ಮನೀಶ್ ಸಿಸೋಡಿಯಾ ವಿರುದ್ಧ ಮಾನನಷ್ಟ ಮೊಕದ್ದಮೆ ಹೂಡಿದ ಅಸ್ಸಾಂ ಸಿಎಂ

ನವದೆಹಲಿ: ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರು ದೆಹಲಿ ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ವಿರುದ್ಧ ಸರ್ಕಾರದಲ್ಲಿ ಆರೋಗ್ಯ ಸಚಿವರಾಗಿದ್ದಾಗ ಕೋವಿಡ್ ವೈಯಕ್ತಿಕ ರಕ್ಷಣಾ ಸಾಧನಗಳ (ಪಿಪಿಇ) ಗುತ್ತಿಗೆ ನೀಡುವಲ್ಲಿ ಅವ್ಯವಹಾರ ನಡೆಸಿದ್ದಾರೆ ಎಂಬ ಆರೋಪ ಮಾಡಿದಕ್ಕೆ ಅವರ ವಿರುದ್ಧ ಕ್ರಿಮಿನಲ್‌ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದಾರೆ.
ಮನೀಶ ಸಿಸೋಡಿಯಾ ಅವರು ಪಿಪಿಇ ಕಿಟ್‌ಗಳ ಗುತ್ತಿಗೆಯನ್ನು ಶರ್ಮಾ ಅವರ ಪತ್ನಿಗೆ ಲಿಂಕ್ ಮಾಡಿದ ಕಂಪನಿಗೆ ನೀಡಿದ್ದಾರೆ ಮತ್ತು ಸಾಂಕ್ರಾಮಿಕ ಸಮಯದಲ್ಲಿ ಗೇರ್‌ಗೆ ಹೆಚ್ಚು ಪಾವತಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.
ಶರ್ಮಾ ಅವರ ಪತ್ನಿ ರಿನಿಕಿ ಭುಯಾನ್ ಶರ್ಮಾ ಅವರು ಈಗಾಗಲೇ ಸಿಸೋಡಿಯಾ ವಿರುದ್ಧ ₹ 100 ಕೋಟಿ ಸಿವಿಲ್ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದಾರೆ.ಹಿಮಂತ ಬಿಸ್ವಾ ಶರ್ಮಾ ಅವರು ತಮ್ಮ ಪತ್ನಿಯ ಕಂಪನಿಗೆ ಗುತ್ತಿಗೆ ನೀಡಿದರು. ಅವರು ಪಿಪಿಇ ಕಿಟ್‌ಗಳಿಗಾಗಿ ₹ 990 ಪಾವತಿಸಿದರು ಮತ್ತು ಇತರರು ಅದೇ ದಿನ ಮತ್ತೊಂದು ಕಂಪನಿಯಿಂದ ₹ 600 ಕ್ಕೆ ಖರೀದಿಸಿದರು. ಇದು ದೊಡ್ಡ ಅಪರಾಧವಾಗಿದೆ,” ಎಂದು ಸಿಸೋಡಿಯಾ ಅವರುಆರೋಪ ಮಾಡಿದ್ದರು. ಕಳೆದ ತಿಂಗಳ ಆರಂಭದಲ್ಲಿ ಆರೋಪಗಳನ್ನು ಮಾಡಿದ್ದರು. ಇದನ್ನು ಸಾಬೀತುಪಡಿಸಲು ತಮ್ಮ ಬಳಿ ದಾಖಲೆಗಳಿವೆ ಎಂದು ಸಿಸೋಡಿಯಾ ಹೇಳಿಕೊಂಡಿದ್ದರು.

ಆ ಸಮಯದಲ್ಲಿ, ಶರ್ಮಾ ಅವರು “ನೀವು ಕ್ರಿಮಿನಲ್ ಮಾನನಷ್ಟವನ್ನು ಎದುರಿಸಬೇಕಾಗಿರುವುದರಿಂದ ಶೀಘ್ರದಲ್ಲೇ ನಿಮ್ಮನ್ನು ಗುವಾಹತಿಯಲ್ಲಿ ಭೇಟಿಯಾಗುತ್ತೇನೆ” ಎಂದು ಸಿಸೋಡಿಯಾ ಅವರಿಗೆ ಎಚ್ಚರಿಸಿದ್ದರು.
ಜೂನ್ 1 ರಂದು ಡಿಜಿಟಲ್ ಮಾಧ್ಯಮ ಸಂಸ್ಥೆಗಳು – ನವದೆಹಲಿ ಮೂಲದ ‘ದಿ ವೈರ್’ ಮತ್ತು ಗುವಾಹತಿ ಮೂಲದ ‘ದಿ ಕ್ರಾಸ್‌ಕರೆಂಟ್’ ಜಂಟಿ ತನಿಖಾ ವರದಿಯಲ್ಲಿ ಅಸ್ಸಾಂ ಸರ್ಕಾರವು ಸರಿಯಾದ ಪ್ರಕ್ರಿಯೆ ನಡೆಸದೆ ನಾಲ್ಕು ಕೋವಿಡ್‌-19 ಸಂಬಂಧಿತ ತುರ್ತು ವೈದ್ಯಕೀಯ ಪೂರೈಕೆ ಆರ್ಡರ್‌ಗಳನ್ನು ಮಾಡಿದೆ ಎಂದು ಹೇಳಿಕೊಂಡಿದೆ.
2020 ರ ಮಾರ್ಚ್ 18 ಮತ್ತು ಮಾರ್ಚ್ 23 ರ ನಡುವೆ ಮಾಡಲಾದ ಎಲ್ಲಾ ನಾಲ್ಕು ಆರ್ಡರ್‌ಗಳನ್ನು ರಿನಿಕಿ ಭುಯಾನ್ ಶರ್ಮಾ ಮತ್ತು ಕುಟುಂಬದ ವ್ಯಾಪಾರ ಸಹವರ್ತಿ ಘನಶ್ಯಾಮ್ ಧನುಕಾ ಒಡೆತನದ ಮೂರು ಸಂಸ್ಥೆಗಳು ಪಡೆದುಕೊಂಡಿವೆ ಎಂದು ಮಾಹಿತಿ ಹಕ್ಕು ಉತ್ತರಗಳ ಸರಣಿಯನ್ನು ಉಲ್ಲೇಖಿಸಿ ಮಾಧ್ಯಮದ ಪೋರ್ಟಲ್‌ಗಳು ಹೇಳಿಕೊಂಡಿವೆ.

ರಾಷ್ಟ್ರೀಯ ಆರೋಗ್ಯ ಮಿಷನ್‌ಗೆ ಪಿಪಿಇ ಕಿಟ್‌ಗಳ ಪೂರೈಕೆಯಲ್ಲಿ ಯಾವುದೇ ತಪ್ಪನ್ನು ಶ್ರೀಮತಿ ಶರ್ಮಾ ನಿರಾಕರಿಸಿದ್ದಾರೆ.
ಅಸ್ಸಾಂ ಸರ್ಕಾರ ಮತ್ತು ಮುಖ್ಯಮಂತ್ರಿಯ ಹಿಮಾಂತ್‌ ಶರ್ಮಾ ಕುಟುಂಬವು ಆಪಾದಿತ ದುಷ್ಕೃತ್ಯಗಳಲ್ಲಿ ಭಾಗಿಯಾಗಿದ್ದಾರೆ ಎಂಬ ಎಲ್ಲಾ ಆರೋಪಗಳನ್ನು ಪ್ರತ್ಯೇಕವಾಗಿ ನಿರಾಕರಿಸಿದ್ದಾರೆ ಮತ್ತು ಎರಡು ಡಿಜಿಟಲ್ ಮಾಧ್ಯಮಗಳ ಆರೋಪಗಳನ್ನು “ಸುಳ್ಳು, ಕಾಲ್ಪನಿಕ, ದುರುದ್ದೇಶಪೂರಿತ ಮತ್ತು ಪಟ್ಟಭದ್ರ ಹಿತಾಸಕ್ತಿ” ಎಂದು ಬಣ್ಣಿಸಿದ್ದಾರೆ.
ಶರ್ಮಾ ಅವರು 2020 ರಲ್ಲಿ ಮೊದಲ ಬಿಜೆಪಿ ನೇತೃತ್ವದ ರಾಜ್ಯ ಸರ್ಕಾರದ ಅವಧಿಯಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವರಾಗಿದ್ದರು.
ಪ್ರತಿಪಕ್ಷಗಳಾದ ಕಾಂಗ್ರೆಸ್, ಸಿಪಿಐ, ಸಿಪಿಐ(ಎಂ), ಸಿಪಿಐ(ಎಂಎಲ್)-ಲಿಬರೇಶನ್, ಆರ್‌ಸಿಪಿಐ, ಟಿಎಂಸಿ, ರೈಜೋರ್ ದಳ, ಅಸ್ಸಾಂ ರಾಷ್ಟ್ರೀಯ ಪರಿಷತ್ ಮತ್ತು ಅಂಚಲಿಕ್ ಗಣ ಮೋರ್ಚಾ ಆಪಾದಿತ ಭ್ರಷ್ಟಾಚಾರದ ಕುರಿತು ಸಿಬಿಐ ತನಿಖೆಗೆ ಒತ್ತಾಯಿಸಿವೆ.