ಕಾರವಾರ: ಈತನ ವಯಸ್ಸು ಕೇವಲ 18 ತಿಂಗಳು ಅಂದರೆ ಒಂದೂವರೆ ವರ್ಷ ಮಾತ್ರ, ಇನ್ನೂ ಸರಿಯಾಗಿ ಹಲ್ಲು ಬಂದಿಲ್ಲವೇನೋ. ಆದರೆ ಈ ಪುಟ್ಟ ಹುಡುಗನಿಗೆ ಇರುವ ಜ್ಞಾನ ಮಾತ್ರ ಆತನ ವಯಸ್ಸಿಗೆ ಮೀರಿದ್ದು. ಈತ ತನ್ನ ಬುದ್ಧಿಶಕ್ತಿ ಕಾರಣಕ್ಕೇ ಈಗ ಎಲ್ಲರ ಗಮನ ಸೆಳೆಯುತ್ತಿದ್ದಾನೆ.
ಒಂದೂವರೆ ವರ್ಷದ ಅನಿಕೇತನಿಗೆ ಭಾರತದ ಭೂಪಟ ತೋರಿಸಿದರೆ ದೇಶದ ಎಲ್ಲ ರಾಜ್ಯಗಳ ಹೆಸರನ್ನು ತನ್ನ ತೊದಲು ನುಡಿಯಲ್ಲೇ ಹೇಳುತ್ತಾನೆ. ಧ್ವಜ ನೋಡಿ ವಿವಿಧ ರಾಷ್ಟ್ರಗಳ ಹೆಸರು ಹೇಳುತ್ತಾನೆ.
ಅನಿಕೇತ ಭಾರತದ ಪ್ರಧಾನಿ, ಕರ್ನಾಟಕದ ಮುಖ್ಯಮಂತ್ರಿ, ಭಾರತದ ರಾಷ್ಟ್ರಪತಿ ಹೀಗೆ ಅನೇಕರ ಹೆಸರುಗಳನ್ನು ಹೇಳುತ್ತಾನೆ. ಇನ್ನೂ ಸ್ಪಷ್ಟವಾಗಿ ಮಾತನಾಡಲು ಬಾರದ ಈ ಪುಟ್ಟ ಪೋರನ ಬುದ್ಧಿಶಕ್ತಿ ಮಾತ್ರ ಅಸಾಧಾರಣ.
ವಿವಿಧ ರಾಜ್ಯಗಳನ್ನೊಳಗೊಂಡ ಭಾರತದ ನಕಾಶೆಯನ್ನು ತೋರಿಸಿ ಯಾವುದೇ ರಾಜ್ಯದ ಮೇಲೆ ಕೈಯಿಟ್ಟು ಇದು ಯಾವ ರಾಜ್ಯವೆಂದು ಕೇಳಿದರೆ ಈ ಪುಟ್ಟಪೋರ ಅದನ್ನು ನಿಖರವಾಗಿ ಹೇಳುತ್ತಾನೆ. ನಮ್ಮ ದೇಶವಷ್ಟೇ ಅಲ್ಲ, ಬೇರೆಬೇರೆ 20ಕ್ಕೂ ಹೆಚ್ಚು ರಾಷ್ಟ್ರಗಳ ಧ್ವಜ (ಫ್ಲ್ಯಾಗ್‌) ತೋರಿಸಿದರೆ ಸಾಕು ಧ್ವಜ ನೋಡಿಯೇ ಆ ರಾಷ್ಟ್ರದ ಹೆಸರನ್ನು ಹೇಳುತ್ತಾನೆ.
ನಿಮ್ಮ ಕಾಮೆಂಟ್ ಬರೆಯಿರಿ