ಕೊಚ್ಚಿ: ಕೊಚ್ಚಿಯ ಕಲಮಸ್ಸೆರಿಯ ಜನನಿಬಿಡ ಸೀಪೋರ್ಟ್-ವಿಮಾನ ನಿಲ್ದಾಣ ರಸ್ತೆಯಲ್ಲಿ ಭಾನುವಾರ ರಾತ್ರಿ ಬೃಹತ್ ಹೆಬ್ಬಾವು ಕಾಣಿಸಿಕೊಂಡಿದ್ದು, ಇದರಿಂದ ಸ್ವಲ್ಪ ಸಮಯ ಸಂಚಾರ ಸ್ಥಗಿತಗೊಂಡಿದೆ.
ಸುಮಾರು ಎರಡು ಮೀಟರಿಗೂ ಹೆಚ್ಚು ಉದ್ದದ ಇಂಡಿಯನ್ ರಾಕ್ ಹೆಬ್ಬಾವು ರಾತ್ರಿ 11.10ರ ಸುಮಾರಿಗೆ ಕೆಎಸ್‌ಇಬಿ ಕಚೇರಿಯ ಸಮೀಪವಿರುವ ವಾಹನದ ದಟ್ಟಣೆಯ ಪ್ರದೇಶದಲ್ಲಿ ನಿಧಾನವಾಗಿ ಸಾಗಿತು. ನೋಡುಗರು ಮತ್ತು ದಾರಿಹೋಕರು ಹಾವಿನ ಚಿತ್ರಗಳು ಮತ್ತು ವೀಡಿಯೊಗಳನ್ನು ತೆಗೆದುಕೊಂಡರು
ಸೀಪೋರ್ಟ್-ಏರ್‌ಪೋರ್ಟ್ ರಸ್ತೆಯ ಮೂಲಕ ಹೆಬ್ಬಾವು ಹೋಗುತ್ತಿರುವುದನ್ನು ವಿಡಿಯೊ ತೋರಿಸುತ್ತದೆ, ಜನರು ಅದು ರಸ್ತೆ ದಾಟಿ ಹೊಗುವ ವರೆಗೂ ತಾಳ್ಮೆಯಿಂದ ಕಾಯುತ್ತಿದ್ದಾರೆ. ಹಾವು ರಸ್ತೆ ದಾಟಲು ಸುಮಾರು ನಾಲ್ಕೈದು ನಿಮಿಷಗಳನ್ನು ತೆಗೆದುಕೊಂಡಿತು. ಮುಂದೆ ಸಾಗುವ ಯಾವುದೇ ವಾಹನಕ್ಕೆ ಸರೀಸೃಪ ಸಿಲುಕದಂತೆ ನೋಡಿಕೊಳ್ಳಲು, ಕೆಲವರು ಸಹ ರಸ್ತೆಯ ಮಧ್ಯದಲ್ಲಿ ನಿಂತಿದ್ದರು. ನಂತರ ಹೆಬ್ಬಾವು ರಸ್ತೆ ಬದಿಯ ಪೊದೆಗಳಲ್ಲಿ ಕಣ್ಮರೆಯಾಯಿತು.
”ನಗರ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಿಂದ ವಾರಕ್ಕೆ ಎರಡು ಅಥವಾ ಮೂರು ಬಾರಿ ಹೆಬ್ಬಾವುಗಳನ್ನು ರಕ್ಷಿಸಲು ನಮಗೆ ಕರೆಗಳು ಬರುತ್ತವೆ. ಕೊಚ್ಚಿಯು ವಿಶಾಲವಾದ ಜವುಗು ಭೂಮಿಯನ್ನು ಹೊಂದಿರುವುದರಿಂದ, ಹೆಬ್ಬಾವುಗಳು ಬದುಕಲು ಸುಲಭವಾಗಿದೆ. ಅವು ಇಲ್ಲಿ ಯಥೇಚ್ಛವಾಗಿ ದೊರೆಯುವ ದಂಶಕಗಳನ್ನು ತಿನ್ನುತ್ತವೆ ಎಂದು ಅರಣ್ಯ ಇಲಾಖೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ ಎಂದು
ದಿ ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್‌ ವರದಿ ಮಾಡಿದೆ.
ಕಳೆದ ಮೂರ್ನಾಲ್ಕು ವರ್ಷಗಳಿಂದ ಕೊಚ್ಚಿಯಲ್ಲಿ ಹೆಬ್ಬಾವು ಪತ್ತೆ ಆಗುತ್ತಿದೆ ಎಂದು ಅವರು ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ