ಇಂಗ್ಲೆಂಡ್ ಪುರುಷರ ಕಕ್ರಿಕೆಟ್‌ ತಂಡ, ಶುಕ್ರವಾರ, ಜೂನ್ 17 ರಂದು ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯಧಿಕ ರನ್ ಗಳಿಸಿ ನೂತನ ದಾಖಲೆ ಸೃಷ್ಟಿಸಿತು. ವಿಆರ್‌ಎ ಸ್ಟೇಡಿಯಂನಲ್ಲಿ ನೆದರ್‌ಲ್ಯಾಂಡ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ 50 ಓವರ್‌ಗಳಲ್ಲಿ 498/4 ಸ್ಕೋರ್ ಗಳಿಸಿ ಏಕದಿನದ ಪಂದ್ಯಗಳ ಇತಿಹಾಸದಲ್ಲಿ ನೂತನ ದಾಖಲೆ ನಿರ್ಮಿಸಿತು.
ಜೂನ್ 2018 ರಲ್ಲಿ ನಾಟಿಂಗ್‌ಹ್ಯಾಮ್‌ನ ಟ್ರೆಂಟ್ ಬ್ರಿಡ್ಜ್‌ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಈ ಹಿಂದೆ 481 ರನ್ ಗಳಿಸಿದ್ದ ತಮ್ಮದೇ ಆದ ದಾಖಲೆಯನ್ನು ಮುರಿದಿದ್ದಾರೆ. .
2018 ರಲ್ಲಿ, ನ್ಯೂಜಿಲೆಂಡ್ ಮಹಿಳೆಯರು ಐರ್ಲೆಂಡ್ ಮಹಿಳೆಯರ ವಿರುದ್ಧ 491 ರನ್ ಗಳಿಸಿದ್ದರು.. ಲಿಸ್ಟ್ ಎ ಸ್ಕೋರ್‌ನ ಅತ್ಯಧಿಕ ಸ್ಕೋರ್‌ನ ದಾಖಲೆಯನ್ನು ಇಂಗ್ಲೆಂಡ್ ಮುರಿದಿದೆ. ಏಪ್ರಿಲ್ 2007 ರಲ್ಲಿ, ಲಂಡನ್‌ನ ಕೆನ್ನಿಂಗ್ಟನ್ ಓವಲ್‌ನಲ್ಲಿ ಗ್ಲೌಸೆಸ್ಟರ್‌ಶೈರ್ ವಿರುದ್ಧ ಸರ್ರೆ 496/4 ಗಳಿಸಿತು.
ಮೊದಲು ಬ್ಯಾಟಿಂಗ್ ಮಾಡಿದ ನಂತರ, ವೇಗದ ಬೌಲರ್ ಶೇನ್ ಸ್ನೇಟರ್ ಎರಡನೇ ಓವರ್‌ನಲ್ಲಿ ಆರಂಭಿಕ ಬ್ಯಾಟರ್ ಜೇಸನ್ ರಾಯ್ ಅವರನ್ನು ಔಟ್ ಮಾಡಿದ ಕಾರಣ ಬ್ರಿಟ್ಸ್ ಉತ್ತಮ ಆರಂಭವನ್ನು ಪಡೆಯಲಿಲ್ಲ. ಅದರ ನಂತರ, ಫಿಲ್ ಸಾಲ್ಟ್ ಮತ್ತು ಡೇವಿಡ್ ಮಲಾನ್ ಅವರು ತಂಡವನ್ನು ಸಂಪೂರ್ಣ ಹಿಡಿತಕ್ಕೆ ತೆಗೆದುಕೊಂಡರು. ಸಾಲ್ಟ್ ಮತ್ತು ಮಲನ್ ಇಬ್ಬರೂ ಔಟಾಗುವ ಮೊದಲು ಶತಕಗಳನ್ನು ಗಳಿಸಿದರು. ಅವರ ನಂತರ, ಜೋಸ್ ಬಟ್ಲರ್ ಮತ್ತು ಲಿಯಾಮ್ ಲಿವಿಂಗ್ಸ್ಟೋನ್ ಅವರು ಡಚ್ ಬೌಲಿಂಗ್ ದಾಳಿಯನ್ನು ಚಚ್ಚಿದರು.
ಬಟ್ಲರ್ ಕೇವಲ 70 ಎಸೆತಗಳಲ್ಲಿ ಏಳು ಬೌಂಡರಿ ಹಾಗೂ 14 ಸಿಕ್ಸರ್‌ಗಳ ನೆರವಿನಿಂದ 162 ರನ್ ಗಳಿಸಿ ಅಜೇಯರಾಗಿ ಉಳಿದರು. ಅವರು ದಕ್ಷಿಣ ಆಫ್ರಿಕಾದ ಎಬಿ ಡಿವಿಲಿಯರ್ಸ್ ನಂತರ 150 ರನ್ ಗಳಿಸಿದ ಎರಡನೇ ಅತಿ ವೇಗದ ಆಟಗಾರರಾದರು.
ಡಿವಿಲಿಯರ್ಸ್ 64 ಎಸೆತಗಳಲ್ಲಿ 150 ರನ್ ಮೈಲುಗಲ್ಲನ್ನು ತಲುಪಿದ್ದರು. ಬಟ್ಲರ್ 64 ಎಸೆತಗಳಲ್ಲಿ 150 ರನ್ ಗಡಿ ತಲುಪಿದರು.
ಬಟ್ಲರ್ 47 ಎಸೆತಗಳಲ್ಲಿ ಇಂಗ್ಲೆಂಡ್‌ನ ಎರಡನೇ ವೇಗದ ಶತಕ ತಲುಪಿದರು. ತಂಡದ 26 ಸಿಕ್ಸರ್‌ಗಳಲ್ಲಿ ಅವರೇ 14 ಸಿಕ್ಸರ್‌ಗಳನ್ನು ಹೊಡೆದರು ಹಾಗೂ ಔಟಾಗದೆ 162 ರನ್ ಗಳಿಸಿದ್ದರು.
ಬಟ್ಲರ್ ಈಗ ರಾಷ್ಟ್ರೀಯ ತಂಡಕ್ಕಾಗಿ ಮೂರು ವೇಗದ ODI ಶತಕಗಳನ್ನು ಹೊಂದಿದ್ದಾರೆ – 46 ಎಸೆತಗಳು, 47 ಎಸೆತಗಳು ಮತ್ತು 50 ಎಸೆತಗಳಲ್ಲಿ ಅವರು ಮೂರು ಸಲ ಈ ಸಾಧನೆ ಮಾಡಿದ್ದಾರೆ.
ಸಾಲ್ಟ್ 93 ಎಸೆತಗಳಲ್ಲಿ 122 ಮತ್ತು ಮಲಾನ್ 109 ಎಸೆತಗಳಲ್ಲಿ 125 ರನ್ ಗಳಿಸಿದರೆ, ಲಿಯಾಮ್ ಲಿವಿಂಗ್ಸ್ಟೋನ್ 22 ಎಸೆತಗಳಲ್ಲಿ 66 ರನ್ ಗಳಿಸಿ ಔಟಾಗದೆ ಉಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ