ಪ್ರೆಸಿಷನ್ ಏರ್‌ನ ವಾಣಿಜ್ಯ ವಿಮಾನವು ಭಾನುವಾರ ಬೆಳಿಗ್ಗೆ ತಾಂಜಾನಿಯಾದ ವಿಕ್ಟೋರಿಯಾ ಸರೋವರಕ್ಕೆ ಬಿದ್ದಿದೆ. ಭಾನುವಾರ ಬೆಳಿಗ್ಗೆ ರಕ್ಷಣಾ ಕಾರ್ಯಾಚರಣೆ ನಡೆದಿದು, ಈವರೆಗೆ ವಿಕ್ಟೋರಿಯಾ ಸರೋವರದಿಂದ 23 ಜನರನ್ನು ರಕ್ಷಿಸಲಾಗಿದೆ.
ಬುಕೋಬಾ ವಿಮಾನ ನಿಲ್ದಾಣದ ಸಮೀಪ ಆಫ್ರಿಕಾದ ಅತಿದೊಡ್ಡ ಸರೋವರಕ್ಕೆ ವಿಮಾನ ಪತನಗೊಂಡಿದೆ. ಪ್ರೆಸಿಶನ್ ಏರ್ಲೈನ್ಸ್ ಒಡೆತನದ ವಿಮಾನವು ಇಳಿಯುವ ಮೊದಲು ನೀರಿನಲ್ಲಿ ಮುಳುಗಿತು.
ಸ್ಥಳೀಯ ಮಾಧ್ಯಮಗಳ ಪ್ರಕಾರ, ಡರ್-ಬುಕೋಬಾ-ಮ್ವಾಂಝಾದಿಂದ ಪ್ರಯಾಣಿಕ ವಿಮಾನ PW 494 ಬುಕೋಬಾ ವಿಮಾನ ನಿಲ್ದಾಣದಲ್ಲಿ ಇಳಿಯುವ ಮೊದಲು ವಿಕ್ಟೋರಿಯಾ ಸರೋವರಕ್ಕೆ ಅಪ್ಪಳಿಸಿತು. ATR 42-500 ವಿಮಾನವು 53 ಜನರನ್ನು (49 ಪ್ರಯಾಣಿಕರು) ಹೊಂದಿತ್ತು.
ಕೆಟ್ಟ ಹವಾಮಾನ ವಿಮಾನವು ಸರೋವರಕ್ಕೆ ಅಪ್ಪಳಿಸಲು ಕಾರಣವಾಯಿತು ಎಂದು ಹೇಳಲಾಗುತ್ತದೆ. ಮಾಧ್ಯಮ ವರದಿಗಳ ಪ್ರಕಾರ ವಿಮಾನದಲ್ಲಿದ್ದ 49 ಪ್ರಯಾಣಿಕರನ್ನು ರಕ್ಷಿಸುವ ಪ್ರಯತ್ನಗಳು ನಡೆಯುತ್ತಿವೆ. ಪಾರುಗಾಣಿಕಾ ದೋಣಿಗಳನ್ನು ನಿಯೋಜಿಸಲಾಗಿದೆ ಮತ್ತು ತುರ್ತು ಕಾರ್ಯಕರ್ತರು ವಿಮಾನದಲ್ಲಿ ಸಿಕ್ಕಿಬಿದ್ದ ಇತರ ಪ್ರಯಾಣಿಕರನ್ನು ರಕ್ಷಿಸಲು ಮುಂದುವರೆಸಿದ್ದಾರೆ ಎಂದು ಟಿಬಿಸಿ ವರದಿ ಹೇಳಿದೆ.
ಅಲ್-ಜಜೀರಾ ವರದಿಯ ಪ್ರಕಾರ, ತಾಂಜಾನಿಯಾದ ಅತಿ ದೊಡ್ಡ ಖಾಸಗಿ ಏರ್ಲೈನ್ಸ್ ಒಡೆತನದ ವಿಮಾನವು ಗಾಳಿಯ ಮಧ್ಯದಲ್ಲಿ ಸುಮಾರು 100 ಮೀಟರ್ ದೂರದಲ್ಲಿತ್ತು, ಅದು ಹೆಚ್ಚಿನ ವೇಗದ ಗಾಳಿ ಮತ್ತು ಭಾರೀ ಮಳೆಯಿಂದಾಗಿ ಸಮಸ್ಯೆಗಳನ್ನು ಎದುರಿಸಿತು.
ನಿಮ್ಮ ಕಾಮೆಂಟ್ ಬರೆಯಿರಿ