ತಿರುವನಂತಪುರಂ: ಕೇರಳದ ಗಡಿಯಲ್ಲಿರುವ ತಮಿಳುನಾಡಿನ ರಾಮವರ್ಮನ್ ಚಿರಾದ ಸ್ನಾತಕೋತ್ತರ ವಿದ್ಯಾರ್ಥಿನಿಯೊಬ್ಬಳು ಆಯುರ್ವೇದ ಔಷಧದಲ್ಲಿ ವಿಷಕಾರಿ ರಾಸಾಯನಿಕವನ್ನು ಬೆರೆಸಿ ತನ್ನ ಪ್ರೇಮಿಗೆ ವಿಷವನ್ನು ನೀಡಿರುವುದಾಗಿ ಒಪ್ಪಿಕೊಂಡಿದ್ದಾಳೆ ಎಂದು ಕೇರಳ ಪೊಲೀಸರು ಭಾನುವಾರ ತಿಳಿಸಿದ್ದಾರೆ.
22 ವರ್ಷದ ಶರೋನ್ ರಾಜ್ ಎಂಬುವವರಿಗೆ ಅಕ್ಟೋಬರ್ 14 ರಂದು ತಾಮ್ರದ ಸಲ್ಫೇಟ್ ಮಿಶ್ರಿತ ಪಾನೀಯವನ್ನು ನೀಡಲಾಯಿತು ಮತ್ತು ಪಾನೀಯವನ್ನು ಸೇವಿಸಿದ ನಂತರ ವಾಂತಿ ಮಾಡಿಕೊಂಡು ಪ್ರಜ್ಞಾಹೀನರಾಗಿ ಬಿದ್ದಿದ್ದನು. ಆತನನ್ನು ಪರಸಾಲ ಆಸ್ಪತ್ರೆಗೆ ದಾಖಲಿಸಿ ನಂತರ ತಿರುವನಂತಪುರಂ ಮೆಡಿಕಲ್ ಕಾಲೇಜಿಗೆ ದಾಖಲಿಸಲಾಗಿದ್ದು, ಅಕ್ಟೋಬರ್ 25 ರಂದು ಕೊನೆಯುಸಿರೆಳೆದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಗ್ರೀಷ್ಮಾ ವಿಷ ಸೇವಿಸಿ ಸಾಯಿಸಿದ್ದಾಳೆ ಎಂದು ರಾಜ್ ಕುಟುಂಬದವರು ಆರೋಪಿಸಿದ್ದಾರೆ. ಪ್ರಾಥಮಿಕ ತನಿಖೆ ನಡೆಸಿದ ಪರಸಾಲ ಪೊಲೀಸರು ವೃತ್ತಿಪರವಾಗಿ ತನಿಖೆ ನಡೆಸುತ್ತಿಲ್ಲ, ಸೂಕ್ತ ತನಿಖೆ ನಡೆಸದಿದ್ದರೆ ನ್ಯಾಯಾಲಯದ ಮೊರೆ ಹೋಗುವುದಾಗಿಯೂ ರಾಜ್ ಕುಟುಂಬ ಆರೋಪಿಸಿದೆ.
ತಿರುವನಂತಪುರಂನ ಗ್ರಾಮಾಂತರ ಪೊಲೀಸ್ ಅಧೀಕ್ಷಕಿ ದಿವ್ಯಾ ಗೋಪಿನಾಥ ಪ್ರಕರಣವನ್ನು ಅಪರಾಧ ವಿಭಾಗಕ್ಕೆ ವರ್ಗಾಯಿಸಲಾಗಿದೆ ಎಂದು ಮಾಧ್ಯಮ ಪ್ರತಿನಿಧಿಗಳಿಗೆ ತಿಳಿಸಿದರು, ಭಾನುವಾರ ಹುಡುಗಿ ಮತ್ತು ಆಕೆಯ ಪೋಷಕರನ್ನು ಕರೆಸಿದರು ಮತ್ತು ಎಂಟು ಗಂಟೆಗಳ ವಿಚಾರಣೆಯ ನಂತರ, 22 ವರ್ಷದ ಗ್ರೀಷ್ಮಾ ರಾಜ್‌ನನ್ನು ತೊಡೆದುಹಾಕಲು ಆಯುರ್ವೇದ ಔಷಧಿಗಳಲ್ಲಿ ತಾಮ್ರದ ಸಲ್ಫೇಟ್ ಮಿಶ್ರಣ ಮಾಡಿರುವುದನ್ನು ಒಪ್ಪಿಕೊಂಡಿದ್ದಾರೆ ಎಂದು ಹೇಳಲಾಗಿದೆ.
ಗ್ರೀಷ್ಮಾ ಇನ್ನೊಬ್ಬ ವ್ಯಕ್ತಿಯೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಳು ಮತ್ತು ರಾಜ್‌ನನ್ನು ದೂರ ಮಾಡಲು ಬಯಸಿದ್ದಳು ಎಂದು ಪೊಲೀಸರು ತಿಳಿಸಿದ್ದಾರೆ. ಆಕೆಯ ಕೆಲವು ವಾಟ್ಸಾಪ್ ಚಾಟ್‌ಗಳಲ್ಲಿ, ಆಕೆಗೆ ಜ್ಯೋತಿಷ್ಯದಲ್ಲಿ ತೊಂದರೆಯಿತ್ತು ಮತ್ತು ಜ್ಯೋತಿಷ್ಯದ ಪ್ರಕಾರ ಅವಳ ಮೊದಲ ಪತಿ ಸಾಯುತ್ತಾನೆ ಮತ್ತು ಅವಳು ತನ್ನ ಎರಡನೇ ಮದುವೆಯಲ್ಲಿ ಶಾಂತಿಯುತ ಜೀವನವನ್ನು ನಡೆಸಬಹುದು ಎಂದು ಹೇಳುವುದನ್ನು ಪೊಲೀಸರು ಕಂಡುಕೊಂಡಿದ್ದಾರೆ.
ರಾಜ್ ಸಂಬಂಧಿಕರ ಪ್ರಕಾರ, ಈ ಜ್ಯೋತಿಷ್ಯದ ಭವಿಷ್ಯವು ತಪ್ಪಾಗಿದೆ ಎಂದು ಸಾಬೀತುಪಡಿಸಲು ರಾಜ್ ಬಯಸಿದ್ದ ಮತ್ತು ಅವರು ವೆಟ್ಟುಕಾಡು ಚರ್ಚ್‌ನಲ್ಲಿ ಗ್ರೀಷ್ಮಾ ಅವರನ್ನು ವಿವಾಹವಾದರು ಮತ್ತು ಅವಳ ತಲೆಗೆ ‘ಸಿಂಧೂರ’ ಹಾಕಿದರು. ಆದಾಗ್ಯೂ, ಅವನನ್ನು ದೂರ ಮಾಡಲು ಗ್ರೀಷ್ಮಾ ಮಾಡಿದ ತಂತ್ರವಾಗಿದೆ ಹಾಗೂ ನಂತರ ಜ್ಯೋತಿಷ್ಯಶಾಸ್ತ್ರದ ಭವಿಷ್ಯ ನಿಜವಾಯಿತು ಎಂದು ಹೇಳುವುದು ಉದ್ದೇಶವಾಗಿತ್ತು ಎಂದು ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.
ಗ್ರೀಷ್ಮಾ ಇಂಗ್ಲಿಷ್ ಸಾಹಿತ್ಯದಲ್ಲಿ ಎರಡನೇ ವರ್ಷದ ಸ್ನಾತಕೋತ್ತರ ವಿದ್ಯಾರ್ಥಿನಿ. ಮಾಧ್ಯಮ ಪ್ರತಿನಿಧಿಗಳನ್ನು ಉದ್ದೇಶಿಸಿ ಮಾತನಾಡಿದ ರಾಜ್ ಪೋಷಕರು, ಗ್ರೀಷ್ಮಾ ಮಾಡಿದ ಘೋರ ಅಪರಾಧಕ್ಕಾಗಿ ಗಲ್ಲು ಶಿಕ್ಷೆ ವಿಧಿಸಬೇಕು ಎಂದು ಒತ್ತಾಯಿಸಿದರು.
ನಮಗೆ ಇಬ್ಬರು ಗಂಡು ಮಕ್ಕಳು. ಹಿರಿಯಾತ ಸೈಮನ್ ಆಯುರ್ವೇದ ವೈದ್ಯರಾಗಿದ್ದಾರೆ ಮತ್ತು ಶರೋನ್ ವೈದ್ಯಕೀಯ ರೇಡಿಯಾಗ್ರಫಿ ತರಬೇತಿಯನ್ನು ಪಡೆಯುತ್ತಿದ್ದ. ದುರದೃಷ್ಟವಶಾತ್, ಆಕೆಯು ಇನ್ನೊಬ್ಬ ವ್ಯಕ್ತಿಯೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡ ನಂತರ, ನಾವು ಆ ಹುಡುಗಿ ರಾಜ್‌ನನ್ನು ಭೇಟಿಯಾಗುವುದನ್ನು ನಿಷೇಧಿಸಿದ್ದೇವೆ. ಆದರೆ ಅವಳು ಅವನನ್ನು ಕರೆದಳು ಹಾಗೂ ಕೆಲವು ಛಾಯಾಚಿತ್ರಗಳನ್ನು ಮರಳಿ ನೀಡುವಂತೆ ಹೇಳಿದಳು. ಅವಳು ಅವನನ್ನು ಕೊಲ್ಲಲು ತನ್ನ ಮನೆಗೆ ಕರೆದಿದ್ದಾಳೆಂದು ನಮಗೆ ತಿಳಿದಿರಲಿಲ್ಲ. ಈ ಅಪರಾಧದಲ್ಲಿ ಅವಳ ಹೆತ್ತವರು ಕೈಜೋಡಿಸಿದ್ದಾರೆ ಮತ್ತು ಎಲ್ಲಾ ಅಪರಾಧಿಗಳನ್ನು ಕಾನೂನು ಕ್ರಮಕ್ಕೆ ತರಬೇಕು. ಒಂದು ದಿನದ ವಿಚಾರಣೆಯಲ್ಲಿ ಪ್ರಕರಣವನ್ನು ಭೇದಿಸಿರುವ ಪೊಲೀಸರಿಗೆ ನಾನು ಧನ್ಯವಾದ ಹೇಳುತ್ತೇನೆ ಎಂದು ಪೋಷಕರೊಬ್ಬರು ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ