ದೋಹಕ್: ಇರಾಕ್‌ನ ಪುರಾತತ್ವ ತಜ್ಞರು ಭಾನುವಾರ 2,700 ವರ್ಷಗಳ ಹಿಂದೆ ಅಸಿರಿಯಾದ ರಾಜರ ಆಳ್ವಿಕೆ ಕಾಲದ ದೊಡ್ಡ ಪ್ರಮಾಣದ ವೈನ್ ಕಾರ್ಖಾನೆಯನ್ನು ಕಂಡುಹಿಡಿದಿದ್ದನ್ನು ಬಹಿರಂಗಪಡಿಸಿದ್ದಾರೆ, ಜೊತೆಗೆ ಶಿಲೆಯಲ್ಲಿ ಕೆತ್ತಿದ ರಾಜ ಪರಿವಾರಗಳು ಕಂಡುಬಂದಿದೆ.
ಉತ್ತರ ಇರಾಕ್‌ನ ಫೈಡಾದಲ್ಲಿ ಸುಮಾರು ಒಂಬತ್ತು-ಕಿಲೋಮೀಟರ್ ಉದ್ದದ (5.5-ಮೈಲಿ) ನೀರಾವರಿ ಕಾಲುವೆಯ ಗೋಡೆಗಳಿಗೆ ರಾಜರು ದೇವರನ್ನು ಪ್ರಾರ್ಥಿಸುತ್ತಿರುವುದನ್ನು ತೋರಿಸುವ ಕಲ್ಲಿನ ಮೂಲ-ಉಬ್ಬುಗಳು, ಪುರಾತತ್ವ ಇಲಾಖೆಯ ತಜ್ಞರ ಜಂಟಿ ತಂಡವು ಉತ್ತರ ಇರಾಕ್‌ನಲ್ಲಿ ಉತ್ಖನನ ಮಾಡಿತು ಎಂದು ಡೊಹುಕ್ ಮತ್ತು ಇಟಲಿಯ ಸಹೋದ್ಯೋಗಿಗಳು ಹೇಳಿದರು.
ಕೆತ್ತನೆಗಳು — ಐದು ಮೀಟರ್ (16 ಅಡಿ) ಅಗಲ ಮತ್ತು ಎರಡು ಮೀಟರ್ ಎತ್ತರದ ದೇವರುಗಳು, ರಾಜರು ಮತ್ತು ಪವಿತ್ರ ಪ್ರಾಣಿಗಳನ್ನು ತೋರಿಸುವ 12 ಫಲಕಗಳು — ಸರ್ಗೋನ್ II (721-705 BC) ಮತ್ತು ಅವನ ಮಗ ಸೆನ್ನಾಚೆರಿಬ್ ಆಳ್ವಿಕೆ ಕಾಲದ್ದಾಗಿದೆ.
“ಇರಾಕ್‌ನಲ್ಲಿ, ವಿಶೇಷವಾಗಿ ಕುರ್ದಿಸ್ತಾನ್‌ನಲ್ಲಿ ಬಂಡೆಗಳ ಉಬ್ಬುಗಳನ್ನು ಹೊಂದಿರುವ ಇತರ ಸ್ಥಳಗಳಿವೆ, ಆದರೆ ಯಾವುದೂ ಈ ಸ್ಥಳದಷ್ಟು ಬೃಹತ್ ಸ್ಮಾರಕಗಳಿಲ್ಲ ಎಂದು ಇಟಾಲಿಯನ್ ಪುರಾತತ್ವಶಾಸ್ತ್ರಜ್ಞ ಡೇನಿಯಲ್ ಮೊರಾಂಡಿ ಬೊನಾಕೊಸ್ಸಿ ಹೇಳಿದ್ದಾರೆ.
ದೃಶ್ಯಗಳು ಅಸಿರಿಯಾದ ರಾಜರು ಅಸಿರಿಯಾದ ದೇವರುಗಳ ಮುಂದೆ ಪ್ರಾರ್ಥಿಸುವುದನ್ನು ಪ್ರತಿನಿಧಿಸುತ್ತವೆ” ಎಂದು ಅವರು ಹೇಳಿದರು, ಸಿಂಹದ ಮೇಲೆ ಚಿತ್ರಿಸಲಾದ ಪ್ರೀತಿ ಮತ್ತು ಯುದ್ಧದ ದೇವತೆ ಇಷ್ಟರ್ ಸೇರಿದಂತೆ ಏಳು ಪ್ರಮುಖ ದೇವರುಗಳನ್ನು ನೋಡಬಹುದಾಗಿದೆ.
ನೀರಾವರಿ ಕಾಲುವೆಯನ್ನು ಸುಣ್ಣದ ಕಲ್ಲಿನಿಂದ ಕತ್ತರಿಸಲಾಗಿದ್ದು, ಗುಡ್ಡಗಳಿಂದ ರೈತರ ಹೊಲಗಳಿಗೆ ನೀರನ್ನು ಕಾಲುವೆಗಳ ಮೂಲಕ ಕೊಂಡೊಯ್ಯಲಾಗಿದೆ ಮತ್ತು ಅದರ ನಿರ್ಮಾಣಕ್ಕೆ ಆದೇಶ ನೀಡಿದ ರಾಜನನ್ನು ನೆನಪಿಸಲು ಕೆತ್ತನೆಗಳನ್ನು ಮಾಡಲಾಗಿದೆ. “ಇದು ಪ್ರಾರ್ಥನೆಯ ಧಾರ್ಮಿಕ ದೃಶ್ಯ ಮಾತ್ರವಲ್ಲ, ರಾಜಕೀಯವೂ ಆಗಿತ್ತು , ಒಂದು ರೀತಿಯ ಪ್ರಚಾರದ ದೃಶ್ಯ ಎಂದು ಮೊರಾಂಡಿ ಬೊನಾಕೊಸ್ಸಿ ಹೇಳೀದ್ದಾರೆ.
ರಾಜನು ತಾಣು ರೀತಿಯಾಗಿ, ಈ ಬೃಹತ್ ನೀರಾವರಿ ವ್ಯವಸ್ಥೆಯನ್ನು ಸೃಷ್ಟಿಸಿದವನು ಎಂದು ಆ ಪ್ರದೇಶದಲ್ಲಿ ವಾಸಿಸುವ ಜನರಿಗೆ ತೋರಿಸಲು ಬಯಸಿದ್ದ, ಆದ್ದರಿಂದ … ಜನರು ಇದನ್ನು ನೆನಪಿಟ್ಟುಕೊಳ್ಳಬೇಕು ಮತ್ತು ನಿಷ್ಠರಾಗಿರಬೇಕು ಎಂದು ಈ ರೀತಿ ಕೆತ್ತಿಸಿದ್ದಾನೆ ಎಂದು ಅವರು ಹೇಳಿದರು.
ಪ್ರಾಚೀನ ವೈನ್ ಫ್ಯಾಕ್ಟರಿ
ದೋಹುಕ್‌ನ ಸಮೀಪವಿರುವ ಖಿನಿಸ್‌ನಲ್ಲಿ, ತಂಡವು ಕ್ರಿಸ್ತಪೂರ್ವ 8 ನೇ ಶತಮಾನದ ಕೊನೆಯಲ್ಲಿ ಅಥವಾ 7 ನೇ ಶತಮಾನದ ಆರಂಭದಲ್ಲಿ ಸೆನ್ನಾಚೆರಿಬ್ ಆಳ್ವಿಕೆಯಲ್ಲಿ ವಾಣಿಜ್ಯ ವೈನ್ ತಯಾರಿಕೆಯಲ್ಲಿ ಬಳಸಲಾಗಿದ್ದ ಬಿಳಿ ಬಂಡೆಗಳನ್ನು ಕತ್ತರಿಸಿದ ದೈತ್ಯ ಕಲ್ಲಿನ ಬೇಸಿನ್‌ಗಳನ್ನು ಪತ್ತೆಮಾಡಲಾಗಿದೆ.
ಇದು ಒಂದು ರೀತಿಯ ಕೈಗಾರಿಕಾ ವೈನ್ ಕಾರ್ಖಾನೆಯಾಗಿದೆ. ಇರಾಕ್‌ನಲ್ಲಿ ಇದು ಇಂತಹ ಮೊದಲ ಆವಿಷ್ಕಾರವಾಗಿದೆ.” ಎಂದು ಇಟಲಿಯ ಯುಡಿನ್ ವಿಶ್ವವಿದ್ಯಾನಿಲಯದ ಪುರಾತತ್ತ್ವ ಶಾಸ್ತ್ರದ ಪ್ರಾಧ್ಯಾಪಕ ಮೊರಂಡಿ ಬೊನಕೋಸ್ಸಿ ಹೇಳಿದರು,
ದ್ರಾಕ್ಷಿಯನ್ನು ಒತ್ತಿ ರಸವನ್ನು ಹೊರತೆಗೆಯಲು ಬಳಸಲಾದ 14 ಇನ್‌ಸ್ಟಾಲೇಶನ್ಸ್‌(nstallations) ಗಳನ್ನು ನಾವು ಕಂಡುಕೊಂಡಿದ್ದೇವೆ, ನಂತರ ಅದನ್ನು ವೈನ್ ಆಗಿ ಸಂಸ್ಕರಿಸಲಾಗುತ್ತಿತ್ತು ಎಂದು ಅವರು ಹೇಳಿದ್ದಾರೆ.
ಅಸಿರಿಯಾದ ಕಾಲದಿಂದ ಉಳಿದುಕೊಂಡಿರುವ ಕೆಲವು ಪ್ರಸಿದ್ಧ ಕೆತ್ತನೆಗಳೆಂದರೆ ಪೌರಾಣಿಕ ರೆಕ್ಕೆಯ ಬುಲ್‌ಗಳು, ಬಾಗ್ದಾದ್‌ನ ಮ್ಯೂಸಿಯಂ ಮತ್ತು ಪ್ಯಾರಿಸ್‌ನ ಲೌವ್ರೆ ಮತ್ತು ಲಂಡನ್‌ನ ಬ್ರಿಟಿಷ್ ಮ್ಯೂಸಿಯಂನಲ್ಲಿ ಕಂಡುಬರುವ ಉಬ್ಬುಗಳ ಸ್ಮಾರಕಗಳು ಉದಾಹರಣೆಯಾಗಿದೆ.
ಇರಾಕಿನ ಪ್ರಾಚೀನ ಕಲಾಕೃತಿಗಳು…
ಇರಾಕ್ ವಿಶ್ವದ ಕೆಲವು ಆರಂಭಿಕ ನಗರಗಳ ತೊಟ್ಟಿಲು. ಇದು ಒಮ್ಮೆ ಸುಮೇರಿಯನ್ನರು, ಅಸಿರಿಯಾದವರು ಮತ್ತು ಬ್ಯಾಬಿಲೋನಿಯನ್ನರು ಮತ್ತು ಮಾನವಕುಲದ ಮೊದಲ ಬರವಣಿಗೆಗೆ ನೆಲೆಯಾಗಿತ್ತು ಎಂಬುದಕ್ಕೆ ಉದಾಹರಣೆ.
ಆದರೆ ಈಗ ಪುರಾತನ ಕಲಾಕೃತಿಗಳ ಕಳ್ಳಸಾಗಣೆದಾರರ ತಾಣವಾಗಿದೆ. ಲೂಟಿಕೋರರು 2003 ರ ಅಮೆರಿಕ ನೇತೃತ್ವದ ಆಕ್ರಮಣದ ನಂತರವೂ ದೇಶದ ಪ್ರಾಚೀನ ಸ್ಮಾರಕಗಳನ್ನು ಹಾಳುಗಡವಿದರು. ನಂತರ, 2014 ಮತ್ತು 2017 ರಿಂದ, ಇಸ್ಲಾಮಿಕ್ ಸ್ಟೇಟ್ ಗುಂಪು ಬುಲ್ಡೋಜರ್‌ಗಳು, ಪಿಕಾಕ್ಸ್ ಮತ್ತು ಸ್ಫೋಟಕಗಳೊಂದಿಗೆ ಡಜನ್ಗಟ್ಟಲೆ ಪೂರ್ವ-ಇಸ್ಲಾಮಿಕ್ ಸಂಪತ್ತನ್ನು ಹಾಳುಮಾಡಿತು, ಆದರೆ ಅವರ ಕಾರ್ಯಾಚರಣೆಗಳಿಗೆ ಹಣಕಾಸಿಗಾಗಿ ಇದನ್ನು ಕಳ್ಳಸಾಗಣೆಗೆ ಮಾಡಿದರು.
ನಿಮ್ಮ ಕಾಮೆಂಟ್ ಬರೆಯಿರಿ