ಜೆಇಇ ಮೇನ್‌- 2021 ಪರೀಕ್ಷೆ ಫಲಿತಾಂಶ ಪ್ರಕಟ: 17 ವಿದ್ಯಾರ್ಥಿಗಳಿಗೆ 100 ಪರ್ಸೆಂಟೈಲ್ ಅಂಕ..!

ನವದೆಹಲಿ: ಜೆಇಇ ಮೇನ್‌- 2021 ಫಲಿತಾಂಶ ಘೋಷಿಸಲಾಗಿದೆ. ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (ಎನ್‌ಟಿಎ) ಶುಕ್ರವಾರ (ಆಗಸ್ಟ್ 6) ಜಂಟಿ ಪ್ರವೇಶ ಪರೀಕ್ಷೆ (ಜೆಇಇ ಮುಖ್ಯ 2021) ಸೆಷನ್ 3 ರ ಫಲಿತಾಂಶವನ್ನು ಘೋಷಿಸಿತು, ಇದರಲ್ಲಿ 17 ಅಭ್ಯರ್ಥಿಗಳು 100 ಪರ್ಸೆಂಟೈಲ್ ಅಂಕಗಳನ್ನು ಗಳಿಸಿದ್ದಾರೆ.
ನ್ಯಾಷನಲ್​ ಟೆಸ್ಟಿಂಗ್​ ಏಜೆನ್ಸಿಯ ಜೆಇಇ ಸೆಷನ್​​ 3 ಪ್ರವೇಶ ಪರೀಕ್ಷೆಯ ಫಲಿತಾಂಶ ಘೋಷಣೆಯಾಗಿದೆ. 7 ಲಕ್ಷ ಅಭ್ಯರ್ಥಿಗಳು ಜುಲೈ 20, 22, 25 ಹಾಗೂ 27ರಂದು ನಡೆದ ಪರೀಕ್ಷೆಗೆ ಹಾಜರಾಗಿದ್ದರು. ಅಭ್ಯರ್ಥಿಗಳು ತಮ್ಮ ಫಲಿತಾಂಶವನ್ನು ಅಧಿಕೃತ ವೆಬ್​ಸೈಟ್ jeemain.nta.nic.in.​ನಲ್ಲಿ ವೀಕ್ಷಿಸಬಹುದಾಗಿದೆ.
ಜೆಇಇ ಮುಖ್ಯ ಪರೀಕ್ಷೆಯ ಕೀ ಆನ್ಸರ್​ನ್ನು ಬಿಡುಗಡೆ ಮಾಡಲಾಗುತ್ತದೆ. ಅಭ್ಯರ್ಥಿಗಳು jeemain.nta.nic.inನಲ್ಲಿ ಕೀಲಿ ಉತ್ತರವನ್ನು ನೋಡಬಹುದು ಹಾಗೂ ಡೌನ್​ಲೋಡ್​ ಮಾಡಬಹುದಾಗಿದೆ.
ಆಂಧ್ರಪ್ರದೇಶ ಮತ್ತು ತೆಲಂಗಾಣಗಳು ಗರಿಷ್ಠ ನಾಲ್ಕು 100 ಪರ್ಸೆಂಟೈಲ್ ಸ್ಕೋರರ್‌ಗಳನ್ನು ಹೊಂದಿದ್ದರೆ, ದೆಹಲಿ, ಹರಿಯಾಣ ಮತ್ತು ಉತ್ತರ ಪ್ರದೇಶಗಳು 2 ನೂರು ಪರ್ಸೆಂಟೈಲ್ ಸ್ಕೋರ್‌ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದರೆ, ಬಿಹಾರ, ಕರ್ನಾಟಕ, ರಾಜಸ್ಥಾನ ತಲಾ ಒಬ್ಬ ಅಭ್ಯರ್ಥಿಯೊಂದಿಗೆ ಮೂರನೇ ಸ್ಥಾನದಲ್ಲಿವೆ.
100 ಪರ್ಸೆಂಟೈಲ್ ಅಂಕ ಪಡೆದವರು,,:
ಆಂಧ್ರಪ್ರದೇಶದ ಕರ್ಣಂ ಲೋಕೇಶ್, ದುಗ್ಗಿನೇನಿ ವೆಂಕಟ ಪನೀಶ್, ಪಸಲ ವೀರ ಶಿವ, ಕಾಂಚನಪಲ್ಲಿ ರಾಹುಲ್ ನಾಯ್ಡು, ಬಿಹಾರದ ವೈಭವ್ ವಿಶಾಲ್, ರಾಜಸ್ಥಾನದ ಅನ್ಶುಲ್ ವರ್ಮಾ, ದೆಹಲಿಯಿಂದ ರುಚಿರ್ ಬನ್ಸಾಲ್, ದೆಹಲಿಯಿಂದ ಪ್ರವಾರ್ ಕಟಾರಿಯಾ, ಹರಿಯಾಣದಿಂದ ಬಂದ ಹರ್ಷ ಹಾಗೂ ಅನ್ಮೋಲ್,
ಕರ್ನಾಟಕದ ಗೌರಬ್ ದಾಸ್, ತೆಲಂಗಾಣದ ಪೊಲು ಲಕ್ಷ್ಮಿ ಸಾಯಿ ಲೋಕೇಶ್ ರೆಡ್ಡಿ, ಮಧುರ್ ಆದರ್ಶ್ ರೆಡ್ಡಿ, ಜೋಸ್ಯುಲಾ ವೆಂಕಟ ಆದಿತ್ಯ, ವೆಲವಲಿ ವೆಂಕಟ, ಉತ್ತರ ಪ್ರದೇಶದಿಂದ ಪಾಲ್ ಅಗರ್‌ವಾಲ್ ಹಾಗೂ ಸೀಂಘಲ್‌ ಈ ಸಾಧನೆ ಮಾಡಿದ್ದಾರೆ.
ನೋಡಲು ಹೀಗೆ ಮಾಡಿ..
ಜೆಇಇ ಮುಖ್ಯ ಪರೀಕ್ಷೆಯ ಫಲಿತಾಂಶವು jeemain.nta.nic.in ನಲ್ಲಿ ಲಭ್ಯವಿದೆ. ಇಲ್ಲಿ ನೀವು JEE Main 2021 Result ನ್ನು ಆಯ್ಕೆ ಮಾಡಬೇಕು. ಇದಾದ ಬಳಿಕ ನಿಮ್ಮ ಅರ್ಜಿ ಸಂಖ್ಯೆ ಹಾಗೂ ಕೇಳಲಾಗುವ ಮಾಹಿತಿಯನ್ನು ಒದಗಿಸಬೇಕು. ಇದಾದ ಬಳಿಕ ನಿಮ್ಮ ಜೆಇಇ ಫಲಿತಾಂಶವು ಪರದೆ ಮೇಲೆ ಕಾಣಿಸಲಿದೆ.
ಜೆಇಇ ಫಲಿತಾಂಶವನ್ನು ನೋಡುವ ವಿಧಾನ :

ಹಂತ 1 : ಅಧಿಕೃತ ವೆಬ್​ಸೈಟ್​ – jeemain.nta.nic.in ಗೆ ಭೇಟಿ ನೀಡಿ

ಹಂತ 2 : JEE Main 2021 Result ಮೇಲೆ ಕ್ಲಿಕ್​ ಮಾಡಿ.

ಹಂತ 3: ನಿಮ್ಮ ಅರ್ಜಿ ಸಂಖ್ಯೆ ಹಾಗೂ ಕೇಳಲಾಗುವ ವಿವರಗಳನ್ನು ಒದಗಿಸಿ.

ಹಂತ 4: ಪರದೆಯ ಮೇಲೆ ಜೆಇಇ ಫಲಿತಾಂಶ ಗೋಚರವಾಗಲಿದೆ.

ಹಂತ 5: ನಿಮ್ಮ ಫಲಿತಾಂಶವನ್ನು ಡೌನ್​ಲೋಡ್​ ಮಾಡಿಕೊಳ್ಳಿ.