19 ವರ್ಷದ ಯುವತಿ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾಳೆ, ಆದರೆ ಇಬ್ಬರು ಮಕ್ಕಳ ಜೈವಿಕ ತಂದೆ ಬೇರೆಬೇರೆಯಾಗಿದ್ದಾರೆ. ಈ ಘಟನೆಯು ಆಶ್ಚರ್ಯಕರವಾಗಿದ್ದರೂ, ಇದು ಸಂಭವಿಸಿದೆ.
ಒಂದೇ ದಿನದಲ್ಲಿ ಇಬ್ಬರು ಪುರುಷರೊಂದಿಗೆ ಲೈಂಗಿಕ ಸಂಪರ್ಕ ನಡೆಸಿದ ಒಂಬತ್ತು ತಿಂಗಳ ನಂತರ, ಯುವತಿ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾಳೆ. ಮಕ್ಕಳ ಮೊದಲ ಜನ್ಮದಿನ ಸಮೀಪಿಸುತ್ತಿದ್ದಂತೆ ತನ್ನ ಅನುಮಾನಗಳನ್ನು ಮೌಲ್ಯೀಕರಿಸಲು ಯುವತಿ ಪಿತೃತ್ವ ಪರೀಕ್ಷೆ ತೆಗೆದುಕೊಳ್ಳಲು ನಿರ್ಧರಿಸಿದಳು. ಮಹಿಳೆ ಒಬ್ಬ ಪುರುಷನನ್ನು ತಂದೆ ಎಂದು ಪರಿಗಣಿಸಿದಳು, ಆದ್ದರಿಂದ ಅವನ ಡಿಎನ್ಎ ಸಂಗ್ರಹಿಸಲಾಯಿತು. ಆದರೆ, ಒಂದು ಮಗುವಿನ ಡಿಎನ್‌ಎಗೆ ಮಾತ್ರ ಅದು ಹೊಂದಾಣಿಕೆಯಾಗಿದೆ. ಮತ್ತೊಬ್ಬನಿಗೆ ಹೊಂದಾಣಿಕೆಯಾಗಿಲ್ಲ ಎಂದು ಸುದ್ದಿ ಔಟ್ಲೆಟ್ ಗ್ಲೋಬೋಗೆ ತಿಳಿಸಿದ್ದಾಳೆ.
ಯುವತಿ ಹೇಳಿಕೆಯ ಪ್ರಕಾರ ಒಂದೇ ದಿನ ತಾವು ಲೈಂಗಿಕ ಸಂಪರ್ಕ ನಡೆಸಿದ್ದು ಹೀಗಾಗಿ ಮಕ್ಕಳ ತಂದೆಯ ಬಗ್ಗೆ ಅನುಮಾನ ಹೊಂದಿದ್ದಾಗಿ ತಿಳಿಸಿದ್ದಾಳೆ. ತಾನು ತಂದೆ ಎಂದು ಭಾವಿಸಿದ ವ್ಯಕ್ತಿ ಒಂದು ಮಗುವಿನ ಜನ್ಮಕ್ಕೆ ಕಾರಣವಾಗಿದ್ದು, ಮತ್ತೊಂದು ಮಗುವಿನ ಜನ್ಮಕ್ಕೆ ಅದೇ ದಿನ ನನ್ನೊಂದಿಗಿದ್ದ ಇನ್ನೊಬ್ಬ ವ್ಯಕ್ತಿ ಕಾರಣ ಎಂದು ಹೇಳಿದ್ದಾರೆ.ಫಲಿತಾಂಶಗಳಿಂದ ನನಗೆ ಆಶ್ಚರ್ಯವಾಯಿತು. ಇದು ಸಂಭವಿಸಬಹುದೆಂದು ನನಗೆ ತಿಳಿದಿರಲಿಲ್ಲ ಎಂದು ಯುವತಿ ತಿಳಿಸಿದ್ದಾಳೆ.
ಮಹಿಳೆಯ ವೈದ್ಯ ಡಾ. ಟುಲಿಯೊ ಫ್ರಾಂಕೊ ಅವರು ಒಂದೇ ತಾಯಿಯ ಎರಡು ಅಂಡಾಣುಗಳನ್ನು ವಿಭಿನ್ನ ಗಂಡುಗಳಿಂದ ಫಲವತ್ತಾಗಿಸಿದಾಗ ಇದು ಸಂಭವಿಸಲು ಸಾಧ್ಯ ಎಂದು ಹೇಳಿದರು. ಮಕ್ಕಳು ತಮ್ಮ ತಾಯಿಯಂತೆಯೇ ಅದೇ ಆನುವಂಶಿಕ ರಚನೆಯನ್ನು ಹೊಂದಿದ್ದಾರೆ, ಶಿಶುಗಳು ತಾಯಿಯ ಆನುವಂಶಿಕತೆಗಳನ್ನು ಹಂಚಿಕೊಳ್ಳುತ್ತವೆ, ಆದರೆ ಅವು ವಿಭಿನ್ನ ಜರಾಯುಗಳಲ್ಲಿ ಬೆಳೆಯುತ್ತವೆ ಎಂದು ಮಹಿಳೆಯ ವೈದ್ಯ ಡಾ ಟುಲಿಯೊ ಜಾರ್ಜ್ ಫ್ರಾಂಕೊ ಸ್ಥಳೀಯ ಸುದ್ದಿ ಔಟ್ಲೆಟ್ ಗ್ಲೋಬೋಗೆ ತಿಳಿಸಿದರು. ತನ್ನ ಜೀವಿತಾವಧಿಯಲ್ಲಿ ಈ ರೀತಿಯ ಸನ್ನಿವೇಶವನ್ನು ತಾನು ನೋಡಿರಲಿಲ್ಲ. ಜಗತ್ತಿನಲ್ಲಿ ಕೇವಲ 20 ಇತರ ಇಂಥ ಘಟನೆಗಳು ಸಂಭವಿಸಿದೆ ಎಂದು ಹೇಳಿದರು.
ಇದನ್ನು ಹೆಟೆರೊಪಟರ್ನಲ್ ಸೂಪರ್‌ಫೆಕಂಡೇಶನ್ ಎಂದು ಕರೆಯಲಾಗುತ್ತದೆ, ಇದು ಋತುಚಕ್ರದ ಸಮಯದಲ್ಲಿ ಬಿಡುಗಡೆಯಾದ ಎರಡನೇ ಅಂಡಾಣು ಪ್ರತ್ಯೇಕ ಲೈಂಗಿಕ ಸಂಪರ್ಕದ ಸಮಯದಲ್ಲಿ ಬೇರೆ ಪುರುಷನ ವೀರ್ಯ ಕೋಶಗಳಿಂದ ಸೇರಿ ಫಲವತ್ತಾದಾಗ ಇದು ಸಂಭವಿಸುತ್ತದೆ ಎಂದು ಜರ್ನಲ್ ಬಯೋಮೆಡಿಕಾ ತಿಳಿಸಿದೆ.
ಶಿಶುಗಳು ಈಗ 16 ತಿಂಗಳ ವಯಸ್ಸಿನವರಾಗಿದ್ದಾರೆ ಮತ್ತು ತಂದೆಯೊಬ್ಬರು ಅವರನ್ನು ನೋಡಿಕೊಳ್ಳುತ್ತಿದ್ದಾರೆ ಎಂದು ಯುವ ತಾಯಿ ಹೇಳಿದರು.
ಅವರು ಇಬ್ಬರನ್ನೂ ನೋಡಿಕೊಳ್ಳುತ್ತಾರೆ, ನನಗೆ ಸಾಕಷ್ಟು ಸಹಾಯ ಮಾಡುತ್ತಾರೆ ಮತ್ತು ಅವರಿಗೆ ಅಗತ್ಯವಿರುವ ಎಲ್ಲಾ ಬೆಂಬಲವನ್ನು ನೀಡುತ್ತಾರೆ, ”ಎಂದು ತಾಯಿ ಹೇಳಿದರು. ಅವಳಿ ಮಕ್ಕಳ ಜನನ ಪ್ರಮಾಣಪತ್ರದಲ್ಲಿ ಒಬ್ಬರ ಹೆಸರನ್ನು ಮಾತ್ರ ಸೇರಿಸಲಾಗುತ್ತದೆ ಎಂದು ತಿಳಿದುಬಂದಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ