ಬೆಂಕಿ ಹಚ್ಚಿಕೊಳ್ಳಲು ಮೈಮೇಲೆ ಪೆಟ್ರೋಲ್‌ ಸುರಿದುಕೊಂಡು ಬೆಂಕಿಕಡ್ಡಿ ಹೊತ್ತಿಸಲು ಮುಂದಾದ ಬೆಂಗಳೂರು ದಂಪತಿ ರಕ್ಷಣೆ : ದೃಶ್ಯ ಕ್ಯಾಮರಾದಲ್ಲಿ ಸೆರೆ

ಬೆಂಗಳೂರು: ನಗರದ ಒಳಚರಂಡಿಗೆ ಅಕ್ರಮವಾಗಿ ನಿರ್ಮಿಸಿದ್ದ ಕಟ್ಟಡಗಳನ್ನು ತೆರವು ಮಾಡಲು ಮುಂದಾದ ಪೌರಕಾರ್ಮಿಕರಿಗೆ ತಮ್ಮ ಮನೆ ಕೆಡವಿದರೆ ಬೆಂಕಿ ಹಚ್ಚಿಕೊಳ್ಳುವುದಾಗಿ ದಂಪತಿ ಇಂದು, ಬುಧವಾರ ಬುಲ್ಡೋಜರ್ ಮುಂದೆ ನಿಂತು ಬೆದರಿಕೆ ಹಾಕಿದ ಘಟನೆ ನಡೆದಿದೆ.
ಬಿಬಿಎಂಪಿ (ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ) ನಗರದ ಈಶಾನ್ಯ ಭಾಗದಲ್ಲಿ ಅಕ್ರಮವಾಗಿ ನಿರ್ಮಿಸಲಾಗಿದೆ ಎನ್ನಲಾದ ಕಟ್ಟಡಗಳನ್ನು ನೆಲಸಮ ಕಾರ್ಯಾಚರಣೆ ನಡೆಸುತ್ತಿದ್ದಾಗ ದಂಪತಿ ಅವರನ್ನು ತಡೆಯಲು ಪ್ರಯತ್ನಿಸಿದರು. ಆದರೆ ಅವರು ನಿಲ್ಲಿಸಲು ನಿರಾಕರಿಸಿದರು.
ಬುಲ್ಡೋಜರ್ ಹತ್ತಿರ ಬಂದಾಗ, ಸೋನಾ ಸೇನ್ ಮತ್ತು ಆಕೆಯ ಪತಿ ಸುನೀಲ್ ಸಿಂಗ್ ಎಂಬವರು ಬೆಂಕಿ ಹಚ್ಚಿಕೊಳ್ಳುತ್ತೇವೆ ಎಂದು ಕೂಗಾಡಿದ್ದಾರೆ. ಅವರು ತಮ್ಮ ಮನೆಯ ಹೊರಗಿನ ಗೋಡೆಗೆ ಅಂಟಿಕೊಂಡು ನಿಂತಿದ್ದರು. ಅವರಲ್ಲಿ ಒಬ್ಬರು ಪೆಟ್ರೋಲ್ ಬಾಟಲಿಯನ್ನು ಹಿಡಿದುಕೊಂಡಿದ್ದರು ಹಾಗೂ ಅವರ ಬಳಿ ಬೆಂಕಿ ಪೊಟ್ಟಣವೂ ಇತ್ತು.

ನಾಟಕೀಯ ವೀಡಿಯೋಗಳಲ್ಲಿ, ಅವರು ಪೆಟ್ರೋಲ್‌ ಅನ್ನು ತಮಗೆ ತಾವೇ ಸುರುವಿಕೊಳ್ಳುವುದು ಕಂಡುಬರುತ್ತವೆ. ನೆರೆಹೊರೆಯವರು ಪೊಲೀಸರು ಅವರನ್ನು ಗೋಟೆಯಿಂದ ಮೇಲಕ್ಕೆತ್ತಲು ಪ್ರಯತ್ನಿಸುತ್ತಿರುವುದು ಸಹ ಕಂಡುಬಂದಿದೆ.
ಪೊಲೀಸರು ಹಾಗೂ ಅಕ್ಕಪಕ್ಕದವರ ಮನವಿಗೆ ಕಿವಿಗೊಡದ ದಂಪತಿ ಬೆಂಕಿಪೊಟ್ಟಣದಿಂದ ಬೆಂಕಿ ಹಚ್ಚಲು ಮುಂದಾದಾಗ ತಕ್ಷಣವೇ ದಂಪತಿ ಮೇಲೆ ನೀರು ಎರಚಲಾಯಿತು.
ನೆರೆಹೊರೆಯವರು ಮತ್ತು ಇತರರು ದುಡುಕಿ ಏನನ್ನೂ ಮಾಡಬೇಡಿ ಎಂದು ದಂಪತಿಗೆ ಮನವಿ ಮಾಡಿದರು ಮತ್ತು ತೆರವು ಕಾರ್ಯಾಚರಣೆ ನಿಲ್ಲಿಸುವಂತೆ ನಾಗರಿಕ ಅಧಿಕಾರಿಗಳಿಗೆ ಮನವಿ ಮಾಡಿದರು.
ದಂಪತಿ, ಇದಕ್ಕೆಲ್ಲ ಆಡಳಿತವೇ ಹೊಣೆ, ತಮ್ಮ ಮನೆ ಅಕ್ರಮವಾಗಿಲ್ಲ ಎಂದು ಸಾಬೀತುಪಡಿಸಲು ತಮ್ಮ ಬಳಿ ದಾಖಲೆಗಳಿವೆ ಎಂದು ಹೇಳಿಕೊಂಡರು. ಆದರೂ ಅಧಿಕಾರಿಗಳು ಅಂತಿಮವಾಗಿ ಅವರ ಮನೆಯ ಒಂದು ಭಾಗವನ್ನು ಕೆಡವಿದರು. ದಂಪತಿಯನ್ನು ಪೊಲೀಸ್ ಠಾಣೆಗೆ ಕರೆದೊಯ್ಯಲಾಯಿತು.

ಮಳೆ ನೀರಿನ ಕಾಲುವೆ ಮೇಲೆ ಮೇಲೆ ಭಾಗಶಃ ನಿರ್ಮಿಸಲಾದ ಪ್ರದೇಶದಲ್ಲಿನ ಆರು ಮನೆಗಳಲ್ಲಿ ದಂಪತಿ ಮನೆಯೂ ಒಂದಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ನಾವು ಅಗತ್ಯವಿರುವದನ್ನು ಮಾತ್ರ ಕೆಡವುತ್ತೇವೆ ಮತ್ತು ಮಳೆ ನೀರಿನ ಡ್ರೈನ್ ಮೇಲೆ ಕುಳಿತಿರುವ ಭಾಗವನ್ನು ಮಾತ್ರ ಕೆಡವುತ್ತೇವೆ ಎಂದು ನಾವು ಅವರಿಗೆ ತಿಳಿಸಿದ್ದೇವೆ. ಆದರೆ ಅವರು ಒಪ್ಪಿಕೊಳ್ಳಲು ನಿರಾಕರಿಸಿದರು. ಮತ್ತು ಪೊಲೀಸರು ಮತ್ತು ಮಾರ್ಷಲ್‌ಗಳ ಸಹಾಯದಿಂದ ನಾವು ತೆರವು ಕಾರ್ಯಾಚರಣೆ ಪ್ರಾರಂಭಿಸಿದ್ದೇವೆ. ಅವರಿಗೆ ನೋಟಿಸ್ ಜಾರಿ ಮಾಡಿದ್ದೇವೆ ಎಂದು ಪೌರಕಾರ್ಮಿಕ ಎಂಜಿನಿಯರ್ ಪಂಪಾಪತಿ ತಿಳಿಸಿದ್ದಾರೆ.
ಕಳೆದ ತಿಂಗಳು ಸುರಿದ ಭಾರಿ ಮಳೆಗೆ ಕಚೇರಿಗಳು, ಕಾಲೋನಿಗಳು ಜಲಾವೃತಗೊಂಡು ನಗರದ ಮೂಲಸೌಕರ್ಯಗಳನ್ನು ಹಾಳುಗಡೆವಿದ ನಂತರ ಬೆಂಗಳೂರಿನಾದ್ಯಂತ ಮಳೆನೀರು ಚರಂಡಿಗಳನ್ನು ಅತಿಕ್ರಮಣ ಮಾಡಿರುವ ಕಟ್ಟಡಗಳ ಭಾಗಗಳನ್ನು ತೆಗೆದುಹಾಕಲಾಗುತ್ತಿದೆ.
ಮಹದೇವಪುರ ವಲಯ, ಸರ್ಜಾಪುರ ಪ್ರದೇಶ ಮತ್ತು ಬೆಳ್ಳಂದೂರು ಸೇರಿದಂತೆ ಐಟಿ ನಗರದ ಹಲವು ಪ್ರದೇಶಗಳು ನೀರಿನಲ್ಲಿ ಮುಳುಗಿತ್ತು.