ಮುಂದಿನ ವರ್ಷ ಪಂಜಾಬ್ ರಾಜ್ಯ ಸಹ ವಿಧಾನಸಭಾ ಚುನಾವಣೆಗೆ ಹೋಗಲಿದೆ. ಕಾಂಗ್ರೆಸ್ ಪಕ್ಷಕ್ಕೆ ಈ ಸ್ಪರ್ಧೆಯು ನಿರ್ಣಾಯಕವಾಗಿದೆ ಏಕೆಂದರೆ ಪಂಜಾಬ್ ಕಾಂಗ್ರೆಸ್ಸಿನ ಉಳಿದಿರುವ ಕೆಲವೇ ಭದ್ರಕೋಟೆಗಳಲ್ಲಿ ಒಂದಾಗಿದೆ. ಎಬಿಪಿ ನ್ಯೂಸ್,ಸಿ ವೋಟರ್‌ ಸಹಭಾಗಿತ್ವದಲ್ಲಿ, ಚುನಾವಣೆಗೆ ಮುಂಚಿತವಾಗಿ ಪಂಜಾಬ್ ಜನರ ಮನಸ್ಥಿತಿಯನ್ನು ಅರ್ಥಮಾಡಿಕೊಳ್ಳಲು ಒಂದು ಸಮೀಕ್ಷೆಯನ್ನು ನಡೆಸಿತು. ಸಮೀಕ್ಷೆಯಲ್ಲಿ ಕಾಂಗ್ರೆಸ್ ಹಿನ್ನಡೆ ಅನುಭವಿಸಿದ್ದು ಕಂಡುಬಂದಿದ್ದು, ಆಮ್‌ ಆದ್ಮಿ ಪಾರ್ಟಿ (ಆಪ್) ಮುನ್ನಡೆ ಸಾಧಿಸುತ್ತದೆ ಎಂದು ಸಮೀಕ್ಷೆಯಲ್ಲಿ ಕಂಡುಬಂದಿದೆ. ಆದಾಗ್ಯೂ, ಇತ್ತೀಚಿನ ನಾಯಕತ್ವ ಬಿಕ್ಕಟ್ಟು ರಾಜ್ಯದಲ್ಲಿ ಅದರ ಭವಿಷ್ಯದ ಮೇಲೆ ಪರಿಣಾಮ ಬೀರುತ್ತದೆಯೇ ಎಂಬುದನ್ನು ನೋಡಬೇಕಿದೆ.
ಅಮರಿಂದರ್ ಸಿಂಗ್ ಮತ್ತು ನವಜೋತ್ ಸಿಂಗ್ ಸಿಂಧು ನಡುವಿನ ಸುದೀರ್ಘ ಜಗಳದ ನಂತರ, ಅಮರಿಂದರ್ ಸೆಪ್ಟೆಂಬರ್‌ನಲ್ಲಿ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದರು. ಕಾಂಗ್ರೆಸ್ ಪಕ್ಷ ತನಗೆ ಅವಮಾನ ಮಾಡಿದೆ ಎಂದು ಆರೋಪಿಸಿದ್ದಾರೆ.
ರಾಜ್ಯದ ಮೊದಲ ದಲಿತ ಮುಖ್ಯಮಂತ್ರಿಯಾಗಿ ಚರಣಜಿತ್ ಸಿಂಗ್ ಚನ್ನಿಯನ್ನು ನೇಮಿಸುವ ಮೂಲಕ ಕಾಂಗ್ರೆಸ್ ಬಿಕ್ಕಟ್ಟನ್ನು ಬಗೆಹರಿಸಿದಂತೆ ಕಂಡುಬಂದರೂ, ಪಂಜಾಬ್ ಪ್ರದೇಶ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷ ಸ್ಥಾನಕ್ಕೆ ನವಜೋತ್ ಸಿಧು ರಾಜೀನಾಮೆ ನೀಡುವ ಮೂಲಕ ಮತ್ತೊಂದು ಅನಿರೀಕ್ಷಿತ ಹೊಡೆತ ಎದುರಿಸಿತು.
ಸಿಧು ಮತ್ತು ಮುಖ್ಯಮಂತ್ರಿ ಚರಣ್‌ಜಿತ್ ಹೊಸ ಕ್ಯಾಬಿನೆಟ್ ಬಗ್ಗೆ ಅವರ ಅಸಮಾಧಾನಕ್ಕೆ ಸಂಬಂಧಿಸಿದಂತೆ ಸಂಧಾನಕ್ಕೆ ತಲುಪಿದ್ದಾರೆ, ಆದರೆ, ಬಿಕ್ಕಟ್ಟು ಇನ್ನೂ ರಾಜ್ಯದಲ್ಲಿ ಕಾಂಗ್ರೆಸ್ ನಾಯಕತ್ವದ ಸ್ಥಿರತೆಯ ಬಗ್ಗೆ ಪ್ರಶ್ನೆಗಳನ್ನು ಎತ್ತಿದೆ.
ಮತ ಹಂಚಿಕೆ
ಎಬಿಪಿ- ಸಿ ವೋಟರ್‌ ಸಮೀಕ್ಷೆ ಪ್ರಕಾರ, 2017ರ ಚುನಾವಣೆಯಲ್ಲಿ 38.5 ಶೇಕಡಾ ಮತಗಳನ್ನು ಗಳಿಸಿದ್ದ ಕಾಂಗ್ರೆಸ್, ಮುಂದಿನ ವರ್ಷದ ಚುನಾವಣೆಯಲ್ಲಿ 31.8 ಶೇಕಡಾ ಮತಗಳನ್ನು ಗೆಲ್ಲುವ ನಿರೀಕ್ಷೆಯಿದೆ,
ಮತ್ತೊಂದೆಡೆ, 2017 ರ ಚುನಾವಣೆಯಲ್ಲಿ 23.7 ಶೇಕಡಾ ಮತಗಳನ್ನು ಗಳಿಸಿದ ಎಎಪಿ, 35.9 ರಷ್ಟು ಮತಗಳನ್ನು ಗಳಿಸಬಹುದು, ಇದು ಹಿಂದಿನ ಪ್ರಕ್ಷೇಪಣಕ್ಕೆ ಹೋಲಿಸಿದರೆ ಶೇಕಡಾ 0.8 ರಷ್ಟು ಹೆಚ್ಚಳವಾಗಬಹುದು ಎಂದು ಸಮೀಕ್ಷೆಯಲ್ಲಿ ಕಂಡುಬಂದಿದೆ.
ಏತನ್ಮಧ್ಯೆ, ಎಸ್‌ಎಡಿ-ಬಿಎಸ್‌ಪಿ ಮೈತ್ರಿ ಶೇಕಡಾ 22.5 ಮತಗಳನ್ನು ಗಳಿಸಬಹುದು. ಮುಂಬರುವ ಚುನಾವಣೆಯಲ್ಲಿ ಬಿಜೆಪಿ ಕೇವಲ 3.8 ಶೇಕಡಾ ಮತಗಳನ್ನು ಗಳಿಸುವ ನಿರೀಕ್ಷೆ ಹೊಂದಿದೆ.
ಸೀಟುಗಳನ್ನು ಪಡೆಯುವ ಸಂಖ್ಯೆ
ಸಮೀಕ್ಷೆಯ ಪ್ರಕಾರ, ಸೆಪ್ಟೆಂಬರ್‌ನಲ್ಲಿ 38 ರಿಂದ 46 ಸ್ಥಾನಗಳನ್ನು ಗೆಲ್ಲುವ ನಿರೀಕ್ಷೆಯಿದ್ದ ಕಾಂಗ್ರೆಸ್ , ಇತ್ತೀಚಿನ ಮುನ್ಸೂಚನೆಯ ಪ್ರಕಾರ 39 ರಿಂದ 47 ಸ್ಥಾನಗಳನ್ನು ಗೆಲ್ಲಬಹುದು ಎಂದು ಕಂಡುಬಂದಿದೆ.
ಆದಾಗ್ಯೂ, ಸಮೀಕ್ಷೆಗಳಲ್ಲಿ, ಎಎಪಿ 49 ರಿಂದ 55 ಸ್ಥಾನಗಳನ್ನು ಪಡೆದುಕೊಳ್ಳುವ ಸಾಧ್ಯತೆಯಿರುವುದು ಕಂಡುಬಂದಿದೆ. ಸೆಪ್ಟೆಂಬರ್‌ನಲ್ಲಿ 51 ರಿಂದ 57 ಸ್ಥಾನಗಳಿಗೆ ಹೋಲಿಸಿದರೆ ಕಡಿತವಾಗಿದೆ.
ಏತನ್ಮಧ್ಯೆ, ಎಸ್‌ಎಡಿ-ಬಿಎಸ್‌ಪಿ ಮೈತ್ರಿಕೂಟವು 17 ರಿಂದ 25 ಸ್ಥಾನಗಳನ್ನು ಗೆಲ್ಲಬಹುದು, ಸೆಪ್ಟೆಂಬರ್‌ ಭವಿಷ್ಯದಿಂದ ಅಲ್ಪ ಹೆಚ್ಚಳವನ್ನು ಕಂಡಿದೆ. ಮತ್ತೊಂದೆಡೆ, ಬಿಜೆಪಿಗೆ 0 ರಿಂದ 1 ಸ್ಥಾನಗಳ ನಿರೀಕ್ಷೆಯೊಂದಿಗೆ ಇದು ಕಳಪೆ ಪ್ರದರ್ಶನವಾಗಿ ಮುಂದುವರಿದಿದೆ.
ಹಾಗಾಗಿ ಎಎಪಿ ಇನ್ನೂ ಕಾಂಗ್ರೆಸ್ ಪಕ್ಷದ ಸ್ಥಾನಗಳನ್ನು ಮತ್ತು ಮತ ಹಂಚಿಕೆಯನ್ನು ಕುಂಠಿತಗೊಳಿಸಬಹುದಾದರೂ, ಇತ್ತೀಚಿನ ನಾಯಕತ್ವದ ಬಿಕ್ಕಟ್ಟು ವಿರೋಧ ಪಕ್ಷಗಳಿಗೆ ಹೆಚ್ಚಿನ ಲಾಭದ ದೃಷ್ಟಿಯಿಂದ ತೀವ್ರ ಪ್ರಭಾವ ಬೀರಿದಂತೆ ಕಾಣುತ್ತಿಲ್ಲ. ಏತನ್ಮಧ್ಯೆ, ವಿಧಾನಸಭೆ ಚುನಾವಣೆ ಸಮೀಪಿಸುವ ವೇಳೆಗೆ ಕ್ರಮಪಲ್ಲಟನೆಗಳು ಮತ್ತು ಸಂಯೋಜನೆಗಳು ತೀವ್ರವಾಗಿ ಬದಲಾಗಬಹುದು. ಜೊತೆಗೆ ಅಮರಿಂದರ್ ಸಿಂಗ್ ಅವರು ಪ್ರತ್ಯೇಕ ಪಕ್ಷ ರಚಿಸಿದರೆ ಅದು ಯಾವರೀತಿ ಹಾನಿಯಾಗಬಹುದು ಎಂದು ಹೇಳುವುದು ಕಷ್ಟ.
ನಿಮ್ಮ ಕಾಮೆಂಟ್ ಬರೆಯಿರಿ