ಉರಿಯುತ್ತಿರುವ ಕಟ್ಟಡದ ಕಿಟಕಿಗೆ ಇಬ್ಬರು ಹದಿಹರೆಯದವರು ನೇತಾಡುತ್ತಿರುವ ಭಯಾನಕ ವಿಡಿಯೋ ಆನ್‌ಲೈನ್‌ನಲ್ಲಿ ವೈರಲ್ ಆಗಿದೆ. ನ್ಯೂಯಾರ್ಕ್‌ನ ಈಸ್ಟ್ ವಿಲೇಜ್‌ನಲ್ಲಿ ಈ ಘಟನೆ ನಡೆದಿದೆ ಎಂದು ಹೇಳಲಾಗಿದ್ದು, 13 ಮತ್ತು 18 ವರ್ಷ ವಯಸ್ಸಿನ ಇಬ್ಬರು ಹದಿಹರೆಯದವರು ಉರಿಯುತ್ತಿರುವ ಕಟ್ಟಡದಿಂದ ಕಿಟಕಿಯ ಮೂಲಕ ತಪ್ಪಿಸಿಕೊಳ್ಳಲು ಪ್ರಯತ್ನಿಸುತ್ತಿರುವುದನ್ನು ವೈರಲ್ ವೀಡಿಯೊ ತೋರಿಸಿದೆ.
ವಿಡಿಯೊ ಕ್ಲಿಪ್ ನಲ್ಲಿ ಆರಂಭದಲ್ಲಿ ಕಟ್ಟಡದ ಕಿಟಕಿಗೆ ನೇತಾಡುವ ಒಬ್ಬ ನೇತಾಡುವುದನ್ನು ನೋಡಬಹುದು. ಕೆಲವು ಸೆಕೆಂಡುಗಳ ನಂತರ, ಮೊದಲನೆಯವನು ಪಕ್ಕದಲ್ಲಿದ್ದ ಕಂಬವನ್ನು ಹಿಡಿಯುವಲ್ಲಿ ಯಶಸ್ವಿಯಾದನು. ನಂತರ ಇನ್ನೊಬ್ಬ ಹೊರಗೆ ಬಂದ ಮತ್ತು ಕಂಬದ ಮೇಲಿದ್ದವನು ಆತನಿಗೆ ಸಹಾಯ ಮಾಡಿದ. ಅವರು ರಕ್ಷಣಾ ತಂಡಗಳಿಗಾಗಿ ಕಾಯಲಿಲ್ಲ ಮತ್ತು ಬೆಂಕಿಯು ಇಡೀ ಕಟ್ಟಡವನ್ನು ಆವರಿಸಿದ್ದರಿಂದ ಅವರು ಕಂಬದ ಕೆಳಗೆ ಜಾರಿದರು .ಅವರು ಪಾರಾಗುವಲ್ಲಿ ಯಶಸ್ವಿಯಾದರು ಆದರೆ ಅವರಿಗೆ ಕೆಲವು ಗಾಯಗಳಾಗಿವೆ.
ಘಟನಾ ಸ್ಥಳದಲ್ಲಿ ಒಂದು ಸಾವು ಸಂಭವಿಸಿದೆ. ಈ ಇಬ್ಬರೂ ಹದಿಹರೆಯದವರು ಸ್ಥಳೀಯ ಆಸ್ಪತ್ರೆಯಲ್ಲಿ ಚೇತರಿಸಿಕೊಳ್ಳುತ್ತಿದ್ದಾರೆ ಮತ್ತು ಸ್ಥಿರ ಸ್ಥಿತಿಯಲ್ಲಿದ್ದಾರೆ ಎಂದು ಟ್ವೀಟ್‌ ಹೇಳಿದೆ.
ಟ್ವಿಟ್ಟರ್‌ನಲ್ಲಿ ಗುಡ್ ನ್ಯೂಸ್ ವರದಿಗಾರ ಪೋಸ್ಟ್ ಮಾಡಿದ ಈ ವೀಡಿಯೊ ಸುಮಾರು 3 ಲಕ್ಷ ವೀಕ್ಷಣೆಗಳನ್ನು ಗಳಿಸಿದೆ. ನೆಟಿಜನ್‌ಗಳು ತಮ್ಮ ಪ್ರತಿಕ್ರಿಯೆಗಳೊಂದಿಗೆ ಕಾಮೆಂಟ್‌ಗಳ ಪೆಟ್ಟಿಗೆಯನ್ನು ತುಂಬಿದ್ದಾರೆ. ಕೆಲವರು ಹದಿಹರೆಯದವರ ಧೈರ್ಯವನ್ನು ಶ್ಲಾಘಿಸಿದರು.
ನಿಮ್ಮ ಕಾಮೆಂಟ್ ಬರೆಯಿರಿ