ಶುಕ್ರವಾರ ಅಮೆರಿಕದ ದಕ್ಷಿಣ ಕ್ಯಾಲಿಫೋರ್ನಿಯಾ ಫ್ರೀವೇಯಲ್ಲಿ ಶಸ್ತ್ರ ಸಜ್ಜಿತ ಟ್ರಕ್‌ನಿಂದ ಹಣದ ಚೀಲಗಳು ಬಿದ್ದ ನಂತರ ಅದರ ಚಾಲಕರು ಹಣವನ್ನು ಪಡೆದುಕೊಳ್ಳಲು ಹರಸಾಹಸ ಪಟ್ಟರು.
ಅಧಿಕಾರಿಗಳ ಪ್ರಕಾರ, ಶಸ್ತ್ರಸಜ್ಜಿತ ಟ್ರಕ್ ಸ್ಯಾನ್ ಡಿಯಾಗೋದಿಂದ ಫೆಡರಲ್ ಡಿಪಾಸಿಟ್ ಇನ್ಶುರೆನ್ಸ್ ಕಾರ್ಪೊರೇಶನ್‌ನ ಕಚೇರಿಗೆ ಹೋಗುತ್ತಿದ್ದಾಗ ಬೆಳಿಗ್ಗೆ 9:15 ಕ್ಕೆ ಈ ಘಟನೆ ಸಂಭವಿಸಿದೆ. ಟ್ರಕ್‌ನಲ್ಲಿದ್ದ ಹಲವಾರು ಬ್ಯಾಗ್‌ಗಳು ತೆರೆದುಕೊಂಡ ಪರಿಣಾಮ ದಕ್ಷಿಣ ಕ್ಯಾಲಿಫೋರ್ನಿಯಾದ ಕಾರ್ಲ್ಸ್‌ಬಾದ್‌ನ ಪ್ರಮುಖ ರಸ್ತೆ ಕರೆನ್ಸಿಯಿಂದ ತುಂಬಿ ಹೋಗಿಯಿತು.
ವಿಡಿಯೊದಲ್ಲಿ ಜನರು ಹಣವನ್ನು ಎತ್ತಿಕೊಂಡು ಹೋಗುವುದನ್ನು ತೋರಿಸುತ್ತದೆ, ಆದರೆ ಕೆಲವರು ಹಿಡಿದುಕೊಂಡು ನೋಟುಗಳನ್ನು ಎಸೆಯುತ್ತಿದ್ದರು– ಮುಖ್ಯವಾಗಿ $1 ಮತ್ತು $20 ನೋಟುಗಳು ಗಾಳಿಯಲ್ಲಿ ತೂರಾಡುತ್ತಿದ್ದವು.
ಡೆಮಿ ಬ್ಯಾಗ್ಬಿ ಎಂಬ ಬಾಡಿ ಬಿಲ್ಡರ್ ಅಸ್ತವ್ಯಸ್ತವಾಗಿರುವ ದೃಶ್ಯದ ತುಣುಕನ್ನು ಪೋಸ್ಟ್ ಮಾಡಿದ್ದಾರೆ ಮತ್ತು “ಇದು ನಾನು ನೋಡಿದ ಅತ್ಯಂತ ಹುಚ್ಚುತನದ ಸಂಗತಿಯಾಗಿದೆ, ಪ್ರತಿಯೊಬ್ಬರೂ ಹಣವನ್ನು ಪಡೆಯಲು ಮುಕ್ತಮಾರ್ಗದಲ್ಲಿ ಎಲ್ಲೆಂದರಲ್ಲಿ ನಿಲ್ಲಿಸಿದ್ದಾರೆ. ಆದರೆ, ಅಧಿಕಾರಿಗಳು ಹಣವನ್ನು ನೀಡುವಂತೆ ಜನರನ್ನು ಒತ್ತಾಯಿಸಿದ್ದಾರೆ.
ಅಧಿಕಾರಿಗಳು ಎಷ್ಟು ಹಣವನ್ನು ಕಳೆದುಕೊಂಡಿದ್ದಾರೆ ಎಂಬುದನ್ನು ಸ್ಪಷ್ಟಪಡಿಸದಿದ್ದರೂ, ಸ್ಯಾನ್ ಡಿಯಾಗೋ ಯೂನಿಯನ್-ಟ್ರಿಬ್ಯೂನ್ ಪ್ರಕಾರ, ಶುಕ್ರವಾರ ಮಧ್ಯಾಹ್ನದ ವೇಳೆಗೆ ಹಲವಾರು ಜನರು CHP ಗೆ ಅವರು ಸಂಗ್ರಹಿಸಿದ ಹಣವನ್ನು ಹಿಂದಿರುಗಿಸಿದ್ದಾರೆ.
ಜನರು ಹಣ ತರುತ್ತಿದ್ದಾರೆ,” ಕ್ಯಾಲಿಫೋರ್ನಿಯಾ ಹೈವೇ ಪೆಟ್ರೋಲ್ (CHP) ಸಾರ್ಜೆಂಟ್ ಕರ್ಟಿಸ್ ಮಾರ್ಟಿನ್ ಹೇಳಿದರು. ಘಟನೆಯ ಕುರಿತು ಮಾತನಾಡಿದ ಸಾರ್ಜೆಂಟ್ ಕರ್ಟಿಸ್ ಮಾರ್ಟಿನ್, “ಒಂದು ಬಾಗಿಲು ತೆರೆದುಕೊಂಡಿದ್ದರಿಂದ ನಗದು ಚೀಲಗಳು ಹೊರಗೆ ಬಿದ್ದವು” ಎಂದು ಹೇಳಿದರು.
ಘಟನಾ ಸ್ಥಳದಲ್ಲಿ ಇಬ್ಬರನ್ನು ಬಂಧಿಸಲಾಯಿತು, ಮತ್ತು ಸಾರ್ಜೆಂಟ್ ಮಾರ್ಟಿನ್ ಅವರು ಹಣವನ್ನು ತೆಗೆದುಕೊಂಡಿರುವುದು ಕಂಡುಬಂದರೆ ಕ್ರಿಮಿನಲ್ ಆರೋಪಗಳನ್ನು ಎದುರಿಸಬೇಕಾಗುತ್ತದೆ ಎಂದು ಎಚ್ಚರಿಸಿದ್ದಾರೆ.
ದೃಶ್ಯದಲ್ಲಿದ್ದ ಪ್ರೇಕ್ಷಕರು ಚಿತ್ರೀಕರಿಸಿದ ವೀಡಿಯೊಗಳನ್ನು ಉಲ್ಲೇಖಿಸಿ, ಸಾರ್ಜೆಂಟ್ ಮಾರ್ಟಿನ್ ಅವರು CHP ಮತ್ತು FBI ಪ್ರಕರಣದ ತನಿಖೆ ನಡೆಸುತ್ತಿಎ ಎಂದು ಹೇಳಿದ್ದಾರೆ.
ಘಟನೆಯ ನಂತರ ಕ್ಯಾಲಿಫೋರ್ನಿಯಾ ಮುಕ್ತ ಮಾರ್ಗವನ್ನು ಎರಡು ಗಂಟೆಗಳ ನಂತರ ಮತ್ತೆ ತೆರೆಯಲಾಯಿತು.
ನಿಮ್ಮ ಕಾಮೆಂಟ್ ಬರೆಯಿರಿ