ಇಂಡೋನೇಷ್ಯಾದ ಮೊದಲ ಅಧ್ಯಕ್ಷ ಸುಕರ್ಣೋ ಅವರ ಪುತ್ರಿ ಸುಕ್ಮಾವತಿ ಸುಕ್ರಣೋಪುತ್ರಿ ಇಸ್ಲಾಂ ಧರ್ಮದಿಂದ ಹಿಂದೂ ಧರ್ಮಕ್ಕೆ ಮತಾಂತರಗೊಳ್ಳಲು ನಿರ್ಧರಿಸಿದ್ದಾರೆ. ಅಕ್ಟೋಬರ್ 26 ರಂದು ನಡೆಯಲಿರುವ ಔಪಚಾರಿಕ ಸಮಾರಂಭದಲ್ಲಿ ಅವರು ಹಿಂದೂ ಧರ್ಮವನ್ನು ಸ್ವೀಕರಿಸಲಿದ್ದಾರೆ ಎಂದು ಸಿಎನ್ಎನ್ ಇಂಡೋನೇಷ್ಯಾ ವರದಿ ಮಾಡಿದೆ.
ಪರಿವರ್ತನಾ ಸಮಾರಂಭ ‘ಸುಧಿ ವಡಾನಿ’ಯನ್ನು ಬಾಲಿ ಅಗುಂಗ್ ಸಿಂಗರಾಜದಲ್ಲಿ ಅಂದರೆ ಕುಟುಂಬದ ಪೂರ್ವಜರ ಭೂಮಿಯಾದ ಬಾಲಿಯ ಸಿಂಗರಾಜ ನಗರದ ಬುಲೆಲೆಂಗ್ ರೀಜೆನ್ಸಿಯಲ್ಲಿ ನಡೆಸಲಾಗುತ್ತದೆ ಎಂದು ತಿಳಿಸಲಾಗಿದೆ. ಬಾಲಿ ಅಗುಂಗ್ ಸಿಂಗರಾಜ ಸುಕ್ಮಾವತಿ ಮೃತ ತಂದೆ ಸುಕರ್ಣೊ ಅವರ ಸ್ಮಾರಕವಾಗಿದ್ದು, ಇದನ್ನು ಉತ್ತರ ಬಾಲಿಯಲ್ಲಿರುವ ಅಜ್ಜಿಯ ಮನೆಯ ಬಳಿ ನಿರ್ಮಿಸಲಾಗಿದೆ.
ಸುಕ್ಮಾವತಿ ಸುಕರ್ಣೋಪುತ್ರಿ ಹಿಂದೂ ಧರ್ಮ ಸ್ವೀಕರಿಸಲು ಅವರ ಕುಟುಂಬಸ್ಥರ ಒಪ್ಪಿಗೆಯೂ ಸಿಕ್ಕಿದೆ. ಅವರು ಇಂಡೋನೇಷ್ಯಾದ ಸಂಸ್ಥಾಪಕ ಅಧ್ಯಕ್ಷ ಸುಕರ್ಣೊ ಮತ್ತು ಮೂರನೇ ಪತ್ನಿ ಫಾತ್ಮವತಿಯವರ ಮಗಳು. ಅವರು ಇಂಡೋನೇಷ್ಯಾದ 5ನೇ ಅಧ್ಯಕ್ಷರಾದ ಮೇಗಾವತಿ ಸೂಕರ್ಣೊಪುತ್ರಿ ಅವರ ಸಹೋದರಿ. ಅವರು ಕಂಜೆಂಗ್ ಗುಸ್ತಿ ಪಂಗೇರನ್ ಅಧಿಪತಿ ಆರ್ಯ ಮಂಗುಣೆಗಾರ IX ಅವರನ್ನು ವಿವಾಹವಾದರು ಆದರೆ 1984 ರಲ್ಲಿ ವಿಚ್ಛೇದನ ಪಡೆದರು.
ಸುಕ್ಮಾವತಿ ಹಿಂದೂ ಧರ್ಮಕ್ಕೆ ಮತಾಂತರಗೊಳ್ಳುವ ನಿರ್ಧಾರದಲ್ಲಿ ಅವರ ಅಜ್ಜಿ ಇಡಾ ಆಯು ನ್ಯೋಮನ್ ರೈ ಶ್ರೀಂಬೆನ್ ಪ್ರಭಾವವೂ ಇದೆ. ಅವರು ಬಾಲಿಯಿಂದ ಬಂದವರು. ಸುಕ್ಮಾವತಿ ಇಂಡೋನೇಷಿಯನ್ ನ್ಯಾಷನಲ್ ಪಾರ್ಟಿ (ಪಾರ್ಟೈ ನ್ಯಾಶನಲ್ ಇಂಡೋನೇಷಿಯಾ-ಪಿಎನ್‌ಐ) ಸ್ಥಾಪಕರು.
ಸುಕ್ಮಾವತಿ ಅವರ ಹಿಂದೂ ಧರ್ಮ ಸ್ವೀಕಾರವು ಅವರ 70 ನೇ ಜನ್ಮದಿನದಂದೇ ನಡೆಯುತ್ತದೆ. ಸುಕ್ಮಾವತಿ ವಕೀಲ ವಿಟಾರಿಯೊನೊ ರೆಜ್ಸೊಪ್ರೊಜೊ ತಮ್ಮ ಕಕ್ಷಿದಾರರು ಹಿಂದೂ ಧರ್ಮಶಾಸ್ತ್ರದಲ್ಲಿ ಪಾರಂಗತರಾಗಿದ್ದಾರೆ ಎಂದು ತಿಳಿಸಿದ್ದಾರೆ. ವರದಿಗಳ ಪ್ರಕಾರ, ಬಾಲಿಯಲ್ಲಿರುವ ಸುಕರ್ಣೋ ಸೆಂಟರ್‌ನ ಮುಖ್ಯಸ್ಥ ಆರ್ಯ ವೇದಕರ್ಣ ಅವರನ್ನು ಸುಕ್ಮಾವತಿ ಸುಕರ್ಣಪುತ್ರಿ ಅವರೇ ಈ ಕಾರ್ಯಕ್ರಮದ ಸುಗಮ ನಿರ್ವಹಣೆಗೆ ಒಪ್ಪಿಸಿದ್ದಾರೆ. ಆದಾಗ್ಯೂ, ಅವರು ಬಾಲಿಯಲ್ಲಿ ಶಾಶ್ವತವಾಗಿ ನೆಲೆಸುತ್ತಾರೆಯೇ ಎಂಬುದು ತಿಳಿದಿಲ್ಲ. ಅವರು ಬಾಲಿ ಪ್ರದೇಶಕ್ಕೆ ಭೇಟಿ ನೀಡಿದಾಗ ಅವರು ಆಗಾಗ್ಗೆ ಹಿಂದೂ ಆಚರಣೆಗಳಿಗೆ ಹಾಗೂ ಕಾರ್ಯಕ್ರಮಗಳಿಗೆ ಹಾಜರಾಗುತ್ತಿದ್ದರು. ಈಗ ಅವರು ಹಿಂದೂ ಧರ್ಮ ಸ್ವೀಕಾರ ಸಮಾರಂಭಕ್ಕೆ ಸಿದ್ಧತೆಗಳು ನಡೆಯುತ್ತಿವೆ ಎಂದು ಅವರು ಹೇಳಿದರು.
ಇಂಡೋನೇಷಿಯಾ (PHDI) ಆಡಳಿತದ ಪರಿಸಾದ ಹಿಂದೂ ಧಾರ್ಮಿಕರ ಉಪಸ್ಥಿತಿಯಲ್ಲಿ ಸುಕ್ಮಾವತಿ ಸುಕರ್ಣೋಪುತ್ರಿ ಅವರು ಹಿಂದೂ ಧರ್ಮವನ್ನು ಸ್ವೀಕರಿಸುವ ಪ್ರತಿಜ್ಞೆಯನ್ನು ಮಾಡುತ್ತಾರೆ ಎಂದು ಅರ್ಸಾನಾ ಹೇಳಿದರು.
ಸುಕ್ಮಾವತಿ ಸುಕರ್ಣೊಪುತ್ರಿ ಈ ಹಿಂದೆ ಹಲವಾರು ಹಿಂದೂ ಸಮಾರಂಭಗಳಲ್ಲಿ ಭಾಗವಹಿಸಿದ್ದರು ಮತ್ತು ಹಿಂದೂ ಧರ್ಮದ ಧಾರ್ಮಿಕ ಮುಖ್ಯಸ್ಥರೊಂದಿಗೆ ಮಾತುಕತೆ ನಡೆಸಿದ್ದರು. ಮತಾಂತರಗೊಳ್ಳುವ ಅವರ ನಿರ್ಧಾರಕ್ಕೆ ಅವಳ ಸಹೋದರರಾದ ಗುಂಟೂರು ಸುಕರ್ಣೊಪುತ್ರ ಮತ್ತು ಗುರುಹ್ ಸುಕರ್ಣೊಪುತ್ರ ಮತ್ತು ಸಹೋದರಿ ಮೇಗಾವತಿ ಸುಕರ್ಣೊಪುತ್ರಿ ಬೆಂಬಲವಿದೆ. ಅವರ ಮಕ್ಕಳಾದ ಮುಹಮ್ಮದ್ ಪುತ್ರ ಪೆರ್ವಿರ ಉತಮ, ರಾಜಕುಮಾರ ಹರಿಯೋ ಪೌಂಡ್ರಜರ್ನ ಸುಮೌತ್ರ ಜೀವನೆಗಾರ, ಮತ್ತು ಗುಸ್ತಿ ರಾಡೆನ್ ಆಯು, ಪುತ್ರಿ ಸಿನಿವತಿ ತಮ್ಮ ತಾಯಿಯ ನಿರ್ಧಾರವನ್ನು ಒಪ್ಪಿಕೊಂಡಿದ್ದಾರೆ.
ಕುಟುಂಬವು ಸಾರ್ವಜನಿಕರಿಗೆ ಆಹ್ವಾನವನ್ನು ಕಳುಹಿಸುವುದಿಲ್ಲ ಎಂದು ಹೇಳಿದೆ. ಸುಧಿ ವಡಾನಿಯಲ್ಲಿ ಪಾಲ್ಗೊಳ್ಳಲು ಜನರನ್ನು ಆಹ್ವಾನಿಸುವ ಆಮಂತ್ರಣ ಪತ್ರವನ್ನು ಕೆಲವು ಇಂಡೋನೇಷ್ಯಾದ ಮಾಧ್ಯಮ ಸಂಸ್ಥೆಗಳು ಪ್ರಕಟಿಸಿವೆ ಮತ್ತು ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರ ಮಾಡಿವೆ. ಆದರೆ ಸುಕರ್ಣೊಪುತ್ರಿಯ ಕುಟುಂಬವು ಕೋವಿಡ್ -19 ಪ್ರೋಟೋಕಾಲ್‌ನಿಂದಾಗಿ, ಮಂಗಳವಾರ ಕೇವಲ ಒಂದು ಸಣ್ಣ ಖಾಸಗಿ ಸಮಾರಂಭವಾಗಿರುತ್ತದೆ ಮತ್ತು ಆಮಂತ್ರಣ ಕಾರ್ಡ್ ಹತ್ತಿರದ ಕುಟುಂಬ ಸದಸ್ಯರು ಮತ್ತು ಸಂಬಂಧಿಕರಿಗೆ ಮಾತ್ರ ಇದೆ ಎಂದು ಹೇಳಿದೆ. ಆಮಂತ್ರಣ ಬಂದರೂ ಸಾರ್ವಜನಿಕರು ಸಮಾರಂಭಕ್ಕೆ ಹಾಜರಾಗದಂತೆ ಕುಟುಂಬಸ್ಥರು ಮನವಿ ಮಾಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ