ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಮತ್ತು ಚೀನಾದ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ನವೆಂಬರ್ 15ರಂದು ಸೋಮವಾರ ವರ್ಚುವಲ್ ಶೃಂಗಸಭೆ ನಡೆಸಲಿದ್ದಾರೆ ಎಂದು ವೈಟ್‌ಹೌಸ್‌ ತಿಳಿಸಿದೆ.
ಅತ್ಯಂತ ಪರಿಣಾಮಕಾರಿ ಮತ್ತು ಸಂಬಂಧಗಳಲ್ಲಿ ಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳುವ ಪ್ರಯತ್ನದ ಭಾಗವಾಗಿ, ವರ್ಷಾಂತ್ಯದ ಮೊದಲು ಬಿಡೆನ್ ಮತ್ತು ಕ್ಸಿ ನಡುವೆ ವರ್ಚುವಲ್ ಸಭೆಯನ್ನು ನಡೆಸಲು ಚೀನಾದೊಂದಿಗೆ ತಾತ್ಕಾಲಿಕ ಒಪ್ಪಂದ ಮಾಡಿಕೊಂಡಿದ್ದೇವೆ ಎಂದು ಅಮೆರಿಕ ಅಧಿಕಾರಿಗಳು ಕಳೆದ ತಿಂಗಳು ಹೇಳಿದ್ದಾರೆ.
ನವೆಂಬರ್ 15 ರ ಸೋಮವಾರ ಸಂಜೆ ವಾಷಿಂಗ್ಟನ್ ಡಿಸಿಯಲ್ಲಿ ಅಧ್ಯಕ್ಷ ಜೋ ಬಿಡೆನ್ ಅವರು ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಅವರನ್ನು ವರ್ಚುವಲ್‌ನಲ್ಲಿ ಭೇಟಿಯಾಗಲಿದ್ದಾರೆ” ಎಂದು ಶ್ವೇತಭವನದ ಪತ್ರಿಕಾ ಕಾರ್ಯದರ್ಶಿ ಜೆನ್ ಪ್ಸಾಕಿ ಹೇಳಿದ್ದಾರೆ.
ಅವರ ಸೆಪ್ಟೆಂಬರ್ 9ರ ಫೋನ್ ಕರೆ ಅನುಸರಿಸಿ, ಉಭಯ ನಾಯಕರು ಅಮೆರಿಕ ಮತ್ತು ಚೀನಾ ನಡುವಿನ ಸ್ಪರ್ಧೆಯನ್ನು ಜವಾಬ್ದಾರಿಯುತವಾಗಿ ನಿರ್ವಹಿಸುವ ಮಾರ್ಗಗಳನ್ನು ಚರ್ಚಿಸುತ್ತಾರೆ, ಜೊತೆಗೆ ನಮ್ಮ ಆಸಕ್ತಿಗಳು ಹೊಂದಾಣಿಕೆಯಾಗುವಲ್ಲಿ ಒಟ್ಟಿಗೆ ಕೆಲಸ ಮಾಡುವ ವಿಧಾನಗಳ ಕುರಿತು ಚರ್ಚಿಸುತ್ತಾರೆ” ಎಂದು ಅವರು ಹೇಳಿದರು.
ಕಳೆದ ಹಲವಾರು ವರ್ಷಗಳಿಂದ ಅಮೆರಿಕ ಮತ್ತು ಚೀನಾ ನಡುವಿನ ಉದ್ವಿಗ್ನತೆಗಳು ಉಲ್ಬಣಗೊಂಡಿವೆ. ಈ ಮಧ್ಯೆ ಈ ವರ್ಚುವಲ್ ಸಭೆ ಬಂದಿದೆ.
ಅಧ್ಯಕ್ಷ ಬಿಡೆನ್ ಅವರ ಹಿಂದಿನ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ವ್ಯಾಪಾರದಿಂದ ಪ್ರಾರಂಭಿಸಿ ಚೀನಾದ ಮೇಲೆ ಕಠಿಣ ನಿಲುವು ಅನುಸರಿಸಿದರು. ಟ್ರಂಪ್ ಚೀನಾದಿಂದ ಬಿಲಿಯನ್ ಡಾಲರ್ ಮೌಲ್ಯದ ಆಮದುಗಳ ಮೇಲೆ ಸುಂಕವನ್ನು ವಿಧಿಸಿದರು.
ಈಗಿನ ಬಿಡೆನ್ ಆಡಳಿತವು ಟ್ರಂಪ್‌ರ ಕಠಿಣ ನಿಲುವನ್ನು ಉಳಿಸಿಕೊಂಡಿದೆ ಮತ್ತು ಮಾನವ ಹಕ್ಕುಗಳು, ತೈವಾನ್, ಕ್ಸಿನ್‌ಜಿಯಾಂಗ್ ಮತ್ತು ಟಿಬೆಟ್ ಸೇರಿದಂತೆ ಹಲವಾರು ವಿಷಯಗಳ ಮೇಲೆ ಬೀಜಿಂಗ್ ಮೇಲೆ ಸಾಮೂಹಿಕವಾಗಿ ಒತ್ತಡ ಹೇರಲು ತನ್ನ ಮಿತ್ರರಾಷ್ಟ್ರಗಳೊಂದಿಗೆ ಹೆಚ್ಚು ಕೆಲಸ ಮಾಡಿದೆ.
ಚೀನಾ ಸೇನೆಯ ಆಕ್ರಮಣಕಾರಿ ನಡೆಗಳನ್ನು ಕಂಡಿರುವ ಇಂಡೋ-ಪೆಸಿಫಿಕ್ ಪ್ರದೇಶದಲ್ಲಿ ಅಮೆರಿಕದ ಸಕ್ರಿಯತೆಯನ್ನು ಬಿಡೆನ್ ಕೂಡ ಹೆಚ್ಚಿಸಿದ್ದಾರೆ.
ಆದಾಗ್ಯೂ, ಆಶ್ಚರ್ಯಕರ ಕ್ರಮದಲ್ಲಿ, ಚೀನಾ ಮತ್ತು ಅಮೆರಿಕ ಈ ವಾರ ಎರಡು ದೇಶಗಳು ಹವಾಮಾನ ಸಹಕಾರವನ್ನು ಹೆಚ್ಚಿಸುತ್ತವೆ ಎಂದು ಘೋಷಿಸಿವೆ. ಎರಡು ಜಾಗತಿಕ ಪ್ರತಿಸ್ಪರ್ಧಿಗಳ ಘೋಷಣೆಯನ್ನು ಗ್ಲಾಸ್ಗೋದಲ್ಲಿ ಕೋಪ್‌ 26 ಹವಾಮಾನ ಶೃಂಗಸಭೆಯಲ್ಲಿ ಮಾಡಲಾಯಿತು. ಅಮೆರಿಕ ಮತ್ತು ಚೀನಾ ವಿಶ್ವದ ಎರಡು ದೊಡ್ಡ ಕಾರ್ಬನ್‌ ಡೈ ಆಕ್ಸೈಡ್‌ ಹೊರಸೂಸುವ ದೇಶಗಳಾಗಿವೆ.
ಕಳೆದ ಬಾರಿ ಬಿಡೆನ್ ಮತ್ತು ಕ್ಸಿ ಸೆಪ್ಟೆಂಬರ್‌ನಲ್ಲಿ ಸುಮಾರು 90 ನಿಮಿಷಗಳ ಕಾಲ ಫೋನ್ ಕರೆಯಲ್ಲಿ ಮಾತನಾಡಿದ್ದರು. ಇಬ್ಬರೂ ನಾಯಕರು ಫೆಬ್ರವರಿಯಲ್ಲಿ ಎರಡು ಗಂಟೆಗಳ ಕಾಲ ಮಾತನಾಡಿದರು. – ಬಿಡೆನ್ ಈ ವರ್ಷದ ಜನವರಿಯಲ್ಲಿ ಅಧಿಕಾರ ವಹಿಸಿಕೊಂಡ ನಂತರ ಅವರ ಮೊದಲ ಫೋನ್ ಕರೆ ಅದಾಗಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ