ಸಮಸ್ಯೆಗೆ ಯಾವುದೇ ಗೋಚರ ಪರಿಹಾರವಿಲ್ಲದಿದ್ದಾಗ, ಸಮಯ-ಪರೀಕ್ಷಿತ ಪರಿಕಲ್ಪನೆಯು ಯಾವಾಗಲೂ ಕಾರ್ಯನಿರ್ವಹಿಸುತ್ತದೆ. ಫಿಟ್ನೆಸ್ ಉತ್ಸಾಹಿಗಳಿಗೆ ಪ್ರಯೋಜನವನ್ನು ನೀಡುವಂತಹ ಮರದ ಟ್ರೆಡ್ ಮಿಲ್ ಒಂದನ್ನು ತೆಲಂಗಾಣದ ವ್ಯಕ್ತಿಯೊಬ್ಬರು ಅಭೀವೃದ್ಧಿಪಡಿಸಿದ್ದಾರೆ. ಅವರು ಸಂಪೂರ್ಣವಾಗಿ ಭೌತಶಾಸ್ತ್ರದ ತತ್ವದ ಮೇಲೆ ಚಲಿಸುವ ಮರದ ಟ್ರೆಡ್‌ಮಿಲ್ ಅನ್ನು ವಿನ್ಯಾಸಗೊಳಿಸಿದ್ದಾರೆ.
ವೀಡಿಯೊದಲ್ಲಿ, ವ್ಯಕ್ತಿಯು ಮೊದಲು ಮರದ ವಸ್ತುಗಳನ್ನು ಜೋಡಿಸಿ ಮತ್ತು ಭಾಗಗಳನ್ನು ಬಿಗಿಯಾಗಿ ಜೋಡಿಸುವುದುನ್ನು ಕಾಣಬಹುದು. ನಂತರ ಮರದ ಟ್ರೆಡ್‌ಮಿಲ್‌ನ ಕಾರ್ಯನಿರ್ವಹಣೆಯನ್ನು ವ್ಯಕ್ತಿಯು ತೋರಿಸುತ್ತಾನೆ. ಎರಡು ಮರದ ಹಿಡಿಕೆಗಳನ್ನು ಹಿಡಿದುಕೊಂಡು ವ್ಯಕ್ತಿಯು ನಿಂತುಕೊಂಡಾಗ ಮರದ ಪಟ್ಟಿಗಳು ಕೆಳಗೆ ವೇಗವಾಗಿ ಉರುಳುತ್ತಿರುವುದನ್ನು ಪ್ರದರ್ಶಿಸುತ್ತಾನೆ.
45 ಸೆಕೆಂಡುಗಳ ಕ್ಲಿಪ್ ಅನ್ನು ಉದ್ಯಮಿ ಆನಂದ್ ಮಹೀಂದ್ರಾ ಅವರು ಹಂಚಿಕೊಂಡಿದ್ದಾರೆ. “ಸರಕು, ಕರಕುಶಲತೆಯ ಉತ್ಸಾಹ, ಈ ಸಾಧನವನ್ನು ಕೈಯಿಂದ ಮಾಡುವಲ್ಲಿನ ಸಮಯ ಮೀಸಲು ಹಗೂ ಪ್ರಯತ್ನಗಳು ಇದನ್ನು ಕೇವಲ ಟ್ರೆಡ್‌ಮಿಲ್‌ಗೆ ಮಾತ್ರವಲ್ಲದೆ ಕಲಾಕೃತಿಯನ್ನಾಗಿ ಮಾಡುತ್ತದೆ. ನನಗೆ ಒಂದು ಬೇಕು …” ಎಂದು ಅವರು ಬರೆದಿದ್ದಾರೆ. ಈ ವೀಡಿಯೊವನ್ನು ಆರಂಭದಲ್ಲಿ ಟ್ವಿಟರ್ ಬಳಕೆದಾರ ಅರುಣ್ ಭಾಗವತುಲಾ ಅವರು “ವಿದ್ಯುತ್ ಇಲ್ಲದೆ ಕೆಲಸ ಮಾಡುವ ಅದ್ಭುತ ಟ್ರೆಡ್‌ಮಿಲ್” ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ.
ತೆಲಂಗಾಣ ಪೌರಾಡಳಿತ ಮತ್ತು ನಗರಾಭಿವೃದ್ಧಿ, ಐಟಿ ಸಚಿವ ಕೆಟಿ ರಾಮರಾವ್ ಕೂಡ ಪ್ರಭಾವಿತರಾಗಿ ವೀಡಿಯೊವನ್ನು ಮರುಟ್ವೀಟ್ ಮಾಡಿದ್ದಾರೆ. ರಾವ್ ಅವರು ಮನುಷ್ಯನ ಸೃಜನಶೀಲತೆಯಿಂದ ಆಶ್ಚರ್ಯಚಕಿತರಾದರು ಮತ್ತು ಅವರು ಸಂಪರ್ಕಿಸಲು ಮತ್ತು ಹೆಚ್ಚಿನ ಮರದ ಟ್ರೆಡ್‌ಮಿಲ್‌ಗಳನ್ನು ಉತ್ಪಾದಿಸಲು ಸಹಾಯ ಮಾಡಲು ಮಾತುಗಳನ್ನಾಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ