ಚಿತ್ರಕಥೆಗಾರ ಮತ್ತು ಗೀತರಚನೆಕಾರ ಜಾವೇದ್ ಅಖ್ತರ್, ಶಿವಸೇನಾ ಮುಖವಾಣಿ ಸಾಮ್ನಾದಲ್ಲಿ ಲೇಖನದಲ್ಲಿ, ಹಿಂದೂಗಳು ವಿಶ್ವದ ಅತ್ಯಂತ ಸಹಿಷ್ಣು ಬಹುಸಂಖ್ಯಾತರು ಮತ್ತು ಭಾರತವು ತಾಲಿಬಾನ್ ಆಳ್ವಿಕೆಯಲ್ಲಿರುವ ಅಫ್ಘಾನಿಸ್ತಾನದ ತರಹ ಎಂದೂ ಆಗುವುದಿಲ್ಲ. ಏಕೆಂದರೆ ಭಾರತೀಯರು ಸೌಮ್ಯ ಸ್ವಭಾವದರು ಎಂದು ಹೇಳಿದ್ದಾರೆ.
ಈ ತಿಂಗಳ ಆರಂಭದಲ್ಲಿ ಅಖ್ತರ್ ಅವರನ್ನು ಆರ್‌ಎಸ್‌ಎಸ್ ಮತ್ತು ವಿಎಚ್‌ಪಿಯನ್ನು ತಾಲಿಬಾನ್‌ನೊಂದಿಗೆ ಹೋಲಿಸಿದಾಗ ಶಿವಸೇನೆಯು ಸಾಮ್ನಾ ಮೂಲಕ, ಟೀಕಿಸಿತ್ತು. ಸಾಮ್ನಾ ಸಂಪಾದಕೀಯವು ಅವರ ಹೇಳಿಕೆಯನ್ನು ಹಿಂದೂ ಸಂಸ್ಕೃತಿಗೆ ಅಗೌರವ ಎಂದು ಕರೆದಿತ್ತು ಮತ್ತು ಅಖ್ತರ್ ಮೂಲಭೂತವಾದ ಮತ್ತು ಮತಾಂಧತೆಯ ಬಗ್ಗೆ ಬಹಿರಂಗವಾಗಿ ಮಾತನಾಡುತ್ತಿದ್ದರೂ, ಅದು ಆರ್‌ಎಸ್‌ಎಸ್ ಮತ್ತು ತಾಲಿಬಾನ್ ನಡುವಿನ ಹೋಲಿಕೆಯನ್ನು ಒಪ್ಪುವುದಿಲ್ಲ ಎಂದು ಹೇಳಿತ್ತು.
ವಾಸ್ತವವಾಗಿ, ಇತ್ತೀಚಿನ ಸಂದರ್ಶನದಲ್ಲಿ, ನಾನು ‘ಹಿಂದೂಗಳು ಜಗತ್ತಿನಲ್ಲಿಯೇ ಅತ್ಯಂತ ಯೋಗ್ಯ ಮತ್ತು ಅತ್ಯಂತ ಸಹಿಷ್ಣುತೆಯುಳ್ಳ ಬಹುಸಂಖ್ಯಾತರು’ ಎಂದು ಹೇಳಿದ್ದೇನೆ. ನಾನು ಪದೇ ಪದೇ ಪುನರಾವರ್ತಿಸುತ್ತಿದ್ದೇನೆ ಮತ್ತು ಭಾರತವು ಎಂದಿಗೂ ಅಫ್ಘಾನಿಸ್ತಾನದಂತೆ ಆಗಲು ಸಾಧ್ಯವಿಲ್ಲ ಎಂದು ಒತ್ತಿ ಹೇಳಿದೆ. ಏಕೆಂದರೆ ಭಾರತೀಯರು ಸ್ವಭಾವತಃ ಉಗ್ರವಾದಿಗಳಲ್ಲ. ಸೌಮ್ಯವಾಗಿರುವುದು ಅವರ ಡಿಎನ್‌ಎನಲ್ಲೇ ಬಂದಿದೆ. ಅವರು ಎಂದಿಗೂ ಅತಿರೇಕದಿಂದ ವರ್ತಿಸುವುದಿಲ್ಲ ಎಂದು ಹೇಳಿದ್ದೇನೆ ಎಂದು ಬರೆದಿದ್ದಾರೆ.
ತಾಲಿಬಾನ್ ಮತ್ತು ಹಿಂದೂ ಬಲಪಂಥೀಯರ ಮನಸ್ಥಿತಿಗಳ ನಡುವೆ ಸಾಕಷ್ಟು ಹೋಲಿಕೆಗಳನ್ನು ಕಂಡುಕೊಳ್ಳುವುದರಿಂದ ತನಗೆ ಅಸಮಾಧಾನವಿದೆ. “ವಾಸ್ತವವಾಗಿ, ಬಹಳಷ್ಟು ಸಾಮ್ಯತೆಗಳಿವೆ. ತಾಲಿಬಾನ್ ಧರ್ಮದ ಆಧಾರದ ಮೇಲೆ ಇಸ್ಲಾಮಿಕ್ ಸರ್ಕಾರವನ್ನು ರಚಿಸುತ್ತಿರುವಾಗ, ಹಿಂದೂ ಬಲಪಂಥೀಯರು ಹಿಂದೂ ರಾಷ್ಟ್ರವನ್ನು ಬಯಸುತ್ತಾರೆ. ತಾಲಿಬಾನ್ ಮಹಿಳೆಯರ ಹಕ್ಕುಗಳನ್ನು ನಿರ್ಬಂಧಿಸಲು ಮತ್ತು ಅವುಗಳನ್ನು ಪಕ್ಕಕ್ಕೆ ಸರಿಸಲು ಬಯಸುತ್ತದೆ, ಹಿಂದೂ ಬಲಪಂಥೀಯರು ಕೂಡ ಅವರು ಮಹಿಳೆಯರು ಮತ್ತು ಹುಡುಗಿಯರ ಸ್ವಾತಂತ್ರ್ಯವನ್ನು ಇಷ್ಟಪಡುವುದಿಲ್ಲ ಎಂಬುದನ್ನು ಹಲವು ಸಂದರ್ಭದಲ್ಲಿ ಸ್ಪಷ್ಟಪಡಿಸಿದ್ದಾರೆ ಎಂದು ಅಖ್ತರ್ ಹೇಳಿದ್ದಾರೆ.
ನನ್ನ ವಿರೋಧಿಗಳು ನಾನು ಹಿಂದೂ ಬಲಪಂಥೀಯರನ್ನು ಟೀಕಿಸುತ್ತೇನೆ, ನಾನು ಎಂದಿಗೂ ಮುಸ್ಲಿಮ್‌ ಮತಾಂಧರು ಹಾಗೂ ಮುಸ್ಲಿಂ ಮೂಲಭೂತವಾದದ ವಿರುದ್ಧ ನಿಂತಿಲ್ಲ ಎಂದು ಹೇಳಿದ್ದಾರೆ. ಅವರು ನನ್ನ ಮೇಲೆ ತ್ರಿವಳಿ ತಲಾಖ್ ಬಗ್ಗೆ ಏನನ್ನೂ ಹೇಳಿಲ್ಲ, ಮುಸ್ಲಿಂ ಸಮುದಾಯದೊಳಗೆ ಪರ್ದಾ ಅಥವಾ ಯಾವುದೇ ಇತರ ಮೌಢ್ಯ ಆಚರಣೆಗಳ ಬಗ್ಗೆ ಮಾತನಾಡಲಿಲ್ಲ ಎಂದು ಆರೋಪಿಸಿದ್ದಾರೆ. ವರ್ಷಗಳಲ್ಲಿ ನನ್ನ ಚಟುವಟಿಕೆಗಳ ಬಗ್ಗೆ ಅವರಿಗೆ ಸಂಪೂರ್ಣವಾಗಿ ತಿಳಿದಿಲ್ಲ ಎಂಬ ಅಂಶದಲ್ಲಿ ನನಗೆ ಆಶ್ಚರ್ಯವಿಲ್ಲ “ಎಂದು ಅವರು ಹೇಳಿದ್ದಾರೆ.
ಕಳೆದ ಎರಡು ದಶಕಗಳಲ್ಲಿ, ಮತಾಂಧ ಮುಸ್ಲಿಮರಿಂದ ನನ್ನ ಜೀವ ಬೆದರಿಕೆಯಿಂದಾಗಿ ನನಗೆ ಎರಡು ಬಾರಿ ಪೊಲೀಸ್ ರಕ್ಷಣೆ ನೀಡಲಾಗಿದೆ: ಮೊದಲನೆಯದಾಗಿ, ರಾಷ್ಟ್ರೀಯ ರಾಡಾರ್‌ನಲ್ಲಿ ಈ ಸಮಸ್ಯೆ ಇಲ್ಲದಿದ್ದಾಗ ನಾನು ತ್ರಿವಳಿ ತಲಾಖ್ ಅನ್ನು ತೀವ್ರವಾಗಿ ವಿರೋಧಿಸಿದ್ದೆ. ಆದರೆ ನಾನು ಮುಸ್ಲಿಮ್ಸ್‌ ಫಾರ್‌ ಸೆಕ್ಯೂಲರ್‌ ಡೆಮೋಕ್ರಸಿ(ಎಂಎಸ್‌ಡಿ)’ ಎಂಬ ಹೆಸರಿನ ಸಂಘಟನೆಯೊಂದಿಗೆ, ಹೈದರಾಬಾದ್, ಅಲಹಾಬಾದ್, ಕಾನ್ಪುರ ಮತ್ತು ಅಲಿಗಢದಂತಹ ಹಲವಾರು ನಗರಗಳಲ್ಲಿ ಪ್ರವಾಸ ಮಾಡಿ ಸಾರ್ವಜನಿಕ ವೇದಿಕೆಗಳಲ್ಲಿ ಅರಿವು ಮೂಡಿಸುವ ಕೆಲಸ ಮಾಡಿದ್ದೇನೆ ಎಂದು ಹೇಳಿದ್ದಾರೆ.
ಶಿವಸೇನೆ ಮುಖ್ಯಸ್ಥ ಮತ್ತು ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಅವರನ್ನು ಅಖ್ತರ್ ಶ್ಲಾಘಿಸಿದ್ದಾರೆ, “ಕೆಟ್ಟ ಟೀಕಾಕಾರರು ಕೂಡ ಯಾವುದೇ ತಾರತಮ್ಯ ಅಥವಾ ಅನ್ಯಾಯದ ಆರೋಪ ಮಾಡಲಾರರು” ಮತ್ತು ಇದು ಉದ್ಧವ್ ಠಾಕ್ರೆಯವರ ಸರ್ಕಾರವನ್ನು ‘ತಾಲಿಬಾನಿ’ ಎಂದು ಹೇಗೆ ಮತ್ತು ಏಕೆ ಕರೆಯಬಹುದು ಎಂಬುದನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.
ಶಿವಸೇನಾ ನಾಯಕ ಮತ್ತು ಸಾಮ್ನಾದ ಕಾರ್ಯನಿರ್ವಾಹಕ ಸಂಪಾದಕ ಸಂಜಯ್ ರಾವುತ್, ಲೇಖನವನ್ನು ಅಖ್ತರ್ ಪತ್ರಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ. “ನಾವು ಸಾಮ್ನಾವನ್ನು ಒಂದು ವೃತ್ತಪತ್ರಿಕೆಯಂತೆ ಪರಿಗಣಿಸುತ್ತೇವೆ ಮತ್ತು ನಮ್ಮ ದೃಷ್ಟಿಕೋನಗಳು ವಿಭಿನ್ನವಾಗಿದ್ದರೂ ಸಹ ಬೇರೆ ಬೇರೆ ಸಿದ್ಧಾಂತಗಳ ಜನರ ದೃಷ್ಟಿಕೋನವನ್ನು ಪ್ರಕಟಿಸುತ್ತೇವೆ. ಅವರು (ಅಖ್ತರ್) ಲೇಖನವನ್ನು ನಮ್ಮೊಂದಿಗೆ ಹಂಚಿಕೊಂಡರು ಮತ್ತು ಅವರು ಕೆಲವು ಆಸಕ್ತಿಕರ ಅಂಶಗಳನ್ನು ಹೇಳಿದ್ದಾರೆ ಎಂದು ನಾವು ಭಾವಿಸಿದ್ದರಿಂದ ನಾವು ಅದನ್ನು ಪ್ರಕಟಿಸಿದ್ದೇವೆ “ಎಂದು ರೌತ್ ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ