ಜೋಹಾನ್ಸ್‌‌ಬರ್ಗ್‌: ದಕ್ಷಿಣ ಆಫ್ರಿಕಾದ ಅಧ್ಯಕ್ಷ ಸಿರಿಲ್‌ ರಾಂಫೋಸಾ (69) ಅವರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ” ಎಂದು ಅಧ್ಯಕ್ಷರ ಕಚೇರಿ ತಿಳಿಸಿದೆ.
ಅಧ್ಯಕ್ಷ ರಾಂಫೋಸಾ ಅವರು ಪೂರ್ಣವಾಗಿ ಲಸಿಕೆ ಪಡೆದಿದ್ದಾರೆ. ದೇಶದಲ್ಲಿ ದಾಖಲೆ ಮ್ರಮಾಣದಲ್ಲಿ ದೈನಂದಿನ ಪ್ರಕರಣಗಳು 37,875ಕ್ಕೆ ಏರಿಕೆಯಾದ ದಿನವೇ ಅಧ್ಯಕ್ಷ ರಾಂಫೋಸಾ ಅವರಿಗೆ ಕೊರೊನಾ ಸೋಂಕು ತಗುಲಿದೆ.
ಅವರು ಓಮಿಕ್ರಾನ್ ಕೊರೊನಾ ವೈರಸ್ ರೂಪಾಂತರದ ಸೋಂಕಿಗೆ ಒಳಗಾಗಿದ್ದಾರೆಯೇ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿಲ್ಲ.
ಕಳೆದ ವಾರ, ರಾಂಫೋಸಾ ಪಶ್ಚಿಮ ಆಫ್ರಿಕಾದ ನಾಲ್ಕು ದೇಶಗಳಿಗೆ ಭೇಟಿ ನೀಡಿದ್ದರು. ಪ್ರವಾಸದ ಸಮಯದಲ್ಲಿ ಪ್ರತಿ ದೇಶಗಳಲ್ಲಿ ಅವರು ಮತ್ತು ಅವರ ನಿಯೋಗದ ಎಲ್ಲಾ ಸದಸ್ಯರು ಕೋವಿಡ್‌-19ಕ್ಕಾಗಿ ಪರೀಕ್ಷಿಸಲ್ಪಟ್ಟರು. ನಿಯೋಗದಲ್ಲಿ ಕೆಲವರು ನೈಜೀರಿಯಾದಲ್ಲಿ ಧನಾತ್ಮಕ ಪರೀಕ್ಷೆ ನಡೆಸಿದರು ಮತ್ತು ನೇರವಾಗಿ ದಕ್ಷಿಣ ಆಫ್ರಿಕಾಕ್ಕೆ ಮರಳಿದರು.
ಪ್ರವಾಸದ ಉಳಿದ ಸಮಯದಲ್ಲಿ, ರಾಂಫೋಸಾ ಮತ್ತು ಅವರ ನಿಯೋಗವು ನಕಾರಾತ್ಮಕ ಪರೀಕ್ಷೆಯನ್ನು ಮಾಡಿತು. ರಾಂಫೋಸಾ ಸೆನೆಗಲ್‌ನಿಂದ ಡಿಸೆಂಬರ್ 8 ರಂದು ಮರಳಿದ್ದರು.
ಈ ಬಗ್ಗೆ ಹೇಳಿಕೆಯಲ್ಲಿ ತಿಳಿಸಿರುವ ಸಚಿವ ಮೊಂಡಿ ಗುಂಗುಬೆಲೆ ಅವರು, “ಅಧ್ಯಕ್ಷರು ಚಟುವಟಿಕೆಯಿಂದ ಉತ್ತಮ ಸ್ಥಿತಿಯಲ್ಲಿದ್ದು, ದಕ್ಷಿಣ ಆಫ್ರಿಕಾದ ಮಿಲಿಟರಿ ಆರೋಗ್ಯ ಸೇವೆಗಳ ಆಸ್ಪತ್ರೆಯಲ್ಲಿ ಅವರು ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.
ಕೇಪ್‍ಟೌನ್‍ನಲ್ಲಿ ಅಧ್ಯಕ್ಷರು ಸ್ವಯಂ ಪ್ರತ್ಯೇಕವಾಗಿದ್ದಾರೆ. ಮುಂದಿನ ವಾರದವರೆಗೆ ಎಲ್ಲಾ ಹೊಣೆಗಾರಿಕೆಗಳನ್ನು ಉಪಾಧ್ಯಕ್ಷ ಡೇವಿಡ್‌ ಮಬುಜಾ ಅವರಿಗೆ ವಹಿಸಿದ್ದಾರೆ” ಎಂದು ಅವರು ತಿಳಿಸಿದ್ದಾರೆ.
ರಾಂಫೋಸಾ ಅವರಿ ಶೀಘ್ರವೇ ಗುಣಮುಖರಾಗಲಿ” ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಟ್ವೀಟ್‌ ಮೂಲಕ ಹಾರೈಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ