ವೇಗವಾಗಿ ಕುಗ್ಗುತ್ತಿರುವುದರಿಂದ ಚೀನಾದ ಪ್ರಾಂತ್ಯವು ಮದುವೆಯಾಗಲು ಮತ್ತು ಮಕ್ಕಳನ್ನು ಹೊಂದಲು ಪ್ರೋತ್ಸಾಹಿಸಲು ವಿಶೇಷ ಸಾಲ ಯೊಜನೆಗಳನ್ನು ಜಾರಿಗೆ ತರುತ್ತಿದೆ, ಏಕೆಂದರೆ ವೇಗವಾಗಿ ವಯಸ್ಸಾಗುತ್ತಿರುವ ದೇಶದಲ್ಲಿ ಜನನಗಳಲ್ಲಿನ ಕುಸಿತ ತಡೆಯಲು ವಿವಿಧ ಯೋಜನೆಗಳನ್ನು ಪ್ರಕಟಿಸಲಾಗುತ್ತಿದೆ.
ಜನಸಂಖ್ಯೆಯ ಬೆಳವಣಿಗೆಯನ್ನು ಉತ್ತೇಜಿಸುವ ನೀತಿಗಳ ಅಧಿಕೃತ ನೀಲನಕ್ಷೆಯ ಪ್ರಕಾರ, ಈಶಾನ್ಯ ಚೀನಾದ ಜಿಲಿನ್ ಪ್ರಾಂತ್ಯವು ವಿವಾಹಿತ ದಂಪತಿಗಳಿಗೆ 2,00,000 ಯುವಾನ್ (ಸುಮಾರು 23.56 ಲಕ್ಷ ರೂಪಾಯಿ) ವರೆಗೆ ವಿಶೇಷ ಸಾಲ ಯೋಜನೆ ಆರಂಭಿಸಿದೆ. ಸರ್ಕಾರದ ಯೋಜನೆಯಂತೆ ಬ್ಯಾಂಕುಗಳು ಇದನ್ನು ಬೆಂಬಲಿಸುತ್ತವೆ.
ಸರ್ಕಾರವು ಹೇಗೆ ಬೆಂಬಲವನ್ನು ನೀಡುತ್ತದೆ ಎಂಬುದರ ಕುರಿತು ಯಾವುದೇ ವಿವರಗಳಿಲ್ಲ, ಆದರೆ ಪ್ರಸ್ತಾಪವು ಸಾಲಗಳಿಗೆ ರಿಯಾಯಿತಿ ಬಡ್ಡಿದರಗಳನ್ನು ಒಳಗೊಂಡಿರುತ್ತದೆ, ಅದು ದಂಪತಿಗೆ ಮಕ್ಕಳ ಸಂಖ್ಯೆಗೆ ಅನುಗುಣವಾಗಿ ಬದಲಾಗುತ್ತದೆ.
ಕಳೆದ ಕೆಲವು ವರ್ಷಗಳಿಂದ ಚೀನಾದ ಜನನ ಪ್ರಮಾಣವು ವೇಗವಾಗಿ ಕುಸಿದಿದೆ. ದಂಪತಿಗಳು ಹೊಂದಬಹುದಾದ ಮಕ್ಕಳ ಸಂಖ್ಯೆಯ ಮೇಲಿನ ಯಾವುದೇ ಮಿತಿಯನ್ನು ಸರ್ಕಾರ ಪರಿಣಾಮಕಾರಿಯಾಗಿ ಕೈಬಿಟ್ಟು ಮತ್ತು ಕುಟುಂಬವನ್ನು ಬೆಳೆಸಲು ಹಾಗೂ ಕುಟುಂಬದ ಕಡಿಮೆ ವೆಚ್ಚ ಮಾಡಲು ಪ್ರಯತ್ನಿಸುತ್ತಿದ್ದರೂ, ಕೆ ಕುಸಿತವು ಮುಂದುವರೆದಿದೆ.
ಗುರುವಾರ ನೀಡಲಾದ ದಾಖಲೆಯ ಪ್ರಕಾರ, ಎರಡು ಅಥವಾ ಮೂರು ಮಕ್ಕಳನ್ನು ಹೊಂದಿರುವ ದಂಪತಿಗಳು ಸಣ್ಣ ವ್ಯಾಪಾರವನ್ನು ಸ್ಥಾಪಿಸಿದರೆ ತೆರಿಗೆ ರಿಯಾಯಿತಿಯನ್ನು ಸಹ ಪಡೆಯುತ್ತಾರೆ.
ಜಿಲಿನ್ ಚೀನಾದ “ರಸ್ಟ್ ಬೆಲ್ಟ್” ಪ್ರದೇಶದ ಭಾಗವಾಗಿದೆ, ಇದು ಭಾರೀ ಉದ್ಯಮ ಮತ್ತು ಕೃಷಿಗೆ ಹೆಸರುವಾಸಿಯಾಗಿದೆ. ಈ ಪ್ರದೇಶವು ಕಳೆದ ದಶಕದಲ್ಲಿ ಅತ್ಯಂತ ಕೆಟ್ಟ ಜನಸಂಖ್ಯೆಯ ಕುಸಿತ ಮತ್ತು ನಿಧಾನ ಆರ್ಥಿಕ ಬೆಳವಣಿಗೆಯನ್ನು ಕಂಡಿದೆ, ಜಿಲಿನ್ ಪ್ರಾಂತ್ಯದ ಆರ್ಥಿಕತೆಯು ಈ ವರ್ಷದ ಮೊದಲ ಮೂರು ತ್ರೈಮಾಸಿಕಗಳಲ್ಲಿ 2020 ರ ಅದೇ ಅವಧಿಯಿಂದ 7.8% ರಷ್ಟು ವಿಸ್ತರಿಸಿದೆ, ಇದು ರಾಷ್ಟ್ರೀಯ ಸರಾಸರಿ 9.8% ಗಿಂತ ನಿಧಾನವಾಗಿದೆ.
ಹೈಲಾಂಗ್‌ಜಿಯಾಂಗ್‌ನ ಜನಸಂಖ್ಯೆಯು ಕೇವಲ 10 ವರ್ಷಗಳಲ್ಲಿ 17% ರಷ್ಟು ಕುಸಿದಿದೆ, ಆದರೆ ಕರಾವಳಿ ಪ್ರಾಂತ್ಯಗಳು, ಕ್ಸಿನ್‌ಜಿಯಾಂಗ್ ಮತ್ತು ಟಿಬೆಟ್‌ಗಳು ಬೆಳೆದಿವೆ.
ಇತರ ಹಲವು ಪ್ರಾಂತ್ಯಗಳಂತೆ ಜಿಲಿನ್ ಮಾತೃತ್ವ ಮತ್ತು ಪಿತೃತ್ವ ರಜೆಯನ್ನು ವಿಸ್ತರಿಸುತ್ತಿದೆ. ಮಹಿಳೆಯರಿಗೆ ಒಟ್ಟಾರೆಯಾಗಿ 180 ದಿನಗಳ ರಜೆ ಇರುತ್ತದೆ, ಈ ಹಿಂದೆ 158 ದಿನಗಳಿತ್ತು. ಪುರುಷರಿಗೆ 25 ದಿನಗಳ ರಜೆಗಳನ್ನು ನೀಡಲಾಗುತ್ತಿದೆ.
ದಂಪತಿಗಳು ತಮ್ಮ ಮಕ್ಕಳಿಗೆ ಮೂರು ವರ್ಷ ತುಂಬುವ ಮೊದಲು ಪ್ರತಿ ವರ್ಷವೂ 20 ದಿನಗಳ ಪೋಷಕರ ರಜೆಯನ್ನು ಪಡೆಯುತ್ತಾರೆ ಎಂದು ಡಾಕ್ಯುಮೆಂಟ್ ಹೇಳಿದೆ ಮತ್ತು ಡಾಕ್ಯುಮೆಂಟ್ ಪ್ರಕಾರ, ಎರಡು ಮತ್ತು ಮೂರು ವಯಸ್ಸಿನ ಮಕ್ಕಳಿಗೆ ಡೇಕೇರ್ ಅನ್ನು ಸ್ಥಾಪಿಸಲು ಪ್ರಾಂತ್ಯವು ಶಿಶುವಿಹಾರಗಳನ್ನು ಪ್ರೋತ್ಸಾಹಿಸುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ