ಭುವನೇಶ್ವರ: ಆಘಾತಕಾರಿ ಸಂಗತಿಯೊಂದರಲ್ಲಿ, ಒಡಿಶಾದ ವ್ಯಕ್ತಿಯೊಬ್ಬರು ವೈದ್ಯರಂತೆ ನಟಿಸುವ ಮೂಲಕ ಏಳು ನಗರಗಳಲ್ಲಿ ಹಲವಾರು ಮಹಿಳೆಯರಿಗೆ ಮದುವೆಯಾಗಿ, ನಂತರ ಅವರನ್ನು ವಂಚಿಸಿದ ಘಟನೆ ಬೆಳಕಿಗೆ ಬಂದಿದೆ, ಆರೋಪಿಯನ್ನು ಬಂಧಿಸಲಾಗಿದೆ.
ಆರೋಪಿಯನ್ನು ಒಡಿಶಾದ ಕೇಂದ್ರಪಾರ ಜಿಲ್ಲೆಯ ನಿವಾಸಿ ಬಿಧು ಪ್ರಕಾಶ್ ಸ್ವೈನ್ (54) ಅಲಿಯಾಸ್ ರಮೇಶ್ ಸ್ವೈನ್ ಎಂದು ಗುರುತಿಸಲಾಗಿದೆ. ಅವರು ಹೆಚ್ಚಿನ ಸಮಯ ಒಡಿಶಾದ ಹೊರಗೆ ವಾಸಿಸುತ್ತಿದ್ದರು.
ಪಂಜಾಬ್, ದೆಹಲಿ, ಅಸ್ಸಾಂ, ಜಾರ್ಖಂಡ್ ಮತ್ತು ಒಡಿಶಾದ ಅವನ ಗುರಿ ಹೆಚ್ಚಾಗಿ ಮಧ್ಯವಯಸ್ಕ ಮಹಿಳೆಯರು ಮತ್ತು ವಿಚ್ಛೇದಿತ ಮಹಿಳೆಯರನ್ನು ಆರೋಪಿ ಗುರಿಯಾಗಿಸುತ್ತಿದ್ದ. ವೈವಾಹಿಕ ಸೈಟ್‌ಗಳ (matrimonial sites) ಮೂಲಕ ಅವರನ್ನು ಸಂಪರ್ಕಿಸುತ್ತಿದ್ದ ಈತ ಕೇಂದ್ರ ಆರೋಗ್ಯ ಸಚಿವಾಲಯದಲ್ಲಿ ಕೆಲಸ ಮಾಡುವ ವೈದ್ಯನಂತೆ ನಟಿಸುತ್ತಿದ್ದ.
ಆತನು ಹೆಚ್ಚಾಗಿ ವಿದ್ಯಾವಂತರಾಗಿದ್ದರು ಮತ್ತು ವಿವಿಧ ಸರ್ಕಾರಿ ಮತ್ತು ಖಾಸಗಿ ಸಂಸ್ಥೆಗಳಲ್ಲಿ ಉನ್ನತ ಹುದ್ದೆಗಳಲ್ಲಿದ್ದವರನ್ನೇ ಗುರಿಯಾಗಿಸಿಕೊಂಡಿದ್ದ. ಎಂದು ಭುವನೇಶ್ವರ ಡಿಸಿಪಿ ಉಮಾಶಂಕರ್ ದಾಸ ತಿಳಿಸಿದ್ದಾರೆ.
ಸ್ವೇನ್ ಅವರ ಬಲೆಗೆ ಬಿದ್ದವರಲ್ಲಿ ಸುಪ್ರೀಂ ಕೋರ್ಟ್‌ನಲ್ಲಿ ವಕೀಲರು ಮತ್ತು ಹಿರಿಯ ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳ ಅಧಿಕಾರಿಯೂ ಸೇರಿದ್ದಾರೆ.
ಅವರು 2018 ರಲ್ಲಿ ಪಂಜಾಬ್‌ನ CAPF ಅಧಿಕಾರಿಯನ್ನು ವಿವಾಹವಾದರು ಮತ್ತು ಅ ಮಹಿಳೆಗೆ ಸುಮಾರು 10 ಲಕ್ಷ ರೂ. ಮೋಸ ಮಾಡಿದ್ದರು. ಗುರುದ್ವಾರಕ್ಕೆ ಆಸ್ಪತ್ರೆ ಮಂಜೂರು ಮಾಡುವುದಾಗಿ ಹೇಳಿ 11 ಲಕ್ಷ ರೂ.ಗಳನ್ನು ವಂಚಿಸಿದ್ದರು.
ವರದಿಗಳ ಪ್ರಕಾರ, ಸ್ವೈನ್ ಐದು ಮಕ್ಕಳ ತಂದೆ ಮತ್ತು 1982 ರಲ್ಲಿ ಮೊದಲ ಬಾರಿಗೆ ವಿವಾಹವಾದರು ಮತ್ತು ನಂತರ 2002 ರಲ್ಲಿ ವಿವಾಹವಾದರು. 2002 ಮತ್ತು 2020 ರ ನಡುವೆ ಅವರು ಹಲವಾರು ಮಹಿಳೆಯರನ್ನು ವಿವಾಹವಾಗಿ ನಂತರ ಅವರ ಬಳಿ ಇದ್ದ ಹಣ ದೋಚಿದರು.
ಮದುವೆಯ ನಂತರ ಕೆಲವು ದಿನಗಳ ಕಾಲ ಅವರೊಂದಿಗೆ ಇರುತ್ತಿದ್ದ ಆತ ಈಶಾನ್ಯ ಅಥವಾ ಭುವನೇಶ್ವರಕ್ಕೆ ಯಾವುದೋ ಕೆಲಸದ ನಿಮಿತ್ತ ಹೋಗುವ ನೆಪದಲ್ಲಿ ಹೆಂಗಸರನ್ನು ಪೋಷಕರ ಬಳಿ ಬಿಟ್ಟು ಹೋಗುತ್ತಿದ್ದ.
ಜುಲೈ 2021 ರಲ್ಲಿ ದೆಹಲಿ ಮೂಲದ ಶಿಕ್ಷಕಿಯೊಬ್ಬರು ನೀಡಿದ ದೂರಿನ ಆಧಾರದ ಮೇಲೆ ಸ್ವೈನ್ ಅವರನ್ನು ಬಂಧಿಸಲಾಗಿದೆ ಎಂದು ದಾಸ್‌ ಹೇಳಿದ್ದಾರೆ. ಸಂತ್ರಸ್ತೆ ತನ್ನ ದೂರಿನಲ್ಲಿ, ಸ್ವೈನ್ ತನ್ನನ್ನು ನವದೆಹಲಿಯ ಆರ್ಯ ಸಮಾಜ ದೇವಸ್ಥಾನದಲ್ಲಿ ವಿವಾಹವಾಗಿದ್ದಾನೆ ಎಂದು ಹೇಳಿದ್ದಾರೆ.
ದೂರಿನ ನಂತರ, ಭುವನೇಶ್ವರದ ಖಂಡಗಿರಿ ಪ್ರದೇಶದಲ್ಲಿ ಬಾಡಿಗೆ ವಾಸಸ್ಥಳದಿಂದ ಅವರನ್ನು ಬಂಧಿಸಲಾಯಿತು ಮತ್ತು ಭಾರತೀಯ ಪಿನಲ್ ಕೋಡ್‌ನ ಸೆಕ್ಷನ್ 498 (ಎ), 419, 468, 471 ಮತ್ತು 494 ರ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
ವಿವಿಧ ಮ್ಯಾಟ್ರಿಮೋನಿಯಲ್ ಸೈಟ್‌ಗಳು ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಪರಿಚಯವಾದ ಇನ್ನೂ 13 ಮಹಿಳೆಯರನ್ನು ಆತ ವಂಚಿಸಿರುವುದು ತನಿಖೆಯ ವೇಳೆ ಪತ್ತೆಯಾಗಿದೆ.
ಪೊಲೀಸರು 11 ಎಟಿಎಂ ಕಾರ್ಡ್‌ಗಳು, ವಿವಿಧ ಗುರುತಿನ 4 ಆಧಾರ್ ಕಾರ್ಡ್‌ಗಳು ಮತ್ತು ಮತ್ತೊಂದು ಗುರುತಿನಡಿಯಲ್ಲಿ ಬಿಹಾರದಿಂದ ಶಾಲಾ ಪ್ರಮಾಣಪತ್ರವನ್ನು ವಶಪಡಿಸಿಕೊಂಡಿದ್ದಾರೆ.
ಉದ್ಯೋಗ ಒದಗಿಸುವ ಅಥವಾ ಎಂಬಿಬಿಎಸ್ ಕೋರ್ಸ್‌ಗಳಿಗೆ ಪ್ರವೇಶ ಪಡೆಯುವ ನೆಪದಲ್ಲಿ ನಿರುದ್ಯೋಗಿ ಯುವಕರನ್ನು ವಂಚಿಸಿದ್ದಕ್ಕಾಗಿ ಸ್ವೈನ್ ಅವರನ್ನು ಈ ಹಿಂದೆ ಹೈದರಾಬಾದ್‌ನಲ್ಲಿ ಬಂಧಿಸಲಾಗಿತ್ತು. ಅವರು ಕೇಂದ್ರ ಆರೋಗ್ಯ ಶಿಕ್ಷಣ ಮತ್ತು ತರಬೇತಿಯ ಉಪ ಮಹಾನಿರ್ದೇಶಕರಂತೆ ನಟಿಸುವ ಮೂಲಕ ಭಾರತದಾದ್ಯಂತ ಹಲವಾರು ಜನರಿಂದ 2 ಕೋಟಿ ರೂಪಾಯಿಗಳನ್ನು ಸಂಗ್ರಹಿಸಿದ್ದರು.
ಕೇರಳದ ಎರ್ನಾಕುಲಂನಲ್ಲಿ ಸಾಲ ವಂಚನೆಗಾಗಿ ಅವರನ್ನು ಬಂಧಿಸಲಾಗಿತ್ತು.
ಪೊಲೀಸರು ಸ್ವೈನ್‌ನ ಬಂಧನವನ್ನು ಕೋರಲಿದ್ದಾರೆ. “ಅಗತ್ಯವಿದ್ದಲ್ಲಿ, ಹೆಚ್ಚಿನ ತನಿಖೆಗಾಗಿ ಸಂಪೂರ್ಣ ಮಹಿಳಾ ತಂಡವನ್ನು ರಚಿಸಲಾಗುವುದು ಎಂದು ಡಿಸಿಪಿ ಹೇಳಿದರು.
ನಾವು ವಂಚನೆಯಲ್ಲಿ ವಿವರವಾದ ಹಣಕಾಸು ತನಿಖೆ ನಡೆಸಲು ಯೋಜಿಸುತ್ತಿದ್ದೇವೆ. ವಿವರವಾದ ತನಿಖೆಗಾಗಿ ನಾವು ಆರೋಪಿಗಳ ಕಸ್ಟಡಿಗೆ ಕೋರುತ್ತೇವೆ ಎಂದು ಡಿಸಿಪಿ ಉಮಾಶಂಕರ್ ದಾಸ ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ