ಲಕ್ನೋ / ಅಯೋಧ್ಯೆ: ಆಮ್ ಆದ್ಮಿ ಪಕ್ಷದ ರಾಜ್ಯಸಭಾ ಸಂಸದ ಸಂಜಯ್ ಸಿಂಗ್ ಮತ್ತು ಸಮಾಜವಾದಿ ಪಕ್ಷದ ನಾಯಕ ಪವನ್ ಪಾಂಡೆ ಭಾನುವಾರ ಉತ್ತರ ಪ್ರದೇಶದ ಅಯೋಧ್ಯೆಯ ರಾಮ್ ದೇವಾಲಯದ ಆವರಣದ ಭೂ ಖರೀದಿಯಲ್ಲಿ ಭ್ರಷ್ಟಾಚಾರ ನಡೆದಿದೆ ಎಂದು ಆರೋಪಿಸಿದ್ದಾರೆ.
ಎಎಪಿ ಮತ್ತು ಎಸ್‌ಪಿ ಯ ಇಬ್ಬರು ಮುಖಂಡರು ಶ್ರೀ ರಾಮ್ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಪ್ರಧಾನ ಕಾರ್ಯದರ್ಶಿ ಚಂಪತ್ ರಾಯ್ ಅವರು 18.5 ಕೋಟಿ ರೂ.ಗಳ ಬೆಲೆಗೆ 2 ಕೋಟಿ ರೂ.ಬೆಲೆಬಾಳುವ ಭೂಮಿಯನ್ನು ಖರೀದಿಸಿದ್ದಾರೆಂದು ಆರೋಪಿಸಿದ್ದಾರೆ.
ಅವರಿಬ್ಬರು ಇದನ್ನು ಮನಿ ಲಾಂಡರಿಂಗ್ ಪ್ರಕರಣ ಎಂದು ಕರೆದರು ಮತ್ತು ದೇವಾಲಯದ ಆವರಣಕ್ಕೆ ಭೂ ಖರೀದಿಗೆ ಸಂಬಂಧಿಸಿದಂತೆ ಕೇಂದ್ರ ತನಿಖಾ ದಳ (ಸಿಬಿಐ) ಮತ್ತು ಜಾರಿ ನಿರ್ದೇಶನಾಲಯ (ಇಡಿ) ತನಿಖೆ ನಡೆಸಬೇಕೆಂದು ಒತ್ತಾಯಿಸಿದ್ದಾರೆ.
ಇಬ್ಬರು ವಿರೋಧ ಪಕ್ಷದ ನಾಯಕರ ಪ್ರಕಾರ, ಸುಲ್ತಾನ್ ಅನ್ಸಾರಿ ಮಾರ್ಚ್ 18 ರಂದು 1.208 ಹೆಕ್ಟೇರ್ ಅಳತೆಯ ಭೂಮಿಯನ್ನು ಅದರ ಮೂಲ ಮಾಲೀಕ ಹರೀಶ್ ಕುಮಾರ್ ಪಾಠಕ್ ಅಲಿಯಾಸ್ ಬಾಬಾ ಹರ್ದಾಸ್ ಅವರ ಪತ್ನಿ ಕುಸುಮ್ ಪಾಠಕ್ ಅವರಿಂದ 2 ಕೋಟಿ ರೂ.ಗಳಿಗೆ ಖರೀದಿಸಿದರು. ಕೆಲವು ನಿಮಿಷಗಳ ನಂತರ, ರಾಯ್ ಅವರು ಅಸುಲ್ತಾನ್ ಅನ್ಸಾರಿಯಿಂದ ಅಯೋಧ್ಯೆ ಜಿಲ್ಲೆಯ ಸದರ್ ತಹಸಿಲ್ ವ್ಯಾಪ್ತಿಗೆ ಬರುವ ಬ್ಯಾಗ್ ಬೈಸೈ ಗ್ರಾಮದ ಇದೇ ಭೂಮಿಯನ್ನು 18.50 ಕೋಟಿ ರೂ.ಗಳಿಗೆ ಖರೀದಿಸಿದ್ದಾರೆ.
ಶ್ರೀ ರಾಮ್ ಜನ್ಮಭೂಮಿ ತೀರ್ಥ ಕ್ಷೇತ್ರದ ಟ್ರಸ್ಟ್‌ನ ಪ್ರಧಾನ ಕಾರ್ಯದರ್ಶಿ ಚಂಪತ್ ರಾಯ್, ಟ್ರಸ್ಟ್ ಸದಸ್ಯ ಅನಿಲ್ ಮಿಶ್ರಾ ಅವರ ಸಹಾಯದಿಂದ 2 ಕೋಟಿ ರೂ.ಗಳ ಭೂಮಿಯನ್ನು 18.5 ಕೋಟಿ ರೂ.ಗೆ ಖರೀದಿಸಿದರು. ಇದು ಮನಿ ಲಾಂಡರಿಂಗ್ ಪ್ರಕರಣವಾಗಿದ್ದು, ಅದನ್ನು ಇಡಿ ಮತ್ತು ಸಿಬಿಐ ಮೂಲಕ ಸರ್ಕಾರ ತನಿಖೆ ಮಾಡಿಸಬೇಕು ಎಂದು “ಸಿಂಗ್ ಲಕ್ನೋದಲ್ಲಿ ಮಾಧ್ಯಮಗಳಿಗೆ ತಿಳಿಸಿದರು.
ಸಮಾಜವಾದಿ ಪಕ್ಷದ ಮಾಜಿ ಅಯೋಧ್ಯೆ ಶಾಸಕ ಪಾಂಡೆ ಇದೇ ಆರೋಪ ಮಾಡಿದ್ದಾರೆ.
ಎಎಪಿ ಸಂಸದರ ಪ್ರಕಾರ, ಮೊದಲ ಖರೀದಿಗೆ ಸ್ಟಾಂಪ್ ಪೇಪರ್‌ಗಳನ್ನು ಸಂಜೆ 5:11 ಕ್ಕೆ ಮತ್ತು ಎರಡನೆಯದನ್ನು ಸಂಜೆ 5:22 ಕ್ಕೆ ಖರೀದಿಸಲಾಗಿದೆ.
“ಪ್ರಧಾನಿ ನರೇಂದ್ರ ಮೋದಿ ಮತ್ತು ಅವರ ಸರ್ಕಾರ ಸಿಬಿಐ ಮತ್ತು ಇಡಿ ಯಿಂದ ಸಮಗ್ರ ತನಿಖೆಯನ್ನು ಪ್ರಾರಂಭಿಸಬೇಕು, ಮತ್ತು ಭ್ರಷ್ಟ ವ್ಯಕ್ತಿಗಳನ್ನು ಜೈಲಿಗೆ ಕಳುಹಿಸಬೇಕು, ಏಕೆಂದರೆ ಇದು ರಾಮ್ ದೇವಾಲಯದ ನಿರ್ಮಾಣಕ್ಕೆ ಹಣ ನೀಡಿದ ಹಾಗೂ ಅದಕ್ಕಾಗಿ ಶ್ರಮ ವಹಿಸಿದ ಭಗವಾನ್‌ ರಾಮನ ಕೋಟಿ ಭಕ್ತರ ನಂಬಿಕೆಯ ಪ್ರಶ್ನೆಯಾಗಿದೆ ಎಂದು ಸಿಂಗ್ ಹೇಳಿದರು.
ಅಯೋಧ್ಯೆಯಲ್ಲಿ ನಡೆದ ಮತ್ತೊಂದು ಪತ್ರಿಕಾಗೋಷ್ಠಿಯಲ್ಲಿ, ಪವನ್ ಪಾಂಡೆ ಮಅತನಾಡಿ, “ಒಂದು ತುಂಡು ಭೂಮಿಯನ್ನು 2 ಕೋಟಿ ರೂಗಳಿ.ಗೆ ಖರೀದಿಸಲಾಯಿತು, ಅದರಲ್ಲಿ ಟ್ರಸ್ಟಿಗಳು ಸಾಕ್ಷಿಗಳಾಗಿದ್ದರು. ಕೆಲವೇ ನಿಮಿಷಗಳ ನಂತರ ಅದೇ ಭೂಮಿಯನ್ನು 18.5 ಕೋಟಿ ರೂ.ಗಳಿಗೆ ಖರೀದಿಸಿದ್ದು, ಈ ಭೂಮಿ ಚಿನ್ನವನ್ನು ನೀಡಲು ಪ್ರಾರಂಭಿಸಿದೆಯೇ ಎಂದು ಪ್ರಶ್ನಿಸಿದ್ದಾರೆ.
ಟ್ರಸ್ಟಿ ಅನಿಲ್ ಮಿಶ್ರಾ ಮತ್ತು ಅಯೋಧ್ಯೆ ಮೇಯರ್ ರಿಷಿಕೇಶ್ ಉಪಾಧ್ಯಾಯ ಈ ಒಪ್ಪಂದಕ್ಕೆ ಸಾಕ್ಷಿಯಾಗಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಆರೋಪ ನಿರಾಕರಿಸಿದ ಶ್ರೀರಾಮ ದೇವಾಲಯ ಟ್ರಸ್ಟ್..:
ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಭ್ರಷ್ಟಾಚಾರದ ಆರೋಪಗಳನ್ನು ನಿರಾಕರಿಸಿದೆ.
ಪ್ರಸ್ತುತ ಮಾರಾಟಗಾರರು ವರ್ಷಗಳ ಹಿಂದೆ ಒಂದು ಬೆಲೆಗೆ ನೋಂದಾಯಿತ ಒಪ್ಪಂದವನ್ನು ಹೊಂದಿದ್ದಾರೆ ಎಂದು ಟ್ರಸ್ಟ್ ಹೇಳಿಕೆಯಲ್ಲಿ ತಿಳಿಸಿದೆ. ಮಾರ್ಚ್ 18 ರಂದು ಬೈನಾಮಾ (ಮಾರಾಟ ಪತ್ರ) ನಂತರ ಅವರು ಭೂಮಿಯನ್ನು ಟ್ರಸ್ಟ್‌ಗೆ ಮಾರಿದರು.
ಟ್ರಸ್ಟ್ ಕಾರ್ಯದರ್ಶಿ ಚಂಪತ್ ರಾಯ್ ಅವರು ಸಹಿ ಮಾಡಿದ್ದಾರೆ, “ಸುಪ್ರೀಂ ಕೋರ್ಟ್ ಆದೇಶದ ನಂತರ, ಬಹಳಷ್ಟು ಜನರು ಅಯೋಧ್ಯೆಗೆ ಭೂಮಿ ಖರೀದಿಸಲು ಬರಲು ಪ್ರಾರಂಭಿಸಿದರು, ಮತ್ತು ಉತ್ತರ ಪ್ರದೇಶ ಸರ್ಕಾರವು ಅಭಿವೃದ್ಧಿ ಕಾರ್ಯಗಳಿಗಾಗಿ ಸಾಕಷ್ಟು ಭೂಮಿಯನ್ನು ಖರೀದಿಸುತ್ತಿರುವುದರಿಂದ, ಇದ್ದಕ್ಕಿದ್ದಂತೆ ಭೂಮಿಯ ಬೆಲೆ ಹೆಚ್ಚಾಗಿದೆ.. ಚರ್ಚೆ ಪ್ರಾರಂಭವಾದ ಭೂಮಿ ರೈಲ್ವೆ ನಿಲ್ದಾಣಕ್ಕೆ ಬಹಳ ಹತ್ತಿರದಲ್ಲಿದೆ ಮತ್ತು ಆದ್ದರಿಂದ ಇದು ಬಹಳ ಮುಖ್ಯವಾದ ಸ್ಥಳದಲ್ಲಿದೆ. ಟ್ರಸ್ಟ್ ಖರೀದಿಸಿದ ಎಲ್ಲಾ ಭೂಮಿಯನ್ನು ಮಾರುಕಟ್ಟೆ ಬೆಲೆಗಿಂತ ಕಡಿಮೆ ಬೆಲೆಗೆ ಖರೀದಿಸಲಾಗುತ್ತದೆ. ಎಲ್ಲ ಮಾರಾಟ ಮತ್ತು ಖರೀದಿಯನ್ನು ಸರಿಯಾದ ಸಂವಹನ ಮತ್ತು ಒಪ್ಪಂದದಿಂದ ಮಾಡಲಾಗುತ್ತದೆ ಎಂದು ಹೇಳಿಕೆಯಲ್ಲಿ ಹೇಳಲಾಗಿದೆ. “ಎಲ್ಲಾ ನ್ಯಾಯಾಲಯ ಶುಲ್ಕಗಳು ಮತ್ತು ಸ್ಟಾಂಪ್ ಪೇಪರ್ ಖರೀದಿಯನ್ನು ಆನ್‌ಲೈನ್‌ನಲ್ಲಿ ಮಾಡಲಾಗುತ್ತದೆ ಮತ್ತು ಆ ಮೊತ್ತವನ್ನು ಆನ್‌ಲೈನ್ ವಹಿವಾಟಿನ ಮೂಲಕ ಮಾರಾಟಗಾರರ ಬ್ಯಾಂಕ್ ಖಾತೆಗೆ ವರ್ಗಾಯಿಸಲಾಗುತ್ತದೆ” ಎಂದು ಅದು ಹೇಳಿದೆ.
‘ದೇಣಿಗೆ ದುರುಪಯೋಗ ಪಾಪ’
ಭಕ್ತರು ದೇಣಿಗೆ ದುರುಪಯೋಗಪಡಿಸಿಕೊಳ್ಳುವುದು ಪಾಪ ಎಂದು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ಸೋಮವಾರ ಹೇಳಿದ್ದಾರೆ. “ಕೋಟ್ಯಂತರ ಜನರು ತಮ್ಮ ನಂಬಿಕೆ ಮತ್ತು ಭಕ್ತಿಯಿಂದ ದೇವರ ಪಾದಗಳಲ್ಲಿ ತಮ್ಮ ಅರ್ಪಣೆಗಳನ್ನು ಮಾಡಿದರು. ಆ ದೇಣಿಗೆಗಳನ್ನು ದುರುಪಯೋಗಪಡಿಸಿಕೊಳ್ಳುವುದು ಅನ್ಯಾಯ ಮತ್ತು ಇದು ಪಾಪ ಮತ್ತು ಅವರ ನಂಬಿಕೆಗೆ ಮಾಡಿದ ಅವಮಾನ” ಎಂದು ಅವರು ಟ್ವೀಟ್ ಮಾಡಿದ್ದಾರೆ.
ಕಾಂಗ್ರೆಸ್ ಮುಖ್ಯ ವಕ್ತಾರ ರಣದೀಪ್ ಸುರ್ಜೇವಲಾ ಅವರು “ಭಗವಾನ್‌ ರಾಮ್, ಈ ರೀತಿಯ ದಿನಗಳು ಯಾವುವು? ನಿಮ್ಮ ಹೆಸರಿನಲ್ಲಿ ದೇಣಿಗೆ ತೆಗೆದುಕೊಳ್ಳುವ ಮೂಲಕ ಹಗರಣಗಳು ನಡೆಯುತ್ತಿವೆ. ನಾಚಿಕೆಯಿಲ್ಲದ ದರೋಡೆಕೋರರು ರಾವಣನಂತಹ ದುರಹಂಕಾರದಿಂದ ವರ್ತಿಸುತ್ತಿದ್ದಾರೆ ಮತ್ತು ನಂಬಿಕೆಯನ್ನು ಮಾರುತ್ತಿದ್ದಾರೆ” ಎಂದು ಹೇಳಿದ್ದಾರೆ.
2 ಕೋಟಿ ರೂ.ಗೆ ಖರೀದಿಸಿದ ಭೂಮಿಯನ್ನು 10 ನಿಮಿಷಗಳ ನಂತರ ‘ರಾಮ್ ಜನ್ಮಭೂಮಿ’ಗೆ 18.50 ಕೋಟಿ ರೂ.ಗಳಿಗೆ ಹೇಗೆ ಮಾರಾಟ ಮಾಡಲಾಯಿತು ಎಂದು ಪ್ರಶ್ನಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ