ರಷ್ಯಾ-ಉಕ್ರೇನ್‌ ಯುದ್ಧ: ರಷ್ಯಾದ ಮೇಜರ್ ಜನರಲ್ ವಿಟಾಲಿ ಗೆರಾಸಿಮೊವ್ ಹತ್ಯೆ ಮಾಡಿದ ಉಕ್ರೇನ್

ಕೀವ್‌: ಸೋಮವಾರ, ಮಾರ್ಚ್ 7 ರಂದು ಖಾರ್ಕಿವ್ ಯುದ್ಧದಲ್ಲಿ ರಷ್ಯಾದ ಇನ್ನೊಬ್ಬ ಜನರಲ್ ವಿಟಾಲಿ ಗೆರಾಸಿಮೊವ್ ಕೊಲ್ಲಲ್ಪಟ್ಟರು ಎಂದು ಉಕ್ರೇನಿಯನ್ ರಕ್ಷಣಾ ಸಚಿವಾಲಯ ಹೇಳಿದೆ.
ಮೇಜರ್ ಜನರಲ್ ವಿಟಾಲಿ ಗೆರಾಸಿಮೊವ್ ರಷ್ಯಾದ ಕೇಂದ್ರ ಮಿಲಿಟರಿ ಜಿಲ್ಲೆಯ 41 ನೇ ಸೈನ್ಯದ ಮೊದಲ ಉಪ ಕಮಾಂಡರ್ ಆಗಿದ್ದರು.

ಉಕ್ರೇನಿಯನ್ ರಕ್ಷಣಾ ಸಚಿವಾಲಯದ ಪ್ರಕಾರ, ಎರಡನೇ ಚೆಚೆನ್ ಯುದ್ಧ ಮತ್ತು ಸಿರಿಯಾದಲ್ಲಿ ನಡೆದ ರಷ್ಯಾದ ಮಿಲಿಟರಿ ಕಾರ್ಯಾಚರಣೆಗಳಲ್ಲಿ ವಿಟಾಲಿ ಗೆರಾಸಿಮೊವ್ ಪ್ರಮುಖ ಪಾತ್ರ ವಹಿಸಿದ್ದಾರೆ. 2014 ರಲ್ಲಿ ಅವರಿಗೆ ‘ಫೋರ್‌ ದಿ ರಿಟರ್ನ್‌ ಆಫ್‌ ಕ್ರಿಮಿಯಾ’ ಪದಕವನ್ನು ನೀಡಲಾಗಿತ್ತು. ಉಕ್ರೇನಿಯನ್ ರಕ್ಷಣಾ ಸಚಿವಾಲಯವು ರಷ್ಯಾದ ಅನೇಕ ಹಿರಿಯ ಅಧಿಕಾರಿಗಳು ಕೊಲ್ಲಲ್ಪಟ್ಟರು ಅಥವಾ ಗಾಯಗೊಂಡಿದ್ದಾರೆ ಎಂದು ಹೇಳಿದೆ.
ಬ್ರಿಟಿಷ್ ಸುದ್ದಿ ಸಂಸ್ಥೆ ದಿ ಇಂಡಿಪೆಂಡೆಂಟ್ ವರದಿ ಮಾಡಿದಂತೆ ರಷ್ಯಾದ 7 ನೇ ವಾಯುಗಾಮಿ ವಿಭಾಗದ ಕಮಾಂಡಿಂಗ್ ಜನರಲ್ ಆಂಡ್ರೇ ಸುಖೋವೆಟ್ಸ್ಕಿ ಮತ್ತು 41 ನೇ ಕಂಬೈನ್ಡ್ ಆರ್ಮ್ಸ್ ಆರ್ಮಿಯ ಉಪ ಕಮಾಂಡರ್ ಅನ್ನು ಸ್ನೈಪರ್ ಕೊಂದ ನಂತರ ಇದು ಸಂಭವಿಸಿದೆ.

ಸೀಮಿತ ಕದನ ವಿರಾಮ
ರಷ್ಯಾ ಸೋಮವಾರ ಮತ್ತೊಂದು ಸೀಮಿತ ಕದನ ವಿರಾಮ ಮತ್ತು ಸುರಕ್ಷಿತ ಕಾರಿಡಾರ್‌ಗಳ ಸ್ಥಾಪನೆಯನ್ನು ಘೋಷಿಸಿತು. ಸೋಮವಾರದಂದು ಯುದ್ಧ ಪೀಡಿತ ಉಕ್ರೇನಿಯನ್ ನಗರಗಳಾದ ಕೀವ್, ಮಾರಿಯುಪೋಲ್, ಖಾರ್ಕಿವ್ ಮತ್ತು ಸುಮಿಯಿಂದ ನಾಗರಿಕರು ಓಡಿಹೋಗಿದ್ದಾರೆ.
ಯುದ್ಧವು 12 ನೇ ದಿನಕ್ಕೆ ಕಾಲಿಟ್ಟಿರುವಾಗ ಬೆಲಾರಸ್-ಪೋಲೆಂಡ್ ಗಡಿಯಲ್ಲಿ ಮೂರನೇ ಸುತ್ತಿನ ಮಾತುಕತೆಗಾಗಿ ಎರಡೂ ಕಡೆಯವರು ಭೇಟಿಯಾದರು.

ಉಕ್ರೇನ್ ದಾಳಿ ನಿಲ್ಲಿಸಲು ರಷ್ಯಾದ ಷರತ್ತುಗಳು
ಮಾಸ್ಕೋ ನಿಗದಿಪಡಿಸಿದ ನಾಲ್ಕು ಷರತ್ತುಗಳನ್ನು ಅನುಸರಿಸಲು ರಷ್ಯಾ ಉಕ್ರೇನಿಗೆ ಸೂಚಿಸಿದೆ. ಉಕ್ರೇನ್ ಷರತ್ತುಗಳನ್ನು ಈಡೇರಿಸಿದರೆ ಒಂದು ಕ್ಷಣದಲ್ಲಿ” ಮಿಲಿಟರಿ ಕಾರ್ಯಾಚರಣೆಯನ್ನು ನಿಲ್ಲಿಸಲು ಸಿದ್ಧ ಎಂದು ರಷ್ಯಾ ತಿಳಿಸಿದೆ.

 

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

5 / 5. ಒಟ್ಟು ವೋಟುಗಳು 2

advertisement

ನಿಮ್ಮ ಕಾಮೆಂಟ್ ಬರೆಯಿರಿ