ಸೋಶಿಯಲ್ ಮೀಡಿಯಾದಲ್ಲಿ ಹೃದಯವಿದ್ರಾವಕ ವಿಡಿಯೋವೊಂದು ಕಾಣಿಸಿಕೊಂಡಿದ್ದು, ಇದು ಮಂಗವೊಂದು ಒಬ್ಬ ವ್ಯಕ್ತಿಯ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಂಡು ಆಹಾರ ನೀಡುವುದನ್ನು ತೋರಿಸುತ್ತದೆ. ವೀಡಿಯೊ ಕ್ಲಿಪ್‌ನಲ್ಲಿ ಮಂಗವೊಂದು ಮನುಷ್ಯನ ಶವದ ಬಳಿ ಹಲವಾರು ನಿಮಿಷಗಳ ಕಾಲ ಕುಳಿತು ಆತನನ್ನು ಎಚ್ಚರಗೊಳಿಸಲು ಪ್ರಯತ್ನಿಸುತ್ತಿರುವುದನ್ನು ತೋರಿಸುತ್ತದೆ. ಮನುಷ್ಯ ಮತ್ತು ಪ್ರಾಣಿಗಳ ನಡುವಿನ ಸ್ನೇಹ ಸಂಬಂಧವನ್ನು ಪುಷ್ಟೀಕರಿಸುವ ಈ ವೀಡಿಯೊ ಎಂಥವರ ಮನವನ್ನಾದರೂ ಕರಗಿಸುತ್ತದೆ. ದುಃಖದಲ್ಲಿರುವ ವ್ಯಕ್ತಿಯ ಕುಟುಂಬ ಸದಸ್ಯರು ಮತ್ತು ಸಂಬಂಧಿಕರು ಮಂಗನ ಪ್ರೀತಿ ಹಾಗೂ ಅದರ ಹಿಂದಿನ ಭಾವ ಕಂಡು ಅವಾಕ್ಕಾದರು. ಕ್ಲಿಪ್ ಅನ್ನು ಹಂಚಿಕೊಂಡ ಹಲವಾರು ಬಳಕೆದಾರರು ಇದನ್ನು ಶ್ರೀಲಂಕಾದ ಬ್ಯಾಟಿಕಲೋವಾದಲ್ಲಿ ಚಿತ್ರೀಕರಿಸಲಾಗಿದೆ ಎಂದು ಹೇಳಿದ್ದಾರೆ.
ಒಬ್ಬ ವ್ಯಕ್ತಿಯು ಮಂಗನನ್ನು ದೂರ ಸರಿಸಲು ಪ್ರಯತ್ನಿಸುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ, ಆದರೆ ಮಂಗ ಮಾತ್ರ ಶವದ ಪಕ್ಕದ ಸ್ಥಳವನ್ನು ಬಿಡಲು ನಿರಾಕರಿಸುತ್ತದೆ. ಮನುಷ್ಯನ ದೇಹಕ್ಕೆ ನಮಸ್ಕರಿಸುವುದು ಮತ್ತು ಅವನ ಹಣೆಗೆ ಮುತ್ತಿಡುವುದನ್ನು ಸಹ ಕಾಣಬಹುದು.
ಸತ್ತ ವ್ಯಕ್ತಿ ಪ್ರತಿನಿತ್ಯ ಮನೆ ಸಮೀಪದ ಮರದಲ್ಲಿರುತ್ತಿದ್ದ ಈ ಕೋತಿಗೆ ಆಹಾರವನ್ನು ನೀಡುತ್ತಿದ್ದನಂತೆ. ಆ ವ್ಯಕ್ತಿಯ ಜೊತೆ ಮಂಗಕ್ಕೆ ಸಲುಗೆ ಹಾಗೂ ಸ್ನೇಹ ಬೆಳೆದಿತ್ತು. ಹೀಗಾಗಿ ಆತ ಸತ್ತಾಗ ಮರದಿಂದ ಕೆಳಗಿಳಿದು ಬಂದಿದೆ. ಒಂದು ಹಂತದಲ್ಲಿ, ಈ ತನ್ನ ಕೈಯನ್ನು ಎತ್ತಿಕೊಂಡು ಆ ಶವದ ಗಮನವನ್ನು ಸೆಳೆಯಲು ಹಾಗೂ ಅದನ್ನು ಅಲ್ಲಾಡಿಸಲು ಪ್ರಯತ್ನಿಸುತ್ತದೆ ಮಂಗ.
ಶವದ ಮನೆಯಲ್ಲಿ ನೆರೆದಿದ್ದ ಯಾರೊಬ್ಬರೂ ಆ ಕೋತಿಯನ್ನು ಓಡಿಸಲು ಪ್ರಯತ್ನ ಮಾಡಲಿಲ್ಲ. ಅದರ ಭಾವನೆಯನ್ನು ನೆರೆದಿದ್ದವರು ಕೋತಿಯ ಭಾವನೆಯನ್ನೂ ಅರ್ಥಮಾಡಿಕೊಂಡಿದ್ದರು ಈ ಕೋತಿಯು ಈ ಕಾರ್ಯವನ್ನು ಮಾಡುವುದನ್ನು ನೋಡಿ ನೆರೆದಿದ್ದವರೆಲ್ಲರಿಗೂ ಬಿಕ್ಕಳಿಸಿ ಅಳುವುದು ವೀಡಿಯೊದಲ್ಲಿ ಕಂಡುಬರುತ್ತದೆ.
ಭಾವನೆಗಳ ಪ್ರಶ್ನೆ ಬಂದಾಗ ಮನುಷ್ಯರು ಮತ್ತು ಪ್ರಾಣಿಗಳು ಬಹುತೇಕ ಒಂದೇ ರೀತಿಯ ಗುಣಲಕ್ಷಣಗಳನ್ನು ಹೊಂದಿವೆ ಎಂದು ತೋರಿಸುವ ಹಲವಾರು ತುಣುಕುಗಳು ಸಾಮಾಜಿಕ ಮಾಧ್ಯಮದಲ್ಲಿ ಇವೆ. ಅವರು ಕೂಡ ಮನುಷ್ಯರನ್ನು ದುಃಖಿಸುವುದನ್ನು ನೋಡಲು ಸಾಧ್ಯವಿಲ್ಲ ಮತ್ತು ಅವರನ್ನು ಹುರಿದುಂಬಿಸಲು ತಮ್ಮ ಶಕ್ತಿಯಿಂದ ಎಲ್ಲವನ್ನೂ ಮಾಡುತ್ತಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ