ಭಾರೀ ಮಳೆ ಮಳೆಯ ಮಧ್ಯೆ ನೀರು ತುಂಬಿದ ಕಾಲೋನಿಯ ಬೀದಿಯೊಳಗೆ ರಾಜಾರೋಷವಾಗಿ ಹೋಗುತ್ತಿರುವ ಎಂಟು ಅಡಿ ಉದ್ದದ ಮೊಸಳೆ | ವೀಕ್ಷಿಸಿ

ಶಿವಪುರಿ (ಮಧ್ಯಪ್ರದೇಶ) : ಭಾನುವಾರ ಭಾರೀ ಮಳೆಯ ನಡುವೆ ಮಧ್ಯಪ್ರದೇಶದ ಶಿವಪುರಿ ಜಿಲ್ಲೆಯ ವಸತಿ ಕಾಲೋನಿಯ ರಸ್ತೆಯೊಂದರಲ್ಲಿ ಬೃಹತ್‌ ಮೊಸಳೆಯೊಂದು ಆರಾಮವಾಗಿ ಓಡಾಡಿದ್ದು, ಒಂದು ಗಂಟೆ ಕಾರ್ಯಾಚರಣೆಯ ನಂತರ ಸೆರೆಹಿಡಿಯಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಹಳೆ ಬಸ್ ನಿಲ್ದಾಣದ ಬಳಿಯ ಕಾಲೋನಿಯಲ್ಲಿ ಮುಂಜಾನೆ ಈ ಮೊಸಳೆ ನೀರು ತುಂಬಿದ ರಸ್ತೆಯಲ್ಲಿ ಕಾಣಿಸಿಕೊಂಡಿದ್ದು, ಅಧಿಕಾರಿಗಳಿಗೆ ಮಾಹಿತಿ ನೀಡಲಾಗಿದೆ ಎಂದು ಪೊಲೀಸ್ ಉಪವಿಭಾಗಾಧಿಕಾರಿ (ಎಸ್‌ಡಿಒಪಿ) ಅಜಯ್ ಭಾರ್ಗವ ತಿಳಿಸಿದ್ದಾರೆ.

ಮಾಧವ್ ರಾಷ್ಟ್ರೀಯ ಉದ್ಯಾನವನದಿಂದ ರಕ್ಷಣಾ ತಂಡವನ್ನು ಕರೆಸಲಾಯಿತು ಮತ್ತು ಒಂದು ಗಂಟೆಯ ಪ್ರಯತ್ನದ ನಂತರ ಮೊಸಳೆಯನ್ನು ಸೆರೆಹಿಡಿಯಲಾಯಿತು, ಎಂಟು ಅಡಿ ಉದ್ದದ ಮೊಸಳೆಯನ್ನು ನಂತರ ಸಾಂಖ್ಯ ಸಾಗರ ಸರೋವರದಲ್ಲಿ ಬಿಡಲಾಯಿತು ಎಂದು ಅವರು ಹೇಳಿದರು,

ರಕ್ಷಣಾ ಕಾರ್ಯಾಚರಣೆಯ ವೀಡಿಯೊದಲ್ಲಿ, ವಸತಿ ಕಾಲೋನಿಯ ವಸತಿ ಸಮುಚ್ಛಯಗಳ ಕಿರಿದಾದ ರಸ್ತೆಯಲ್ಲಿ ಮೊಸಳೆ ಯಾವುದೇ ಭೀತಿಯಿಲ್ಲದೆ ಸಾಗುವುದನ್ನು ವೀಡಿಯೊದಲ್ಲಿ ಕಾಣಬಹುದು.
ಶನಿವಾರ ರಾತ್ರಿ ಭಾರೀ ಮಳೆ ಸುರಿದ ಹಿನ್ನೆಲೆಯಲ್ಲಿ ಜಿಲ್ಲಾಧಿಕಾರಿಗಳ ಪೂರ್ವಾನುಮತಿ ಪಡೆಯದೆ ಕೇಂದ್ರ ಕಚೇರಿಯಿಂದ ಹೊರಗೆ ಹೋಗದಂತೆ ಜಿಲ್ಲಾಡಳಿತ ತನ್ನ ನೌಕರರಿಗೆ ಸೂಚಿಸಿದೆ.