ಹ್ಯಾಂಗೊವರ್ ತೊಡೆದುಹಾಕಲು ಪ್ರಾಚೀನರು ತಮ್ಮದೇ ಆದ ಮಾರ್ಗವನ್ನು ಹೊಂದಿದ್ದರು. ಇದಕ್ಕೆ ಸಾಕ್ಷಿಯೆಂಬಂತೆ ಇಸ್ರೇಲ್‌ನ ಯವ್ನೆಯಲ್ಲಿನ ಉತ್ಖನನದ ಸಮಯದಲ್ಲಿ ಹರಳಿನಿಂದ ಅಲಂಕರಿಸಲ್ಪಟ್ಟ ಪುರಾತನ ಚಿನ್ನದ ಉಂಗುರವನ್ನು ಇತ್ತೀಚೆಗೆ ಪತ್ತೆಯಾಗಿದೆ..! ಮತ್ತು ಪುರಾತತ್ತ್ವ ಶಾಸ್ತ್ರಜ್ಞರು ಇದನ್ನು ಹ್ಯಾಂಗೊವರ್ ಚಿಕಿತ್ಸೆಯಾಗಿ ಬಳಸಿರಬಹುದು ಎಂದು ನಂಬುತ್ತಾರೆ.
ಇಸ್ರೇಲ್ ಆಂಟಿಕ್ವಿಟೀಸ್ ಅಥಾರಿಟಿ ಪ್ರಕಾರ, ಪುರಾತತ್ತ್ವ ತಜ್ಞರು ಯವ್ನೆ ನಗರದಲ್ಲಿ ಬೈಜಾಂಟೈನ್ ಯುಗದ ಹಿಂದಿನ ವೈನ್ ಕಾರ್ಖಾನೆಯನ್ನು ಉತ್ಖನನ ಮಾಡುವಾಗ 5.11 ಗ್ರಾಂ ತೂಕದ ಪ್ರಾಚೀನ ಆಭರಣ ಪತ್ತೆಯಾಗಿದೆ.. ಇದು ಕನಿಷ್ಠ 7ನೇ ಶತಮಾನಕ್ಕಿಂತ ಹಿಂದಿನದು ಎಂದು ನಂಬಲಾಗಿದೆ, ಆದರೆ ನಾಲ್ಕು ಶತಮಾನಗಳಷ್ಟು ಹಳೆಯದಾಗಿದೆ ಎಂದು IAA ಹೇಳಿದೆ.
ಪತ್ರಿಕಾ ಪ್ರಕಟಣೆಯಲ್ಲಿ, ಪುರಾತತ್ತ್ವ ಶಾಸ್ತ್ರಜ್ಞ ಮತ್ತು IAA ಯಲ್ಲಿನ ಪ್ರಾಚೀನ ಆಭರಣಗಳ ಪರಿಣಿತ ಅಮೀರ್ ಗೋಲಾನಿ – ಹೆಚ್ಚು ಮದ್ಯಪಾನದ ದುಷ್ಪರಿಣಾಮಗಳನ್ನು ತಡೆಗಟ್ಟಲು ಈ ಉಂಗುರವನ್ನು ಧರಿಸಿರಬಹುದು ಎಂದು ಹೇಳಿದ್ದಾರೆ. ಉಂಗುರವನ್ನು ಹೊಂದಿದ್ದ ವ್ಯಕ್ತಿಯು ಶ್ರೀಮಂತನಾಗಿದ್ದನು ಮತ್ತು ಆಭರಣವನ್ನು ಧರಿಸುವುದು ಅವರ ಸ್ಥಾನಮಾನ ಮತ್ತು ಸಂಪತ್ತನ್ನು ಸೂಚಿಸುತ್ತದೆ. ಅಂತಹ ಉಂಗುರಗಳನ್ನು ಪುರುಷರು ಮತ್ತು ಮಹಿಳೆಯರು ಧರಿಸಿರಬಹುದು ಎಂದು ಡಾ ಅಮೀರ್ ಗೋಲಾನಿ ತಿಳಿಸಿದ್ದಾರೆ.
ಇಸ್ರೇಲ್ ಆಂಟಿಕ್ವಿಟೀಸ್ ಅಥಾರಿಟಿಯ ಫೇಸ್‌ಬುಕ್ ಪೋಸ್ಟ್‌ನ ಪ್ರಕಾರ, ಅಮೆಥಿಸ್ಟ್ ಅನ್ನು ಬೈಬಲ್‌ನಲ್ಲಿ ಪ್ರಧಾನ ಅರ್ಚಕರ ಎದೆಯ ಮೇಲೆ 12 ವಿಧದ ಕಲ್ಲುಗಳಲ್ಲಿ ಒಂದೆಂದು ಉಲ್ಲೇಖಿಸಲಾಗಿದೆ. ಹ್ಯಾಂಗೊವರ್‌ಗಳನ್ನು ತಡೆಗಟ್ಟುವುದು ಸೇರಿದಂತೆ ಈ ರತ್ನದೊಂದಿಗೆ ಅನೇಕ ವಿಶೇಷತೆಗಳಿವೆ ಎಂದ ನಂಬಲಾಗಿದೆ. ಇದು ಬೈಜಾಂಟೈನ್ ವೈನ್ ಕಾರ್ಖಾನೆಯ ಬಳಿ ಉಂಗುರವನ್ನು ಕಂಡುಹಿಡಿದಿದ್ದರಿಂದ ವಿಪರ್ಯಾಸವಾಗಿದೆ.
ಉತ್ಖನನದ ಸ್ಥಳವು 7 ನೇ ಶತಮಾನಕ್ಕೆ ಸಂಬಂಧಿಸಿದೆ, ಬೈಜಾಂಟೈನ್ ಯುಗದ ಕೊನೆಯಲ್ಲಿ ಮತ್ತು ಆರಂಭಿಕ ಇಸ್ಲಾಮಿಕ್ ಅವಧಿಯ ಆರಂಭದ ನಡುವಿನ ಸಮಯದ ಉಂಗುರ ಇದಾಗಿರಬಹುದು ಎಂದು ತಜ್ಞರು ನಂಬುತ್ತಾರೆ. ಉಂಗುರವು ವೈನರಿಯಲ್ಲಿ ಕಳೆದುಹೋಗುವ ಮೊದಲು ಹಲವಾರು ತಲೆಮಾರುಗಳವರೆಗೆ ರವಾನಿಸಲ್ಪಟ್ಟ ಚರಾಸ್ತಿಯಾಗಿರಬಹುದು ಎಂದು ಸಂಶೋಧಕರು ಊಹಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ