ನವದೆಹಲಿ: ಎಬಿಪಿ ನ್ಯೂಸ್-ಸಿವೋಟರ್ ಒಪಿನಿಯನ್ ಪೋಲ್ ನಲ್ಲಿ ಉತ್ತರ ಪ್ರದೇಶದಲ್ಲಿ ಬಿಜೆಪಿ ಪುನಃ ಅಧಿಕಾರಕ್ಕೆ ಬರುವ ಸಾಧ್ಯತೆ ನಿಚ್ಚಳವಾಗಿದೆ. ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ನಾಯಕತ್ವದಲ್ಲಿ, 403 ಸದಸ್ಯ ಬಲದ ಶಾಸಕಾಂಗ ಸಭೆಯಲ್ಲಿ ಬಿಜೆಪಿ ಬಹುಮತ ಸಾಧಿಸಲಿದೆ ಎಂದು ಸಮೀಕ್ಷೆ ಹೇಳುತ್ತದೆ.
ಎಬಿಪಿ ನ್ಯೂಸ್-ಸಿವೋಟರ್ ಅಭಿಪ್ರಾಯ ಸಂಗ್ರಹವು ಬಿಜೆಪಿ 223-235 ಸ್ಥಾನಗಳನ್ನು ಪಡೆಯಲು ಸಾಧ್ಯವಾಗುತ್ತದೆ ಎಂದು ಊಹಿಸಿದೆ. ಸಮಾಜವಾದಿ ಪಕ್ಷಕ್ಕೆ 145-157 ವಿಧಾನಸಭಾ ಸ್ಥಾನಗಳನ್ನು ಗೆಲ್ಲಲು ಸಾಧ್ಯವಾಗಲಿದೆ ಹಾಗೂ ಇದು 2017ಕ್ಕೆ ಹೋಲಿಸಿದರೆ ಅದರ ಫಲಿತಾಂಶದಲ್ಲಿ ದೊಡ್ಡ ಸುಧಾರಣೆಯಾಗಲಿದೆ ಎಂದು ಹೇಳಿದೆ.
ಇತ್ತೀಚಿನ ಎಬಿಪಿ ನ್ಯೂಸ್-ಸಿ ವೋಟರ್ ಒಪಿನಿಯನ್ ಪೋಲ್ ಪ್ರಕ್ಷೇಪಗಳ ಪ್ರಕಾರ ಮಾಯಾವತಿ ನೇತೃತ್ವದ ಬಿಎಸ್‌ಪಿ ನೆಲೆ ಕಳೆದುಕೊಳ್ಳುವ ಹಾದಿಯಲ್ಲಿದೆ. ಬಿಎಸ್‌ಪಿ 8-16 ಸ್ಥಾನಗಳನ್ನು ಮಾತ್ರ ಗೆಲ್ಲಲಿದೆ ಎಂದು ಊಹಿಸಿದೆ. ಕಾಂಗ್ರೆಸ್ ಸಂಖ್ಯಾಬಲ ಹತ್ತರೊಳಗೆ ಉಳಿಯುವ ಸಾಧ್ಯತೆ ಇದೆ ಎಂದು ಅದು ಹೇಳಿದೆ.
ಬಿಜೆಪಿ 41.5% ರಷ್ಟು ಮತಗಳು..
ಉತ್ತರ ಪ್ರದೇಶ ಚುನಾವಣೆ 2022: ಎಬಿಪಿ ನ್ಯೂಸ್-ಸಿವೋಟರ್ ಒಪಿನಿಯನ್ ಪೋಲ್‌ನ ಇತ್ತೀಚಿನ ವೋಟ್ ಶೇರ್ ಪ್ರೊಜೆಕ್ಷನ್ ಪ್ರಕಾರ, ಬಿಜೆಪಿ ನವೆಂಬರ್ ಮತ್ತು ಡಿಸೆಂಬರ್ ಪ್ರಕ್ಷೇಪಗಳಿಂದ ತನ್ನನ್ನು ತಾನು ಮೇಲಕ್ಕೆತ್ತಿಕೊಂಡಿದೆ ಮತ್ತು 41.5% ರಷ್ಟು ಅತ್ಯಧಿಕ ಮತ ಹಂಚಿಕೆಯನ್ನು ಗಳಿಸುತ್ತಿದೆ ಎಂದು ಹೇಳಿದೆ. ಅಖಿಲೇಶ್ ಯಾದವ್ ನೇತೃತ್ವದ ಸಮಾಜವಾದಿ ಪಾರ್ಟಿ ಮತ್ತು ಅದರ ಮಿತ್ರಪಕ್ಷಗಳು 33.3% ಮತ ಪಡೆದುಕೊಳ್ಳುವ ಸಾಧ್ಯತೆಯಿದೆ ಎಂದು ಹೇಳಿದೆ.
ಬಿಎಸ್‌ಪಿಯ ಇತ್ತೀಚಿನ ಮತ ಹಂಚಿಕೆಯ ಪ್ರಕ್ಷೇಪಣವು ಮತ್ತಷ್ಟು ಕುಸಿತವನ್ನು ತೋರಿಸುತ್ತದೆ, ಇದೇವೇಳೆ ಕಾಂಗ್ರೆಸ್‌ಗೆ ಪ್ರಿಯಾಂಕಾ ಗಾಂಧಿಯವರ ಆಕ್ರಮಣಕಾರಿ ಪ್ರಚಾರವೂ ಅಲೆಯನ್ನು ಸೃಷ್ಟಿಸುತ್ತಿಲ್ಲ ಏಕೆಂದರೆ ಇತ್ತೀಚಿನ ಪ್ರಕ್ಷೇಪಣದಲ್ಲಿ ಪಕ್ಷದ ಮತ ಹಂಚಿಕೆಯು ಹೆಚ್ಚು ಕಡಿಮೆ ಒಂದೇ ಆಗಿದೆ ಎಂದು ಒಪಿನಿಯನ್ ಪೋಲ್ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ