ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಇಂದು, ( ಶನಿವಾರ) ಸಂಜೆ 5:50ರ ಹೊತ್ತಿಗೆ ಜೇಮ್ಸ್ ವೆಬ್ ಬಾಹ್ಯಾಕಾಶ ದೂರದರ್ಶಕ (JWST-James Webb Space Telescope)ವನ್ನು ಫ್ರಾನ್ಸ್ನ ಫ್ರೆಂಚ್ ಗಯಾನಾದಿಂದ ಉಡಾವಣೆ ಮಾಡಿದೆ. ನಾಸಾ ಇದುವರೆಗೆ ನಿರ್ಮಿಸಿದ ಅತ್ಯಂತ ದೊಡ್ಡ ಟೆಲಿಸ್ಕೋಮ್ ಎಂದು ತಿಳಿಸಲಾಗಿದ್ದು, ಕ್ರಿಸ್ಮಸ್ ದಿನವೇ ಉಡಾವಣೆಗೊಳಿಸಲಾಗಿದೆ.
ವಿಶ್ವದ ಅತ್ಯಂತ ಶಕ್ತಿಶಾಲಿ ಟೆಲಿಸ್ಕೋಪ್ ಇದಾಗಿದ್ದು, 1990ರ ಏಪ್ರಿಲ್ನಲ್ಲಿ ಉಡಾವಣೆಯಾಗಿ ಈಗಾಗಲೇ ಕಾರ್ಯಾಚರಣೆ ನಡೆಸುತ್ತಿರುವ ಹಬಲ್ ಸ್ಪೇಸ್ ಟೆಲಿಸ್ಕೋಪ್ಗಿಂತಲೂ ಪ್ರಬಲವಾಗಿದೆ. ಜೇಮ್ಸ್ ಬೆಬ್ ಬಾಹ್ಯಾಕಾಶ ಟೆಲಿಸ್ಕೋಪ್ನ್ನು ಭೂಮಿಯಿಂದ 15 ಮಿಲಿಯನ್ ಕಿಲೋಮೀಟರ್(9,30,000 ಮೈಲುಗಳು)ದೂರದಲ್ಲಿ ಸ್ಥಿರಗೊಳಿಸಲಾಗುವುದು. ಅಲ್ಲಿಂದ ಅದು ವಿಶ್ವವನ್ನು ಅವಲೋಕಿಸಲಿದೆ ಎಂದು ನಾಸಾ ತಿಳಿಸಿದೆ.
ಉಡಾವಣೆ ಬೆನ್ನಲ್ಲೇ ಟ್ವೀಟ್ ಮಾಡಿರುವ ನಾಸಾ ವೆಬ್ ಟೆಲಿಸ್ಕೋಪ್, ಜೇಮ್ಸ್ ವೆಬ್ ದೂರದರ್ಶಕವನ್ನು ಹೊತ್ತೊಯ್ದ ಏರಿಯನ್ 5 ರಾಕೆಟ್ನಿಂದ ಎರಡು ಸಾಲಿಡ್ ರಾಕೆಟ್ ಬೂಸ್ಟರ್ಗಳು ಪ್ರತ್ಯೇಕಿಸಲ್ಪಡಿಲಿವೆ ಮತ್ತು ಅವು ಸಾಗರದಲ್ಲಿ ಸುರಕ್ಷಿತವಾಗಿ ಲ್ಯಾಂಡ್ ಆಗುಗವೆ ಎಂದು ತಿಳಿಸಿದೆ.
ಇನ್ನೊಂದು ಟ್ವೀಟ್ ನಲ್ಲಿ, ವೆಬ್ ಅನ್ನು ಹೊತ್ತೊಯ್ದ ಮುಖ್ಯ ರಾಕೆಟ್ ಏರಿಯನ್ 5ನ ಮುಖ್ಯ ಎಂಜಿನ್ಗಳು ಕಡಿತಗೊಂಡಿವೆ. ಮುಖ್ಯ ಭಾಗ ಪ್ರತ್ಯೇಕಗೊಂಡಿದ್ದು, ಹೊತ್ತಿ ಉರಿದಿದೆ. ಇದು ಸುಮಾರು 16 ನಿಮಿಷಗಳ ಕಾಲ ಹೊತ್ತಿ ಉರಿಯುತ್ತದೆ. ಇನ್ನು ವೆಬ್ ಗಂಟೆಗೆ 25 ಸಾವಿರ ಮೈಲುಗಳಷ್ಟು ವೇಗದಲ್ಲಿ ಚಲಿಸುತ್ತದೆ ಎಂದು ತಿಳಿಸಿದೆ.
ಈ ಜೇಮ್ಸ್ ವೆಬ್ ಬಾಹ್ಯಾಕಾಶ ಟೆಲಿಸ್ಕೋಪ್ ಒಟ್ಟು ನಾಲ್ಕು ಪ್ರಮುಖ ವೈಜ್ಞಾನಿಕ ಉಪಕರಣಗಳನ್ನು ಹೊಂದಿದೆ. ನಿಯರ್ ಇನ್ಫ್ರಾರೆಡ್ ಕ್ಯಾಮರಾ, ನಿಯರ್ ಇನ್ಫ್ರಾರೆಡ್ ಸ್ಪೆಕ್ಟೋಗ್ರಾಫ್, ಮಿಡ್ ಇನ್ಫ್ರಾರೆಡ್ ಉಪಕರಣ ಮತ್ತು ನಿಯರ್ ಇನ್ಫ್ರಾರೆಡ್ ಇಮೇಜರ್ ಮತ್ತು ಸ್ಲಿಟ್ಲೆಸ್ ಸ್ಪೆಕ್ಟ್ರೋಗ್ರಾಪ್ಗಳು ಇದರಲ್ಲಿ ಸೇರಿವೆ. ಬ್ರಹ್ಮಾಂಡದ ಮೊದಲ ಗೆಲಾಕ್ಸಿಯಲ್ಲಿ ಇದುವರೆಗೂ ಪತ್ತೆಯಾಗದೆ ಉಳಿದ ಹಲವಾರು ರಚನೆಗಳನ್ನು ಈ ಉಪಕರಣಗಳ ಸಹಾಯದಿಂದ ಜೇಮ್ಸ್ ವೆಬ್ ಟೆಲಿಸ್ಕೋಪ್ ಪತ್ತೆ ಹಚ್ಚಲಿದೆ. ನಕ್ಷತ್ರ ಮತ್ತು ಗ್ರಹ ವ್ಯವಸ್ಥೆ ರೂಪುಗೊಳ್ಳುವ ಧೂಳುಮೋಡದ ಒಳಗಿನ ರಚನೆಗಳ ಬಗ್ಗೆಯೂ ಗಮನಹರಿಸಲಿದೆ ಎಂದು ನಾಸಾ ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ