ಸಿಂಹಗಳ ಹಿಂಡು ಜಿರಾಫೆಯ ಮೇಲೆ ದಾಳಿ ಮಾಡುತ್ತಿರುವ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಪ್ರತಿಯೊಂದು ಸಿಂಹವು ಜಿರಾಫೆಯ ಹಿಂಭಾಗದಿಂದ ಬಅದರ ಬೆನ್ನಿನ ಮೇಲೆ ಒಂದೊಂದಾಗಿ ಜಿಗಿಯಲು ಪ್ರಯತ್ನಿಸುತ್ತದೆ.
ವೀಡಿಯೊದಲ್ಲಿ, ಜಿರಾಫೆಯು ಸಿಂಹಗಳೊಂದಿಗೆ ಹೋರಾಡುವಲ್ಲಿ ತನ್ನ ಎಲ್ಲಾ ಶಕ್ತಿಯನ್ನು ತೋರಿಸುತ್ತದೆ ಹಾಗೂ ಶಕ್ತಿಶಾಲಿ ಬೇಟಾಗರ ಮೃಗಗಳನ್ನು ತನ್ನ ಬಲಿಷ್ಠ ಹಿಂಗಾಲುಗಳಿಂದ ಒದೆಯುತ್ತದೆ.
ಈ ವೀಡಿಯೊವನ್ನು ಬುಧವಾರ ವೈಲ್ಡ್‌ಲೈಫ್‌ ಸ್ಟೋರಿಸ್‌ ಎಂಬ Instagram ನಲ್ಲಿ ಹಂಚಿಕೊಳ್ಳಲಾಗಿದೆ. ಈ ವೀಡಿಯೊವನ್ನು ಹಂಚಿಕೊಂಡಾಗಿನಿಂದ ಎರಡು ಕೋಟಿ ವೀಕ್ಷಣೆಗಳನ್ನು ಕಂಡಿದೆ.
ಸಿಂಹಗಳು ಸಾಮಾನ್ಯವಾಗಿ ಜಿಂಕೆ ಮತ್ತು ಇತರ ಸಸ್ತನಿಗಳನ್ನು ಬೇಟೆಯಾಡುತ್ತವೆ, ಆದರೆ ಜಿರಾಫೆಯೊಂದಿಗೆ ಅದರ ಅಪರೂಪದ ಮುಖಾಮುಖಿಯಾಗಿದೆ. ಸಾಂಪ್ರದಾಯಿಕ ರೀತಿಯಲ್ಲಿ ಪ್ರಾಬಲ್ಯ ಸಾಧಿಸಲು ಸಿಂಹವು ತನ್ನ ಬೇಟೆಯ ಕುತ್ತಿಗೆಯನ್ನು ಹಿಡಿಯುತ್ತದೆ. ಆದರೆ ಇದು ಜಿರಾಫೆಗಳ ವಿಷಯಕ್ಕೆ ಬಂದಾಗ ಸಿಂಹಗಳಿಗೆ ಇದು ಅತ್ಯಂತ ಕಷ್ಟಕರವಾಗಿರುತ್ತದೆ. ಯಾಕೆಂದರೆ ಜಿತಾಫೆ ಕತ್ತನ್ನು ಹಿಡಿಯಲು ಸಿಂಹಗಳು ಬಹಳ ಎತ್ತರಕ್ಕೆ ಜಿಗಿಯಬೇಕಾಗುತ್ತದೆ. ಹೀಗಾಗಿ ಸಿಂಹಗಳು ಜಿರಾಫೆಯ ಮೇಲೆ ಹಿಂದಿನಿಂದ ದಾಳಿ ಮಾಡುತ್ತವೆ, ಅದರ ಬೆನ್ನಿನ ಮೇಲೆ ಸವಾರಿ ಮಾಡಲು ಪ್ರಯತ್ನಿಸುತ್ತವೆ ಮತ್ತು ಕಾಲುಗಳನ್ನು ಕಚ್ಚಿ ದುರ್ಬಲಗೊಳಿಸುತ್ತವೆ. ಆದಾಗ್ಯೂ, ಜಿರಾಫೆಯು ಪರಭಕ್ಷಕಗಳನ್ನು ಯಶಸ್ವಿಯಾಗಿ ದೂರ ತಳ್ಳುತ್ತವೆ. ಈ ವೀಡಿಯೊದಲ್ಲಿಯೂ ಹಾಗೆಯೇ ಆಗಿದೆ.
ವೀಡಿಯೊ ಥಟ್ಟನೆ ಕೊನೆಗೊಳ್ಳುತ್ತದೆ ಮತ್ತು ಕೊನೆಯಲ್ಲಿ ಏನಾಯಿತು ಎಂಬುದನ್ನು ತೋರಿಸುವುದಿಲ್ಲ.
ಆದರೆ ಜಿರಾಫೆಯ ಹೋರಾಟದ ಮನೋಭಾವವನ್ನು ನೆಟ್ಟಿಗರು ಶ್ಲಾಘಿಸಿದ್ದಾರೆ.
ಸಾಮಾನ್ಯವಾಗಿ ಕಾಡಿನಲ್ಲಿ ಇಂಥ ಪ್ರಾಣಿಗಳೇ ಹೀರೋ ಎಂಬುದು ಇರುವುದಿಲ್ಲ. ಪರಭಕ್ಷಕಗಳು ಆಕ್ರಮಣ ಮಾಡುವ ಮೊದಲು ತುಂಬಾ ಅನಾರೋಗ್ಯ, ಅಥವಾ ವಯಸ್ಸಾದ ಮತ್ತು ಶಕ್ತಿಹೀನ ಬಲಿಪಶುವನ್ನು ಗುರುತಿಸುತ್ತವೆ. ಸಿಂಹಗಳು ತಪ್ಪು ಬೇಟೆಯನ್ನು ಆಯ್ಕೆ ಮಾಡುವ ಸಮಯದಲ್ಲಿ ಸಂಪೂರ್ಣವಾಗಿ ತಪ್ಪಾಗಿದೆ ಎಂದು ಈ ವೀಡಿಯೊ ತೋರಿಸಿತ್ತದೆ ಎಂದು ಒಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ.
ಜಿರಾಫೆಯು ಪರಭಕ್ಷಕವನ್ನು ಒದೆಯುವುದನ್ನು ಮುಂದುವರಿಸಿದರೆ ಸಿಂಹಗಳು ತೀವ್ರವಾಗಿ ಗಾಯಗೊಳ್ಳಬಹುದು ಅಥವಾ ಸಾಯಬಹುದು, ಆದ್ದರಿಂದ ಅನೇಕ ಪರಭಕ್ಷಕಗಳು ಜಿರಾಫೆಯ ಮೇಲೆ ದಾಳಿ ಮಾಡಲು ಧೈರ್ಯ ಮಾಡುವುದಿಲ್ಲ, ಮಾಡಿದರೂ ಅವುಗಳ ಮರಿಗಳ ಮೇಲೆ ಮಾಡುತ್ತಾವೆ. ಆಹಾರಕ್ಕಾಗಿ ಹತಾಶರಾದಾಗ ಮಾತ್ರ ಇಂಥ ಪ್ರಯತ್ನಗಳು ನಡೆಯುತ್ತವೆ.
ನಿಮ್ಮ ಕಾಮೆಂಟ್ ಬರೆಯಿರಿ