ಆಘಾತಕಾರಿ ಘಟನೆಯೊಂದರಲ್ಲಿ, ಆರು ತಿಂಗಳ ಹಿಂದೆ ನಾಯಿ ಕಚ್ಚಿದ್ದ ವ್ಯಕ್ತಿ ಈಗ ನಾಯಿಯಂತೆ ಕೂಗಲು ಆರಂಭಿಸಿದ್ದಾನೆ. ಈ ಘಟನೆ ಒಡಿಸ್ಸಾದ ಕಟಕ್‌ನ ಅಥಗಢ ಪೊಲೀಸ್ ವ್ಯಾಪ್ತಿಯ ಉದಯಪುರ ಗ್ರಾಮದದಲ್ಲಿ ನಡೆದಿದೆ.
ವರದಿಗಳ ಪ್ರಕಾರ, ರಾಜೇಶ್ ಬ್ಯೂರಾ ಎಂದು ಗುರುತಿಸಲಾದ ವ್ಯಕ್ತಿಯು ನಾಯಿ ಕಚ್ಚಿದ ನಂತರ ಅದಕ್ಕೆ ಚಿಕಿತ್ಸೆ ಪಡೆಯಲಿಲ್ಲವಂತೆ. ನವೆಂಬರ್ 1 ರಂದು ಇದ್ದಕ್ಕಿದ್ದಂತೆ ನಾಯಿಯಂತೆ ‘ಊಳಿಡಲು’ ಶುರುಮಾಡಿದ್ದಾನೆ.
ಇದರಿಂದ ಗಾಬರಿಗುಂಡ ಕುಟುಂಬಸ್ಥರು ನಂತರ ಆತನನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ನಂತರ, ಅಲ್ಲಿಯೂ ಆರೋಗ್ಯ ಸ್ಥಿತಿ ಹದಗೆಟ್ಟ ನಂತರ ಅವರನ್ನು ಕಟಕ್‌ನ ಎಸ್‌ಸಿಬಿ ವೈದ್ಯಕೀಯ ಮತ್ತು ಕಾಲೇಜಿಗೆ ಸ್ಥಳಾಂತರಿಸಲಾಯಿತು.
ವೀಡಿಯೋ ಕ್ಲಿಪ್‌ನಲ್ಲಿ, ರಾಜೇಶ್ ಊಳಿಡುವುದು ಮತ್ತು ಅಸ್ವಾಭಾವಿಕ ಶಬ್ದಗಳು ಮತ್ತು ಚಲನೆಗಳನ್ನು ಮಾಡುತ್ತಿರುವುದು ಕಂಡುಬರುತ್ತದೆ.ಆತನ ಕುಟುಂಬ ಸದಸ್ಯರು ಆಸ್ಪತ್ರೆಯಲ್ಲಿ ಅವರನ್ನು ನಿಯಂತ್ರಣದಲ್ಲಿಡಲು ಹೆಣಗಾಡುತ್ತಿದ್ದಾರೆ. ಇದು ರೇಬೀಸ್‌ನ ಸ್ಪಷ್ಟ ಪ್ರಕರಣ ಎಂದು ವೈದ್ಯಕೀಯ ತಜ್ಞರು ಹೇಳುತ್ತಾರೆ.
ವೈದ್ಯರ ಪ್ರಕಾರ, ನಾಯಿ ಕಚ್ಚುವಿಕೆಯು ಹೈಡ್ರೋಫೋಬಿಯಾ ಅಥವಾ ನೀರಿನ ಭಯವನ್ನು ಪ್ರಚೋದಿಸುತ್ತದೆ. ರೋಗಲಕ್ಷಣಗಳು ಲಾರಿಂಗೊಸ್ಪಾಸ್ಮ್ ಅನ್ನು ಒಳಗೊಂಡಿರುತ್ತವೆ, ಇದು ರೋಗಿಯನ್ನು ಕೂಗುವಂತೆ ಮಾಡುತ್ತದೆ. ರೋಗಲಕ್ಷಣಗಳು ಸ್ಪಷ್ಟವಾಗಿ ರೇಬೀಸ್‌ನ ಲಕ್ಷಣಗಳಾಗಿವೆ. ನಾಯಿ ಕಚ್ಚುವಿಕೆಯ ಇತಿಹಾಸ ಹೊಂದಿರುವ ಜನರಲ್ಲಿ ಇದು ಕಂಡುಬರುತ್ತದೆ ಎಂದು ಆರೋಗ್ಯ ತಜ್ಞ ಸಾಮಿ ಸಲೀಂ ಹೇಳಿದ್ದಾರೆ.
ನಂತರ ರೋಗಿಗಳು ಹೈಡ್ರೋಫೋಬಿಕ್ ಆಗಿರುತ್ತಾರೆ. ಅವರು ನೀರನ್ನು ಸಹಿಸುವುದಿಲ್ಲ, ಅದರ ಶಬ್ದವನ್ನು ಸಹ ಸಹಿಸುವುದಿಲ್ಲ. ನಂತರ, ರೋಗಿಯು ಲಾರಿಂಗೊಸ್ಪಾಸ್ಮ್ ಅನ್ನು ಅಭಿವೃದ್ಧಿಪಡಿಸುತ್ತಾನೆ. ನಾವು ಅದನ್ನು ನಾಯಿ ಬೊಗಳುವುದು ಎಂದು ಕರೆಯಲು ಸಾಧ್ಯವಿಲ್ಲ. ಗಂಟಲು ಸೆಳೆತದಿಂದಾಗಿ ರೋಗಿಗಳು ಕೂಗುವ ಶಬ್ದಗಳನ್ನು ಮಾಡುತ್ತಾರೆ, ಅದು ನಾಯಿ ಬೊಗಳುವಂತೆ ತೋರುತ್ತದೆ ಎಂದು ಆರೋಗ್ಯ ತಜ್ಞ ಸಾಮಿ ಸಲೀಂ ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ