ಸಿಸಿಟಿವಿಯಲ್ಲಿ ಸೆರೆಯಾದ ಪೋಷಕರ ವರ್ತನೆಯ ಬಗ್ಗೆ ಸಾಮಾಜಿಕ ಜಾಲತಾಣ ಬಳಕೆದಾರರು ಆಕ್ರೋಶ ವ್ಯಕ್ತಪಡಿಸಿರುವ ವೀಡಿಯೊ ವೈರಲ್ ಆಗಿದೆ. ವರದಿಗಳ ಪ್ರಕಾರ, ಶಾಂಘೈನ ದಕ್ಷಿಣ ಭಾಗದಲ್ಲಿರುವ ಪೂರ್ವ ಚೀನಾದ ನಿಂಗ್ಬೋ ನಗರದ ಟ್ರಾಫಿಕ್ ಛೇದಕದಲ್ಲಿ ಆಘಾತಕಾರಿ ಘಟನೆ ನಡೆದಿದೆ.
ಚಿಕ್ಕ ಹುಡುಗಿಯೊಬ್ಬಳು ಕಾರಿನ ಹಿಂದಿನ ಸೀಟಿನ ಕಿಟಕಿಯಿಂದ ಹೊರಗೆ ತಲೆ ಹಾಕಿ ನೋಡುತ್ತಿರುವಾಗಿ ಕ್ಲಿಪ್ ತೋರಿಸುತ್ತದೆ. ಟ್ರಾಫಿಕ್‌ನಲ್ಲಿ ನಿಂತಿದ್ದ ಕಾರು ಹೊರಡುತ್ತಿದ್ದಂತೆ, ಹುಡುಗಿ ಆಕಸ್ಮಿಕವಾಗಿ ಕಿಟಕಿಯಿಂದ ರಸ್ತೆಗೆ ಬಿದ್ದಿದ್ದಾಳೆ. ಏತನ್ಮಧ್ಯೆ, ಕಾರನ್ನು ಓಡಿಸುವ ಪೋಷಕರಿಗೆ ತಮ್ಮ ಮಗು ಬಿದ್ದಿದೆ ಅಥವಾ ಕಾರಿನಲ್ಲಿ ಇಲ್ಲ ಎಂಬುದೇ ತಿಳಿಯುವುದಿಲ್ಲ ಮತ್ತು ಅವರು ಕಾರು ಚಾಲನೆ ಮಾಡಿಕೊಂಡು ಹೋಗಿದ್ದಾರೆ.
ರಸ್ತೆಯ ಮೇಲೆ ಬಿದ್ದಿರುವ ಹುಡುಗಿಯನ್ನು ಕಾರುಗಳಲ್ಲಿದ್ದ ಹಲವಾರು ಜನರು ಗುರುತಿಸುತ್ತಾರೆ ಮತ್ತು ಕೆಲವು ಜನರು ಅವಳ ಸಹಾಯಕ್ಕೆ ಧಾವಿಸುತ್ತಾರೆ
ಒಬ್ಬ ವ್ಯಕ್ತಿ ಮಗುವನ್ನು ಎತ್ತಿಕೊಂಡು ಪಾದಚಾರಿ ಮಾರ್ಗಕ್ಕೆ ಕರೆದೊಯ್ಯುತ್ತಿರುವುದನ್ನು ಕಾಣಬಹುದು. ಆಕೆಯ ಕುಟುಂಬ ಎಲ್ಲಿಯೂ ಕಾಣಿಸುತ್ತಿಲ್ಲ.
ಬಾಲಕಿಯನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಸಣ್ಣಪುಟ್ಟ ಗಾಯಗಳಾಗಿವೆ. ಮಗು ಸುರಕ್ಷಿತವಾಗಿದ್ದಾಳೆ ಎಂದು ಗೊತ್ತಾದ ನಂತರ ಜನರು ಪೊಲೀಸರನ್ನು ಸಂಪರ್ಕಿಸಿದರು. ಈ ವೀಡಿಯೊವನ್ನು ಟ್ವಿಟರ್‌ನಲ್ಲಿ ಪೋಷಕರ ನಿರ್ಲಕ್ಷ್ಯದ ಪರಮಾವಧಿ ಎಂದು ಬರೆಯಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ