ಭಾರತ ಮೂಲದ ಜಸ್ಕರಣ್ ಮಲ್ಹೋತ್ರಾ (Jaskaran Malhotra) ಹೊಸ ಇತಿಹಾಸ ನಿರ್ಮಿಸಿದ್ಧಾರೆ. ನಿನ್ನೆ ನಡೆದ ಪಪುವಾ ನ್ಯೂ ಗಿನಿಯಾ ಮತ್ತು ಅಮೆರಿಕ (USA) ನಡುವಿನ ಏಕದಿನ ಪಂದ್ಯದಲ್ಲಿ ಅಮೆರಿಕದ ಜಸ್ಕರಣ್ ಮಲ್ಹೋತ್ರಾ ಒಂದೇ ಓವರ್ನಲ್ಲಿ 6 ಸಿಕ್ಸರ್ ಸಿಡಿಸಿ ವಿಶ್ವದಾಖಲೆ ಸರಿಗಟ್ಟಿದ್ದಾರೆ. ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಒಂದು ಓವರ್ನಲ್ಲಿ ಆರು ಸಿಕ್ಸ್ ಭಾರಿಸಿದ ವಿಶ್ವದ ಎರಡನೇ ಆಟಗಾರರೆನಿಸಿದ್ದಾರೆ.
ಭಾರತದ ಯುವರಾಜ್ ಸಿಂಗ್ ಆರು ಬಾಲ್ಗೆ ಆರು ಸಿಕ್ಸರ್ ಭಾರಿಸಿದ್ದರು. ಈ ದಿಗ್ಗಜರ ಸಾಲಿಗೆ 31 ವರ್ಷದ ಜಸ್ಕರಣ್ ಮಲ್ಹೋತ್ರಾ ಸೇರ್ಪಡೆಯಾಗಿದ್ದಾರೆ. ಆತಿಥೇಯ ಪಪುವಾ ತಂಡದ ವೇಗದ ಬೌಲರ್ ಗೌಡಿ ಟೋಕಾ ಅವರ ಒಂದು ಓವರ್ನಲ್ಲಿ ಮಲ್ಹೋತ್ರಾ ಆರು ಸಿಕ್ಸರ್ ಸಿಡಿಸಿದ ದಾಖಲೆ ಬರೆದಿದ್ದಾರೆ.
ಪಪುವಾ ನ್ಯೂ ಗಿನಿಯಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಮಲ್ಹೋತ್ರಾ ಅವರ ಅಮೋಘ ಬ್ಯಾಟಿಂಗ್ ಪ್ರದರ್ಶನದ ನೆರವಿನಿಂದ ಅಮೆರಿಕ ತಂಡ 134 ರನ್ಗಳಿಂದ ಭರ್ಜರಿ ಗೆಲುವು ಸಾಧಿಸಿತು. ಚಂಡೀಗಡ ಸಂಜಾತರಾದ ಮಲ್ಹೋತ್ರಾ 124 ಬಾಲ್ನಲ್ಲಿ ಅಜೇಯ 173 ರನ್ ಗಳಿಸಿದರು. ಗೆಲ್ಲಲು ಅಮೆರಿಕ ಒಡ್ಡಿದ 271 ರನ್ಗೆ ಪ್ರತಿಯಾಗಿ ಪಪುವಾ ತಂಡ 137 ರನ್ಗೆ ಆಲೌಟ್ ಆಯಿತು. ಮಲ್ಹೋತ್ರಾ ಈ ಪಂದ್ಯದಲ್ಲಿ ಗಳಿಸಿದ ಶತಕ ಐತಿಹಾಸಿಕವಾಗಿತ್ತು. ಇದು ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಅಮೆರಿಕ ತಂಡದ ಆಟಗಾರನೊಬ್ಬ ಗಳಿಸಿದ ಚೊಚ್ಚಲ ಶತಕವಾಗಿದೆ.
ಗೌಡಿ ಟಾಕ್ ದುರದೃಷ್ಟಕರ ಬೌಲರ್ ಆಗಿದ್ದು, ಮಲ್ಹೋತ್ರಾ ಕ್ಲೀನರ್ಗಳಿಗೆ ಕರೆದೊಯ್ದರು, ಅವರು 124 ಎಸೆತಗಳಲ್ಲಿ 16 ಸಿಕ್ಸರ್ ಮತ್ತು 4 ಬೌಂಡರಿಗಳೊಂದಿಗೆ 173 ರನ್ ಗಳಿಸಿ ಔಟಾಗದೇ ಉಳಿದರು.
ಗಿಬ್ಸ್ (vs ನೆದರ್ಲ್ಯಾಂಡ್, 2011), ಯುವರಾಜ್ ಸಿಂಗ್ (vs ಇಂಗ್ಲೆಂಡ್, 2007) ಮತ್ತು ವೆಸ್ಟ್ ಇಂಡೀಸ್ ನ ಕೀರನ್ ಪೊಲಾರ್ಡ್ (vs ಶ್ರೀಲಂಕಾ, 2021) ನಂತರ ಅಸ್ಕರನ್ ಮಲ್ಹೋತ್ರಾ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಈ ಸಾಧನೆ ಮಾಡಿದ ನಾಲ್ಕನೇ ಬ್ಯಾಟ್ಸ್ ಮನ್. ಟಿ 20 ಕ್ರಿಕೆಟ್ ನಲ್ಲಿ ಯುವರಾಜ್ ಮತ್ತು ಪೊಲಾರ್ಡ್ ಇಬ್ಬರೂ ಒಂದು ಓವರ್ ನಲ್ಲಿ ಆರು ಸಿಕ್ಸರ್ ಬಾರಿಸಿದರು.
ಈ ಗೆಲುವಿನ ಮೂಲಕ ಅಮೆರಿಕ ತಂಡ ಪಪುವಾ ನ್ಯೂಗಿನಿಯಾ ವಿರುದ್ಧದ ಎರಡೂ ಪಂದ್ಯಗಳನ್ನ ಗೆದ್ದು ಸರಣಿ ಕ್ಲೀನ್ ಸ್ವೀಪ್ ಮಾಡಿದೆ. ಸೆಪ್ಟೆಂಬರ್ 13ರಂದು ನೇಪಾಳ ಮತ್ತು ಓಮನ್ ದೇಶ ತಂಡಗಳ ವಿರುದ್ಧ ಅಮೆರಿಕ ತಂಡ ಆಡಲಿದೆ. ಇದೇ ವೇಳೆ, ಜಸ್ಕರಣ್ ಮಲ್ಹೋತ್ರಾ ಅವರ ದಾಖಲೆಯ ಆಟವನ್ನು ಹರ್ಷಲ್ ಗಿಬ್ಸ್, ಎಬಿ ಡೀವಿಲಿಯರ್ಸ್ ಮೊದಲಾದವರು ಪ್ರಶಂಸಿಸಿದ್ಧಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ