ತಿರುವನಂತಪುರಂ: ಪತ್ತನಂತಿಟ್ಟ ಜಿಲ್ಲೆಯ ಎಳಂತೂರ್ ಗ್ರಾಮದಲ್ಲಿ ಮಾಟಮಂತ್ರದ ಭಾಗವಾಗಿ ಇಬ್ಬರು ಮಹಿಳೆಯರನ್ನು ನರಬಲಿ ಕೊಟ್ಟು ಅವರ ದೇಹದ ಭಾಗಗಳನ್ನು ತುಂಡುತುಂಡು ಮಾಡಿ ಹೂತಿಟ್ಟ ಪ್ರಕರಣದ ಇನ್ನಷ್ಟು ಆಘಾತಕಾರಿ ವಿವರಗಳು ಬೆಳಕಿಗೆ ಬಂದಿವೆ.
ಈ ಸಂಬಂಧ ದಂಪತಿ ಸೇರಿದಂತೆ ಮೂವರನ್ನು ಬಂಧಿಸಲಾಗಿದ್ದು, ಬಂಧಿತ ವ್ಯಕ್ತಿಗಳನ್ನು ಸ್ಥಳೀಯ ಮಸಾಜ್ ಥೆರಪಿಸ್ಟ್ ಭಗವಲ್ ಸಿಂಗ್ ಎಂದು ಆತನ ಪತ್ನಿ ಲೈಲಾ ಎಂದು ಗುರುತಿಸಲಾಗಿದ್ದು, ಇವರಿಬ್ಬರೂ ಪತ್ತನಂತಿಟ್ಟದ ಸ್ಥಳೀಯರು; ಮತ್ತೊಬ್ಬ ರಶೀದ್ ಅಲಿಯಾಸ್ ಮಹಮ್ಮದ್ ಶಫಿ ಈ ಪ್ರಕರಣದ ಮಾಸ್ಟರ್ ಮೈಂಡ್ ಎಂದು ಹೇಳಲಾಗಿದ್ದು, ಆತನನ್ನೂ ಬಂಧಿಸಲಾಗಿದೆ.
ಬುಧವಾರ ಎರ್ನಾಕುಲಂ ಜಿಲ್ಲಾ ಸೆಷನ್ಸ್ ನ್ಯಾಯಾಲಯವು ಮೂವರು ಆರೋಪಿಗಳನ್ನು ಅಕ್ಟೋಬರ್ 26 ರವರೆಗೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದೆ.
ನರಬಲಿ ಕೊಡಲು ಸಾಹಿಸಿದ ಇಬ್ಬರು ಮಹಿಳೆಯರನ್ನು ಪದ್ಮಾ ಮತ್ತು ರೋಸ್ಲಿನ್ ಎಂದು ಗುರುತಿಸಲಾಗಿದೆ, ಅವರು ಬೀದಿಗಳಲ್ಲಿ ಲಾಟರಿ ಟಿಕೆಟ್‌ಗಳನ್ನು ಮಾರಾಟ ಮಾಡಿ ಜೀವನ ಮಾಡುವವರಾಗಿದ್ದರು. ದಂಪತಿ ಆರ್ಥಿಕ ಸಮಸ್ಯೆಗಳನ್ನು ಪರಿಹರಿಸಲು ಮತ್ತು ಅವರ ಜೀವನದಲ್ಲಿ ಸಮೃದ್ಧಿಯನ್ನು ತರುವಾಗ ಸಲುವಾಗಿ ಇಬ್ಬರು ಮಹಿಳೆಯರನ್ನು ಅಪಹರಿಸಿ ನರಬಲಿ ನೀಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಭಯಾನಕ ವಿವರಗಳು
ಮಂಗಳವಾರ ಪತ್ತನಂತಿಟ್ಟ ಗ್ರಾಮದ ದಂಪತಿ ಮನೆಯ ಆವರಣದಿಂದ ಮೃತರ ಕತ್ತರಿಸಿ ತುಂಡುತುಂಡು ಮಾಡಿ ಹೂತಿಟ್ಟ ದೇಹದ ಭಾಗಗಳನ್ನು ಹೊರತೆಗೆಯಲಾಯಿತು. ಮಾನವ ದೇಹದ ಭಾಗಗಳನ್ನು ಬೇಯಿಸಿ ತಿಂದರೆ ತಮ್ಮ ಯೌವನ ಕಾಪಾಡಿಕೊಳ್ಳಬಹುದು ಎಂದು ಆರೋಪಿ ದಂಪತಿಗೆ ಮೂರನೇ ಆರೋಪಿ ಹೇಳಿರುವುದು ತನಿಖೆ ವೇಳೆ ಬೆಳಕಿಗೆ ಬಂದಿದೆ.
ಮಾಟಮಂತ್ರದ ಭಾಗವಾಗಿ ‘ನರಬಲಿ’ ಕೃತ್ಯದ ನಂತರ ಹತ್ಯೆಗೀಡಾದ ಇಬ್ಬರು ಮಹಿಳೆಯರ ಮಾಂಸವನ್ನು ತಿಂದಿರುವುದಾಗಿ ಹತ್ಯೆಯ ಭಯಾನಕ ವಿವರಗಳನ್ನು ಲೈಲಾ ಸಾಕ್ಷ್ಯ ನೀಡಿದ್ದಾಳೆ ಎಂದು ವರದಿಗಳು ತಿಳಿಸಿವೆ.
ಮೃತ ಮಹಿಳೆ ರೋಸ್ಲಿನ್ ಅವರ ಮುಂಭಾಗದ ಪಕ್ಕೆಲುಬಿನ ಮಾಂಸವನ್ನು ಕತ್ತರಿಸಲಾಯಿತು. ‘ನರಬಲಿ’ಯ ಮಾಸ್ಟರ್‌ಮೈಂಡ್‌ ಆಗಿದ್ದ ಶಾಫಿಯೇ, ಮಾನವ ದೇಹದ ಅಂಗಾಂಗಗಳನ್ನು ಬೇಯಿಸಿ ತಿಂದರೆ ಯೌವನ ಕಾಪಾಡುತ್ತದೆ ಎಂದು ಭಗವಲ್ ಸಿಂಗ್ ಮತ್ತು ಲೈಲಾ ಅವರಿಗೆ ಸಲಹೆ ನೀಡಿದ್ದನಂತೆ.
ಪೊಲೀಸರ ಪ್ರಕಾರ, ಮೃತ ಇಬ್ಬರು ಮಹಿಳಯೆಯರು ಸುಮಾರು 50 ವರ್ಷದ ಆಸುಪಾಸಿನವರು ಎಂದು ಹೇಳಲಾಗಿದ್ದು, ಕೊಚ್ಚಿಯ ಕಡವಂತರಾ ಮತ್ತು ಸಮೀಪದ ಕಾಲಡಿ ನಿವಾಸಿಗಳು. ಈ ವರ್ಷ ಸೆಪ್ಟೆಂಬರ್ ಮತ್ತು ಜೂನ್‌ನಲ್ಲಿ ಮಹಿಳೆಯರು ನಾಪತ್ತೆಯಾಗಿದ್ದರು ಮತ್ತು ಅವರ ಮೊಬೈಲ್ ಫೋನ್ ವಿವರಗಳು ಮತ್ತು ಟವರ್ ಸ್ಥಳಗಳನ್ನು ಆಧರಿಸಿ ಅಂತಿಮವಾಗಿ ತನಿಖೆಯು ‘ನರಬಲಿ’ಯ ಕಥೆಯನ್ನು ಬಿಚ್ಚಿಟ್ಟಿಡುವಂತೆ ಮಾಡಿದೆ. ನಾಪತ್ತೆಯಾದ ಮೊದಲ ಮಹಿಳೆ ಕಾಲಡಿ ಮೂಲದವರಾಗಿದ್ದು, ಕೆಲವು ಸಮಯದಿಂದ ತನ್ನ ಪತಿಯೊಂದಿಗೆ ವಾಸಿಸುತ್ತಿದ್ದರು ಮತ್ತು ಆಗಸ್ಟ್ 17 ರಂದು ಅವರ ಮಗಳು ಕಾಣೆಯಾದ ದೂರನ್ನು ದಾಖಲಿಸಿದ್ದರು.
ತಮಿಳುನಾಡಿನ ಧರ್ಮಪುರಿ ಮೂಲದ ಮತ್ತೋರ್ವ ಮಹಿಳೆ ಆಗಸ್ಟ್ 17 ರಂದು ನಾಪತ್ತೆಯಾಗಿದ್ದಳು ಎಂದು ಆಕೆಯ ಸಹೋದರಿ ದೂರು ನೀಡಿದ್ದರು. ಎಳಂಥೂರಿನಲ್ಲಿ ಎರಡು ಸ್ಥಳಗಳಲ್ಲಿ ಹೂಳುವ ಮೊದಲು ಬಲಿಪಶುಗಳ ದೇಹದ ಭಾಗಗಳನ್ನು ತುಂಡುಗಳಾಗಿ ಕತ್ತರಿಸಲಾಯಿತು ಎಂದು ಆರೋಪಿಗಳ ತಪ್ಪೊಪ್ಪಿಗೆಯನ್ನು ಉಲ್ಲೇಖಿಸಿ ಪೊಲೀಸರು ತಿಳಿಸಿದ್ದಾರೆ.
ಪದ್ಮಾ ಅವರ ಮೃತದೇಹವನ್ನು ಎಳಂತೂರು ನಿವಾಸಿ ಬೇಬಿ ಎಂಬವರು ಹೂಳಿದ್ದಾರೆ. ನರಬಲಿಗಾಗಿ ತನ್ನ ಪತ್ನಿ ಲೈಲಾಳೊಂದಿಗೆ ಬಂಧಿಸಲ್ಪಟ್ಟ ಪಾರಂಪರಿಕ ವೈದ್ಯರಾದ ಭಗವಲ್ ಸಿಂಗ್, ಕಸವನ್ನು ಸಂಗ್ರಹಿಸಲು ಹೊಂಡವನ್ನು ಅಗೆಯುವಂತೆ ಬೇಬಿಗೆ ಸೂಚಿಸಿದ್ದರು. ನಾಲ್ಕು ಅಡಿ ಅಗಲಕ್ಕೆ ಹೊಂಡ ತೋಡಬೇಕು ಎಂದು ಭಗವಲ್ ಬೇಬಿಗೆ ಹೇಳಿ ಸಾವಿರ ರೂ. ಗಳನ್ನು ನೀಡಿದ್ದರು. ಎರಡು ದಿನಗಳಲ್ಲಿ ಗುಂಡಿ ತೋಡಲಾಗಿದೆ. ಅವರು ಮತ್ತು ಇತರ ಕಾರ್ಮಿಕರು ಗುಂಡಿ ಅಗೆಯಲು ಬಂದಾಗ ಭಗವಲ್ ಮತ್ತು ಲೈಲಾ ಮಾತ್ರ ಮನೆಯಲ್ಲಿದ್ದರು ಎಂದು ಬೇಬಿ ಹೇಳಿದ್ದಾರೆ.
ಇಬ್ಬರು ಸಂತ್ರಸ್ತರನ್ನು ಎಳಂತೂರಿಗೆ ಕರೆದೊಯ್ದ ಮೊಹಮ್ಮದ್ ಶಫಿಗೆ ಮಹಿಳೆ ಪದ್ಮಾ ಅವರನ್ನು ಕರೆತರಲು 1.5 ಲಕ್ಷ ರೂ. ಗಳನ್ನು ಕೊಡುವುದಾಗಿ ಹೇಳಲಾಗಿತ್ತು. ಹಾಗೂ ಮುಂಗಡವಾಗಿ 15,000 ರೂ.ಗಳನ್ನು ನೀಡಲಾಗಿತ್ತು. ರೊಸಾಲಿಯನ್ನು ಕರೆತರಲು ಎಷ್ಟು ಹಣ ನೀಡಲಾಗಿದೆ ಎಂಬುದನ್ನು ಅವರು ಇನ್ನೂ ಬಹಿರಂಗಪಡಿಸಿಲ್ಲ. ಭಗವಲ್‌ನನ್ನು ಬಲೆಗೆ ಬೀಳಿಸಲು ಶಫಿ ತನ್ನ ಪತ್ನಿಯ ಫೋನ್‌ನಲ್ಲಿ ‘ಶ್ರೀದೇವಿ’ ಹೆಸರಿನಲ್ಲಿ ನಕಲಿ ಫೇಸ್‌ಬುಕ್ ಪ್ರೊಫೈಲ್ ಅನ್ನು ರಚಿಸಿದ್ದ. ಒಮ್ಮೆ ಹೈಕು ಕವಿಯೂ ಆಗಿರುವ ಭಗವಲ್ ಜೊತೆ ಆತ್ಮೀಯತೆ ಬೆಳೆಸಿಕೊಂಡ ಶಫಿ ಫೇಸ್ ಬುಕ್ ಪ್ರೊಫೈಲ್ ಡಿಲೀಟ್ ಮಾಡಿದ್ದಾನೆ. ಪೊಲೀಸರು ಈಗ ಪ್ರೊಫೈಲ್ ಅನ್ನು ಮರುಪಡೆಯಲು ಪ್ರಯತ್ನಿಸುತ್ತಿದ್ದಾರೆ.
ಶಫಿ ವಿರುದ್ಧ ಇದುವರೆಗೆ ಎಂಟು ಪ್ರಕರಣಗಳು ಪತ್ತೆಯಾಗಿವೆ. ಪ್ರಕರಣಗಳಲ್ಲಿ ಅತ್ಯಾಚಾರ ಪ್ರಕರಣವೂ ಸೇರಿದೆ. ಪೊಲೀಸರ ಪ್ರಕಾರ, ಶಫಿ ಕೂಡ ಕೊಚ್ಚಿ ನಗರದ ಅನೈತಿಕ ಚಟುವಟಿಕೆಗಳಲ್ಲಿ ಮಧ್ಯವರ್ತಿಯಾಗಿ ಕೆಲಸ ಮಾಡುತ್ತಿದ್ದ ಎನ್ನಲಾಗಿದೆ.
ಮೃತ ಮಹಿಳೆಯರ ಅವಶೇಷಗಳ ಶವಪರೀಕ್ಷೆಯನ್ನು ಕೊಟ್ಟಾಯಂ ವೈದ್ಯಕೀಯ ಕಾಲೇಜಿನಲ್ಲಿ ನಡೆಸಲಾಗುತ್ತಿದೆ ಎಂದು ದಕ್ಷಿಣ ವಲಯದ ಡಿಐಜಿ ಆರ್ ನಿಶಾಂತಿನಿ ಹೇಳಿದ್ದಾರೆ. ಎರಡು ಶವಗಳನ್ನು ನಾಲ್ಕು ಗುಂಡಿಗಳಲ್ಲಿ ಹೂಳಲಾಯಿತು. ಬುಧವಾರವೂ ಸಾಕ್ಷ್ಯ ಸಂಗ್ರಹ ಮುಂದುವರಿಯಲಿದೆ. ಮನೆಯೊಳಗೆ ಕೆಲವು ಶಸ್ತ್ರಾಸ್ತ್ರಗಳು ಪತ್ತೆಯಾಗಿವೆ ಎಂದು ಡಿಐಜಿ ತಿಳಿಸಿದ್ದಾರೆ.
ಬರ್ಬರ ಅಪರಾಧದ ವಿವರಗಳನ್ನು ನೀಡಿದ ಡಿಐಜಿ ನಿಶಾಂತಿನಿ, ಮೊದಲ ದೇಹವನ್ನು 56 ತುಂಡುಗಳಾಗಿ ಕತ್ತರಿಸಿದ್ದರೆ ಎರಡನೆಯದನ್ನು ಐದು ತುಂಡುಗಳಾಗಿ ಕತ್ತರಿಸಲಾಯಿತು. ಎರಡನೆ ಮೃತದೇಹದೊಂದಿಗೆ ಸಿಂಧೂರದಿಂದ ಹೊದಿಸಿದ ಚೀಲ ಮತ್ತು ಕಲ್ಲು ಪತ್ತೆಯಾಗಿದೆ. ಜೂನ್ 8 ರಿಂದ ಸೆಪ್ಟೆಂಬರ್ 26 ರ ನಡುವೆ ಸಂಜೆ 5 ರಿಂದ 6 ರವರೆಗೆ ನರಬಲಿಗಳು ನಡೆದಿವೆ. ದಂಪತಿ ಈ ಮಹಿಳೆಯರನ್ನು ನರಬಲಿ ನೀಡಿದ ನಂತರ ಮಾಂಸವನ್ನು ಕೊಂದ ನಂತರ ಅವರ ಮಾಂಸವನ್ನು ತಿಂದಿದ್ದಾರೆ ಎಂದು ತಪ್ಪೊಪ್ಪಿಕೊಂಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ