ವಿಚಿತ್ರ ಚಟ: ದುರ್ಗಾಪುರದಲ್ಲಿ ಕಾಂಡೋಮ್‌ ಖರೀದಿ ದಿಢೀರ್‌ ಹೆಚ್ಚಳ, ನಶೆ ಏರಿಸಿಕೊಳ್ಳಲು‌ ಕಾಂಡೋಮ್ ಬಳಕೆ..!

ದುರ್ಗಾಪುರ (ಪಶ್ಚಿಮ ಬಂಗಾಳ): ಪಶ್ಚಿಮ ಬಂಗಾಳದ ದುರ್ಗಾಪುರದಲ್ಲಿ ಸುವಾಸನೆಯ ಕಾಂಡೋಮ್‌ಗಳ ಮಾರಾಟ ಈಗ ತೀವ್ರವಾಗಿ ಹೆಚ್ಚಿದ್ದು, ಇದು ಸ್ಥಳೀಯ ಅಂಗಡಿಕಾರರನ್ನು ಗಾಬರಿಪಡಿಸಿದೆ.
ದುರ್ಗಾಪುರ ಜಿಲ್ಲೆಯ ಕೆಲವು ಯುವಕರು ಇದನ್ನು ಮಾದಕ ವಸ್ತುವಾಗಿ ಬಳಸುತ್ತಿದ್ದಾರೆ ಎಂದು ವರದಿಗಳು ತಿಳಿಸಿವೆ. ನ್ಯೂಸ್ 18 ವರದಿಯ ಪ್ರಕಾರ, ಪಶ್ಚಿಮ ಬಂಗಾಳದ ದುರ್ಗಾಪುರದಲ್ಲಿ ಕೆಲವು ವಿದ್ಯಾರ್ಥಿಗಳು ಕಾಂಡೋಮ್ ಬಳಸುವ ಚಟಕ್ಕೆ ಬಿದ್ದಿದ್ದಾರೆ.
ಟೂತ್‌ಪೇಸ್ಟ್‌ನಿಂದ ಹಿಡಿದು, ಶೂ ಶಾಯಿಯವರೆಗೆ, ಕೆಮ್ಮು ಔಷಧಿ ಅಥವಾ ಏರೋಸಾಲ್ ಸ್ಪ್ರೇ ಅಥವಾ ಹ್ಯಾಂಡ್ ಸ್ಯಾನಿಟೈಸರ್ ಹೀಗೆ ಎಲ್ಲವನ್ನೂ ಮಾದಕ ವಸ್ತವಿನಂತೆ ಬಳಲಸಲು ಆರಂಭಿಸಿದ್ದಾರೆ. ಈಗ ಈ ಪಟ್ಟಿಗೆ ಕೊಂಡೋಮ್‌ ಸೇರ್ಪಡೆಯಾಗಿದೆ…!
ಕಾಂಡೋಮ್‌ಗಳನ್ನು ಬಿಸಿ ನೀರಿನಲ್ಲಿ ನೆನೆಸಿ ದ್ರವವನ್ನು ಕುಡಿಯುತ್ತಿದ್ದಾರೆ. ಮತ್ತು ಕಿಕ್‌ 10 ರಿಂದ 12 ಗಂಟೆಗಳ ವರೆಗೆ ಇರುತ್ತದೆಯಂತೆ. ಮೊದಲು ದಿನಕ್ಕೆ ಮೂರರಿಂದ ನಾಲ್ಕು ಪ್ಯಾಕೆಟ್ ಕಾಂಡೋಮ್ಗಳನ್ನು ಅಂಗಡಿಗೆ ಮಾರಾಟ ಮಾಡಲಾಗುತ್ತಿತ್ತು. ಮತ್ತು ಈಗ ಅಂಗಡಿಯಿಂದ ಕಾಂಡೋಮ್‌ಗಳು ಸಿಗುತ್ತಿಲ್ಲ. ಅಷೇ ಬೇಕ ಬಿಕರಿಯಾಗುತ್ತದೆ ಎಂದು ಅಂಗಡಿಯವರು ಹೇಳುತ್ತಾರೆ.
ಪಶ್ಚಿಮ ಬಂಗಾಳದ ದುರ್ಗಾಪುರದ ಕೆಲವು ಯುವಕರಿಗೆ ಈಗ ಕಾಂಡೋಮ್‌ಗಳು ಕಿಕ್ಕೇರಿಸುವ ಸಾಧನವಾಗಿದೆ.
ಕಳೆದ ಕೆಲವು ದಿನಗಳಿಂದ, ದುರ್ಗಾಪುರದ ವಿವಿಧ ಭಾಗಗಳಾದ ದುರ್ಗಾಪುರ ಸಿಟಿ ಸೆಂಟರ್, ಬಿಧಾನನಗರ, ಬೆನಚಿಟಿ, ಮತ್ತು ಮುಚಿಪಾರ, ಸಿ ವಲಯ, ಎ ವಲಯಗಳಲ್ಲಿ ಸುವಾಸನೆಯ ಕಾಂಡೋಮ್‌ಗಳ ಮಾರಾಟವು ಗಗನಕ್ಕೇರಿದೆ. ಮಾರಾಟದಲ್ಲಿನ ತೀವ್ರ ಬೆಳವಣಿಗೆಯೊಂದಿಗೆ, ಈ ವಿಚಿತ್ರವಾದ ಮಾದಕ ವ್ಯಸನದ ಬಗ್ಗೆ ಪ್ರಶ್ನೆಗಳು ಎದ್ದಿವೆ. ಇದು ಬೆಳಕಿಗೆ ಬರುತ್ತಿದ್ದಂತೆ ದುರ್ಗಾಪುರದ ಜನರು ದಿಗ್ಭ್ರಮೆಗೊಂಡಿದ್ದಾರೆ.

advertisement
ಓದಿರಿ :-   ಅನಾರೋಗ್ಯದಲ್ಲೂ ಧನಾತ್ಮಕ ಚಿಂತನೆ ಜೀವನ ಮಂತ್ರ ಮಾಡಿಕೊಂಡಿದ್ದ ರಾಕೇಶ್ ಜುಂಜುನ್ವಾಲಾ, ಕಜ್ರಾ ರೇ' ಹಾಡಿಗೆ ಗಾಲಿ ಖುರ್ಚಿಯಲ್ಲೇ ಡಾನ್ಸ್‌ | ವೀಕ್ಷಿಸಿ

ಕಾಂಡೋಮ್ಗಳು ಹೇಗೆ ಕಿಕ್ಕೇರಿಸುತ್ತವೆ..?
ಕಾಂಡೋಮ್‌ಗಳನ್ನು ನೀರಿನಲ್ಲಿ ನೆನೆಸುವುದರಿಂದ ಆಲ್ಕೊಹಾಲ್‌ ಯುಕ್ತ ಪದಾರ್ಥವನ್ನು ಉತ್ಪಾದಿಸಬಹುದು ಎಂಬ ಹೇಳಿಕೆಗಳಿವೆ. ಇದು ನಿಜವೇ ಆಗಿದ್ದರೆ ದುರ್ಗಾಪುರದ ಯುವಕರು ಈಗ ಈ ತಂತ್ರವನ್ನು ಈಗ ನಶೆಏರಿಸಿಕೊಳ್ಳಲು ಪೂರ್ಣವಾಗಿ ಬಳಸಿಕೊಳ್ಳುತ್ತಿದ್ದಾರೆ.
ಈ ಬಗ್ಗೆ ತನಿಖೆ ನಡೆಸುವಂತೆ ದುರ್ಗಾಪುರ ಉಪ ವಿಭಾಗದ ಆಸ್ಪತ್ರೆಯ ಡಾ.ಧಿಮಾನ್ ಮೊಂಡಲ್ ಅವರು ಕೋರಿದ್ದಾರೆ. ಕಾಂಡೋಮ್‌ಗಳ ಲ್ಯಾಟೆಕ್ಸ್ ಸಂಯುಕ್ತವು ನೀರಿನೊಂದಿಗೆ ಹೇಗೆ ಪ್ರತಿಕ್ರಿಯಾತ್ಮಕವಾಗಿರುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ತನಗೆ ಸಾಧ್ಯವಾಗುತ್ತಿಲ್ಲ ಎಂದು ಅವರು ಹೇಳುತ್ತಾರೆ. ಆದಾಗ್ಯೂ, “ಕಾಂಡೋಮ್‌ಗಳು ಆರೊಮ್ಯಾಟಿಕ್ ಸಂಯುಕ್ತಗಳನ್ನು ಒಳಗೊಂಡಿರುತ್ತವೆ, ಇದು ಯುವಕರಲ್ಲಿ ಮಾದಕ ವ್ಯಸನವನ್ನು ಉಂಟುಮಾಡಬಹುದು” ಎಂದು ಅವರು ಹೇಳಿದರು.
ಅವರು ಈ ಬಗ್ಗೆ ಕಳವಳ ವ್ಯಕ್ತಪಡಿಸಿದರು ಮತ್ತು ಈ ತರಹ ಮಾಡುವುದು ಯುವಕರಲ್ಲಿ ಸಂಭಾವ್ಯ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಹೇಳುತ್ತಾರೆ.

ಕಾಂಡೋಮ್‌ಗಳನ್ನು ಬಿಸಿನೀರಿನಲ್ಲಿ ರಾತ್ರಿಯಿಡೀ ನೆನೆಸುವುದರಿಂದ ದೊಡ್ಡ ಸಾವಯವ ಅಣುಗಳು ಆಲ್ಕೊಹಾಲ್ಯುಕ್ತ ಸಂಯುಕ್ತಗಳಾಗಿ ವಿಭಜನೆಯಾಗುವುದರಿಂದ ಮಾದಕತೆ ಉಂಟಾಗುತ್ತದೆ” ಎಂದು ಅಂಗಡಿಯ ವ್ಯಾಪಾರಿ ಸುಜೋಯ್ ಚಕ್ರವರ್ತಿ ಖರೀದಿದಾರರಲ್ಲಿ ಒಬ್ಬರನ್ನು ಉಲ್ಲೇಖಿಸಿ ಹೇಳಿದ್ದಾರೆ.
ಖರೀದಿದಾರರಲ್ಲಿ ಹೆಚ್ಚಿನವರು ಪುರುಷರು ಎಂದು ಅವರು ಹೇಳಿರುವ ಅವರು, ಆದರೆ, ಹೆಣ್ಮಕ್ಕಳೂ ನಶೆ ಏರಿಸಿಕೊಳ್ಳಲು ಕಾಂಡೋಮ್‌ ಖರೀದಿಸಲು ಬರುತ್ತಾರೆ ಎನ್ನುತ್ತಾರೆ. ಮತ್ತೋರ್ವ ಅಂಗಡಿಯವ ಮಲಯ್ ಘೋಷ್ ಅವರು ಕಾಂಡೋಮ್‌ಗಳ ಮಾರಾಟದಲ್ಲಿ ಏರಿಕೆಯಾಗಿದೆ ಎಂದು ಹೇಳಿದ್ದಾರೆ.
ಯುವಕರ ಬಳಿ ದುಬಾರಿ ಡ್ರಗ್ಸ್ ಮತ್ತು ವಿಲಕ್ಷಣ ವಿಧಾನಗಳಿಗೆ ಹಣವಿರುವುದಿಲ್ಲ. ಹೀಗಾಗಿ ನಶೆ ಏರಿಸಿಕೊಳ್ಳಲು ಇಂತಹ ಮಾರ್ಗ ಅನುಸರಿಸಿತ್ತಾರೆ ಎಂದು ಹೇಳಲಾಗಿದೆ.
ಕಳೆದ ಕೆಲವು ದಶಕಗಳಲ್ಲಿ ಡ್ರಗ್ ಬಳಕೆಯು ನಾಟಕೀಯವಾಗಿ ಬದಲಾಗಿದೆ. ಇದನ್ನು ತೆಗೆದುಕೊಳ್ಳುವುದನ್ನು ನಿಲ್ಲಿಸಲು ಅಥವಾ ಕ್ರಮ ಕೈಗೊಳ್ಳಲು ಸಾಧ್ಯವಾಗುತ್ತಿಲ್ಲ. ಕಾರಣ ನಶೆ ಏರಿಸಿಕೊಳ್ಳುವವರು ಬೇರೆಬೇರೆ ಮಾರ್ಗಗಳನ್ನು ಅನುಸರಿಸುತ್ತಾರೆ. ಆದರೆ ಈ ರೀತಿಯ ಮಾದಕ ವ್ಯಸನದಿಂದ ವ್ಯಕ್ತಿಯ ಆರೋಗ್ಯವು ಹೆಚ್ಚು ಪರಿಣಾಮ ಬೀರುತ್ತದೆ ಎಂಬುದನ್ನು ಮರೆಯುವಂತಿಲ್ಲ.

ಕನ್ನಡಿ ನ್ಯೂಸ್ ನ ದಿನದ ಪ್ರಮುಖ ಸುದ್ದಿಗಳು ಮತ್ತು ಮಾಹಿತಿಗಾಗಿ
ಟೆಲಿಗ್ರಾಮ್ ಚಾನೆಲ್ ಸೇರಿ
ವಾಟ್ಸಾಪ್ ಗ್ರೂಪ್ ಸೇರಿ
ಫೇಸ್ ಬುಕ್ ಫಾಲೋ ಮಾಡಿ
ಗೂಗಲ್ ನ್ಯೂಸ್ ನಲ್ಲಿ ಸೇರಿ
ಟ್ವಿಟರ್ ನಲ್ಲಿ ಫಾಲೋ ಮಾಡಿ
advertisement

ಓದಿರಿ :-   ಮನಿ ಮ್ಯಾಗ್ನೆಟ್, ಬಿಲಿಯನೇರ್‌ ಹೂಡಿಕೆದಾರ ರಾಕೇಶ್ ಜುಂಜುನ್​ವಾಲಾ ನಿಧನ

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

4.2 / 5. ಒಟ್ಟು ವೋಟುಗಳು 5

ನಿಮ್ಮ ಕಾಮೆಂಟ್ ಬರೆಯಿರಿ

advertisement