ಐದನೇ ಮಹಡಿಯಲ್ಲಿ ಕಿಟಕಿಯಿಂದ ಬಿದ್ದ ಪುಟ್ಟ ಹುಡುಗಿಯನ್ನು ಹಿಡಿದ ವ್ಯಕ್ತಿಯೊಬ್ಬರನ್ನು ಈಗ ಹೀರೋ ಎಂದು ಪ್ರಶಂಸಿಸಲಾಗುತ್ತಿದೆ. ಮೆಟ್ರೋ ಪ್ರಕಾರ ಚೀನಾದ ಝೆಜಿಯಾಂಗ್ ಪ್ರಾಂತ್ಯದ ಟೊಂಗ್‌ಕ್ಸಿಯಾಂಗ್‌ನಲ್ಲಿ ಈ ಮೈ ಜುಂ ಎನ್ನುವ ಘಟನೆ ನಡೆದಿದೆ. ಶೆನ್ ಡಾಂಗ್ ಎಂಬ ವ್ಯಕ್ತಿ ತನ್ನ ಕಾರನ್ನು ರಸ್ತೆಯಲ್ಲಿ ಪಾರ್ಕ್‌ ಮಾಡುತ್ತಿದ್ದಾಗ ಎರಡು ವರ್ಷದ ಪುಟ್ಟ ಮಗು ಅಷ್ಟು ಎತ್ತರದಿಂದ ಬೀಳುವ ದೃಶ್ಯವನ್ನು ನೋಡಿದ್ದಾರೆ ತಕ್ಷಣವೇ ಮಗುವನ್ನು ಹಿಡಿಯಲು ಧಾವಿಸಿದ್ದಾರೆ. ಆನ್‌ಲೈನ್‌ನಲ್ಲಿ ಈ ವೀಡಿಯೊ ವೈರಲ್ ಆಗಿದೆ.
ಮೆಟ್ರೋ ಪ್ರಕಾರ, ಶೆನ್ ಡಾಂಗ್ ಅವರು ತಮ್ಮ ಕಾರನ್ನು ರಸ್ತೆಯಲ್ಲಿ ನಿಲ್ಲಿಸುತ್ತಿದ್ದಾಗ ಸದ್ದು ಕೇಳಿಸಿತು. ವಾಸ್ತವವಾಗಿ, ಚಿಕ್ಕ ಹುಡುಗಿ ಐದನೇ ಅಂತಸ್ತಿನಿಂದ ನಾಲ್ಕು ಅಂತಸ್ತಿನ ಮೇಲಿ ಉಕ್ಕಿನ ಛಾವಣಿಯ ಮೇಲೆ ಬಿದ್ದಿದ್ದಳು. ನಂತರ ಅವಳು ಕೆಳಕ್ಕೆ ಉರುಳುತ್ತಿದ್ದಳು. ಅದನ್ನು ನೋಡಿ ತಕ್ಷಣವೇ ಡಾಂಗ್ ಕೆಳಗೆ ಬೀಳುವ ಜಾಗಕ್ಕೆ ಓಡಿಬಂದು ಮಗುವನ್ನು ಕ್ಯಾಚ್‌ ಮಾಡಿದ್ದಾರೆ. ಈಗ ವೈರಲ್ ಆಗಿರುವ ವಿಡಿಯೋವನ್ನು ಚೀನಾದ ಸರ್ಕಾರಿ ಅಧಿಕಾರಿ ಲಿಜಿಯಾನ್ ಝಾವೋ ಅವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಟ್ವೀಟ್‌ “ನಮ್ಮ ನಡುವಿನ ಹೀರೋಗಳು,” ಎಂಬ ಪೋಸ್ಟ್‌ನ ಶೀರ್ಷಿಕೆಯನ್ನು ಓದುತ್ತದೆ. ನೆಟಿಜನ್‌ಗಳು ಶೆನ್ ಡಾಂಗ್ ಅವರನ್ನು ಹೀರೋ ಎಂದು ಶ್ಲಾಘಿಸಿದ್ದಾರೆ ಮತ್ತು ಕಾಮೆಂಟ್‌ಗಳ ವಿಭಾಗದಲ್ಲಿ ಅವರ ಪ್ರಶಂಸೆಯೇ ತುಂಬಿದೆ.
ನಿಜವಾದ ನಾಯಕರು ಈ ಜಗತ್ತಿನಲ್ಲಿ ಅಸ್ತಿತ್ವದಲ್ಲಿದ್ದಾರೆ, ಕೇವಲ ಚಲನಚಿತ್ರಗಳಲ್ಲಿ ಅಲ್ಲ” ಎಂದು ಬಳಕೆದಾರರು ಬರೆದಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ