ಉತ್ತಮ ಕ್ಷೌರವು ಮುಖದ ವೈಶಿಷ್ಟ್ಯಗಳನ್ನು ಹೆಚ್ಚಿಸುತ್ತದೆ. ಹೇರ್ ಸ್ಟೈಲಿಂಗ್ ಒಂದು ಕಲೆ, ಉತ್ತಮ ಕೇಶವಿನ್ಯಾಸ ಮಾಡಲುಸಾಕಷ್ಟು ತಾಳ್ಮೆ ಬೇಕಾಗುತ್ತದೆ. ಆದರೆ ಈ ನಂಬಿಕೆಗೆ ತದ್ವಿರುದ್ಧವಾಗಿ, ತನ್ನ ಗ್ರಾಹಕರ ಕೂದಲನ್ನು ಒಂದು ನಿಮಿಷದೊಳಗೆ ಕತ್ತರಿಸಿ ಗ್ರೀಕ್ ಕೇಶ ವಿನ್ಯಾಸಕ ಈಗ ಗಿನ್ನಿಸ್‌ ದಾಖಲೆ ನಿರ್ಮಿಸಿದ್ದಾರೆ.
ಗ್ರೀಸ್‌ನ ಅಥೆನ್ಸ್‌ನ ಕೇಶ ವಿನ್ಯಾಸಕ ಕಾನ್ಸ್ಟಾಂಟಿನೋಸ್ ಕೌಟೌಪಿಸ್ ಅವರು ಕೇವಲ 47 ಸೆಕೆಂಡುಗಳಲ್ಲಿ ವೇಗವಾಗಿ ಕ್ಷೌರ ಮಾಡಿ ಗಿನ್ನೆಸ್ ವಿಶ್ವ ದಾಖಲೆ ಸ್ಥಾಪಿಸಿದ್ದಾರೆ. ಕೌಟೌಪಿಸ್ ಪ್ರಸ್ತುತ ಟ್ರಿಮ್ಮರ್‌ನೊಂದಿಗೆ ವೇಗವಾಗಿ ಕ್ಷೌರ ಮಾಡುವ ದಾಖಲೆ ಹೊಂದಿದ್ದಾರೆ.
ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಅವರು ತಮ್ಮ ಪ್ರತಿಭೆ ಪ್ರದರ್ಶಿಸಿದ್ದಾರೆ
. ಮೂರು ನಿಮಿಷಗಳ ಕ್ಲಿಪ್‌ನ ಮೊದಲ 30 ಸೆಕೆಂಡುಗಳಲ್ಲಿ ತಮ್ಮ ಗ್ರಾಹಕನ ಕೂದಲನ್ನು ಸಂಪೂರ್ಣವಾಗಿ ವಿನ್ಯಾಸಗೊಳಿಸುವವರೆಗೆ ಬಿಡುವುದಿಲ್ಲ. ಕ್ಷೌರಿಕ 47.17 ಸೆಕೆಂಡುಗಳಲ್ಲಿ ಎಲ್ಲವನ್ನೂ ಪೂರ್ಣಗೊಳಿಸಿದ್ದಾನೆ.
ನಂತರ ತೀರ್ಪುಗಾರರು ಕೆಲಸವನ್ನು ಸರಿಯಾಗಿ ಪೂರ್ಣಗೊಳಿಸಿದ್ದನ್ನು ಪರಿಶೀಲಿಸಿದ ನಂತರ ಅವರ ಹೆಸರನ್ನು ಗಿನ್ನೆಸ್ ವಿಶ್ವ ದಾಖಲೆಗೆ ಸೇರ್ಪಡೆ ಮಾಡಿದ್ದಾರೆ.
ರೆಕಾರ್ಡ್ ಕೀಪರ್, “ಶೀಘ್ರ ಟ್ರಿಮ್ ಬೇಕೇ? 45-ಸೆಕೆಂಡ್ ಟ್ರಿಮ್ ಹೇಗೆ?” ಎಂಬ ಸಂದೇಶದೊಂದಿಗೆ ವೀಡಿಯೊವನ್ನು ಟ್ವೀಟ್ ಮಾಡಿದ್ದಾರೆ. ಇದನ್ನು ಹೇರ್‌ಕಟ್‌ ಥೀಮ್‌ನೊಂದಿಗೆ ಸಂಕಲನ ವೀಡಿಯೊವಾಗಿ ಪೋಸ್ಟ್ ಮಾಡಲಾಗಿದೆ.
ಪ್ರತಿಯೊಂದು ಕ್ರಿಯೆಯು ಪೂರ್ವಯೋಜಿತವಾಗಿದ್ದರೂ ಗ್ರಾಹಕರ ಕೂದಲನ್ನು ಕತ್ತರಿಸಿದ ನಿಖರತೆಗೆ ಅನೇಕ ನೆಟಿಜನ್‌ಗಳು ಬೆರಗಾದರು.ಸಾಮಾಜಿಕ ಮಾಧ್ಯಮ ಬಳಕೆದಾರರು ಕೌಟೌಪಿಸ್ ಅವರ ಕ್ಷೌರ ಸಾಮರ್ಥ್ಯಕ್ಕೆ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಗಿನ್ನೆಸ್ ಅಧಿಕಾರಿಗಳು ಕೂದಲನ್ನು ಹೇಗೆ ಅಳೆಯುತ್ತಿದ್ದಾರೆಂದು ನೋಡಿದ ಇನ್ನೊಬ್ಬ ಬಳಕೆದಾರರು ಆಶ್ಚರ್ಯಚಕಿತರಾದರು. ಗಿನ್ನೆಸ್ ಕೂಡ ಅದ್ಭುತವಾಗಿದೆ” ಎಂದು ಅವರು ಪ್ರತಿಕ್ರಿಯಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ