ಚೀನಾದಲ್ಲಿ ಕೋವಿಡ್ ಸೋಂಕಿನ ತಾಜಾ ಅಲೆಯ ಭಾರೀ ಹರಡುವಿಕೆಯ ಮಧ್ಯೆ, ಚೀನಾ ಸರ್ಕಾರವು ತನ್ನ ದೊಡ್ಡ ನಗರಗಳಲ್ಲಿ ಕಟ್ಟುನಿಟ್ಟಾದ ಲಾಕ್ಡೌನ್ ನಿರ್ಬಂಧಗಳನ್ನು ವಿಧಿಸಿದೆ. ಕಟ್ಟುನಿಟ್ಟಿನ ನಿರ್ಬಂಧದಿಂದಾಗಿ ಶಾಂಘೈನ ಸುಮಾರು 2.5 ಕೋಟಿ ಜನರು ತಮ್ಮ ಮನೆಗಳೊಳಗೆ ಅಕ್ಷರಶಃ ಬಂಧಿಯಾಗಿದ್ದಾರೆ. ಮತ್ತು ಅವರು ಆಹಾರಕ್ಕಾಗಿ ಪರದಾಡುತ್ತಿದ್ದಾರೆ. ಈ ಕಠಿಣ ಸಮಯಗಳ ಮಧ್ಯೆ, ಜನರು ಆಹಾರ ಅಥವಾ ಅವಶ್ಯಕ ವಸ್ತುಗಳಿಲ್ಲದೆ ದಿನಗಳನ್ನು ದೂಡುತ್ತಿದ್ದಾರೆ ಎಂದು ಹೇಳಲಾಗಿದೆ.
ಶಾಂಘೈನಲ್ಲಿ ಲಾಕ್ಡೌನ್ ಮಧ್ಯೆ ವ್ಯಕ್ತಿಯೊಬ್ಬ ಡ್ರೋನ್ ಮೂಲಕ ತನ್ನ ಕಿಟಕಿಯಿಂದ ಮೀನು ಹಿಡಿಯುತ್ತಿರುವುದನ್ನು ತೋರಿಸುವ ವೀಡಿಯೋ ಟ್ವಿಟ್ಟರ್ನಲ್ಲಿ ವೈರಲ್ ಆಗುತ್ತಿದೆ. ಶಾಂಘೈನ ನ್ಯೂಯಾರ್ಕ್ ವಿಶ್ವವಿದ್ಯಾನಿಲಯದ ಅಸೋಸಿಯೇಟ್ ಪ್ರೊಫೆಸರ್ ರೋಡ್ರಿಗೋ ಝೈಡಾನ್ ಅವರು ವೀಡಿಯೊವನ್ನು ಟ್ವೀಟ್ ಮಾಡಿದ್ದಾರೆ. “ಶಾಂಘೈನಲ್ಲಿ ದಿನಸಿ ಶಾಪಿಂಗ್, 2022 ಆವೃತ್ತಿ ಎಂದು ಅದಕ್ಕೆ ಶೀರ್ಷಿಕೆ ಬರೆದಿದ್ದಾರೆ.
ವೀಡಿಯೊದಲ್ಲಿ ಬಹು-ರೋಟರ್ ಡ್ರೋನ್ ಬಹುಮಹಡಿ ಕಟ್ಟಡದಲ್ಲಿ ಹಸಿವಿನಿಂದ ಬಳಲುತ್ತಿರುವ ನಿವಾಸಿಗಳಿಗೆ ಮೀನುಗಾರಿಕೆ ಸಾಧನವಾಗಿ ಬಳಕೆಯಾಗುತ್ತಿದೆ. ಡ್ರೋನ್ನ ಪ್ರತಿಬಿಂಬದಲ್ಲಿ ಕೊಳದ ಮೇಲ್ಮೈ ಸ್ಪಷ್ಟವಾಗಿ ಗೋಚರಿಸುತ್ತದೆ. ಏಕೆಂದರೆ ಅದು ದಾರದಿಂದ ಜೋಡಿಸಲಾದ ಬೆಟ್ ಅನ್ನು ಕೆಳಕ್ಕೆ ಇಳಿಸುತ್ತದೆ. ಒಂದು ಮೀನು ಅದನ್ನು ಕೊಳದ ಉದ್ದಕ್ಕೂ ಅನುಸರಿಸುತ್ತದೆ ಮತ್ತು ದಾರಕ್ಕೆ ಸಿಕ್ಕಿಕೊಳ್ಳುತ್ತದೆ. ನಂತರ ದಾರವನ್ನು ಮೇಲಕ್ಕೆ ಎಳೆದು ಮೀನನ್ನು ತೆಗೆದುಕೊಳ್ಳಲಾಗುತ್ತದೆ. ಇದು ಶಾಂಘೈನಲ್ಲಿ ಕಟ್ಟುನಿಟ್ಟಾದ ಕೋವಿಡ್ ನಿರ್ಬಂಧದಿಂದ ಅಲ್ಲಿನ ಪರಿಸ್ಥಿತಿ ಬಗ್ಗೆ ಹೇಳುವಂತಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ