕ್ಕಿಂತ ಕೆಳಗೆಬಂದ ದೈನಂದಿನ ಕೊರೊನಾ ಸೋಂಕು..!

ನವ ದೆಹಲಿ: ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ (ಮೊಹ್‌ಎಫ್‌ಡಬ್ಲ್ಯು) ಸೋಮವಾರ ಹಂಚಿಕೊಂಡಿರುವ ಇತ್ತೀಚಿನ ಮಾಹಿತಿಯ ಪ್ರಕಾರ, ಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ 2.81 ಲಕ್ಷಕ್ಕೂ ಹೆಚ್ಚು ಹೊಸ ಕೊರೊನಾ ವೈರಸ್ ಸೋಂಕುಗಳು ಕಂಡುಬಂದಿದ್ದು, ಭಾರತದಲ್ಲಿ ಒಟ್ಟು ಕೋವಿಡ್‌ -19 ಪ್ರಕರಣಗಳು 2.5 ಕೋಟಿಗಳಿಗೆ ತಲುಪಿದೆ. ಅನೇಕ ದಿನಗಳ ನಂತರ ಭಾರತದಲ್ಲಿ ದೈನಂದಿನ ಕೊರೊನಅ ಸೋಂಕು ಮೂರು ಲಕ್ಷಕ್ಕಿಂತ ಕಡಿಮೆ ಬಂದಿದೆ. ಇದೇ ಸಮಯದಲ್ಲಿ 3.78ಲಕ್ಷಕ್ಕೂ ಹೆಚ್ಚು ಜನರು ಗುಣಮುಖರಾಗಿ ಆಸ್ಪತ್ತೆರಯಿಂದ ಬಿಡುಗಡೆಯಾಗಿದ್ದಾರೆ.
ಕಳೆದ 24 ಗಂಟೆಗಳಲ್ಲಿ ದೇಶದಲ್ಲಿ 2,81,386 ಹೊಸ COVID-19 ಪ್ರಕರಣಗಳು, 3,78,741 ಡಿಸ್ಚಾರ್ಜ್‌ಗಳು ಮತ್ತು 4,106 ಸಾವುಗಳು ವರದಿಯಾಗಿವೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ.
ಹೊಸ ಸಾವುಗಳು ಭಾರತದ ಕೋವಿಡ್ -19 ಸಾವಿನ ಸಂಖ್ಯೆ 2,74,390 ಕ್ಕೆ ತಲುಪಿಸಿದ್ದರೆ, ಒಟ್ಟು ಬಿಡುಗಡೆಯಾದವರ ಸಂಖ್ಯೆ 2,11,74,076 ಕ್ಕೆ ಏರಿದೆ.
ದೇಶದಲ್ಲಿ ಪ್ರಸ್ತುತ ಒಟ್ಟು 35,16,997 ಪ್ರಕರಣಗಳು ಸಕ್ರಿಯವಾಗಿವೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.
ಏತನ್ಮಧ್ಯೆ, ಮೇ 16 ರವರೆಗೆ ಕೋವಿಡ್ -19 ಗಾಗಿ ಒಟ್ಟು 31,64,23,658 ಮಾದರಿಗಳನ್ನು ಪರೀಕ್ಷಿಸಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ತಿಳಿಸಿದೆ. ಈ ಪೈಕಿ 15,73,515 ಮಾದರಿಗಳನ್ನುಭಾನುವಾರ ಪರೀಕ್ಷಿಸಲಾಯಿತು.

ಗರಿಷ್ಠ ಪ್ರಕರಣಗಳನ್ನು ದಾಖಲಿಸಿದ ಅಗ್ರ ಐದು ರಾಜ್ಯಗಳು ಮಹಾರಾಷ್ಟ್ರದಲ್ಲಿ 34,389 ಪ್ರಕರಣಗಳು, ತಮಿಳುನಾಡು 33,181 ಪ್ರಕರಣಗಳು, ಕರ್ನಾಟಕವು 31,531 ಪ್ರಕರಣಗಳು, ಕೇರಳದಲ್ಲಿ 29,704 ಪ್ರಕರಣಗಳು ಮತ್ತು ಆಂಧ್ರಪ್ರದೇಶ 24,171 ಪ್ರಕರಣಗಳು ದಾಖಲಾಗಿವೆ.
ಈ ಐದು ರಾಜ್ಯಗಳಿಂದ ಹೊಸ ಪ್ರಕರಣಗಳು ವರದಿಯಾಗಿದ್ದರಲ್ಲಿ ಶೇಕಡಾ 12.22 ರಷ್ಟು ಮಹಾರಾಷ್ಟ್ರದ ಪಾಲು. ಮಹಾರಾಷ್ಟ್ರದಲ್ಲಿ 974 ಸಾವುಗಳು ಸಂಭವಿಸಿವೆ, ನಂತರ ಕರ್ನಾಟಕದಲ್ಲಿ 403 ಸಾವುನೋವುಗಳು ಸಂಭವಿಸಿವೆ. ಸಕ್ರಿಯ ಪ್ರಕರಣಗಳು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಕ್ಕಿಂತ ಬಹುತೇಕ 1 ಲಕ್ಷಕ್ಕಿಂತಲೂ ಕಡಿಮೆಯಾಗಿದೆ, ಆದರೆ ಭಾನುವಾರ ಕೇವಲ 6.9 ಲಕ್ಷ ಜನರಿಗೆ ಮಾತ್ರ ಲಸಿಕೆ ನೀಡಲಾಗಿದೆ.