ಇತಿಹಾಸದಲ್ಲಿ ತಮ್ಮ ಹೆಸರು ದಾಖಲಾಗಲು ಕೆಲವರು ಅತಿವೇಗದ, ವೇಗದ ಸ್ಪರ್ಧೆಗಳಲ್ಲಿ ತೊಡಗುತ್ತಾರೆ, ಕೆಲವರು ಅತ್ಯುನ್ನತ ಎತ್ತರ ಏರುತ್ತಾರೆ. ಹೀಗೆ ಇನ್ನೇನೋ ಕಸರತ್ತು ಮಾಡುತ್ತಾರೆ.
ಇಲ್ಲಿ, ಅಮೆರಿಕದ ಡೇವನ್‌ಪೋರ್ಟ್‌ನ 20 ವರ್ಷದ ಡಾಲ್ಟನ್ ಮೆಯೆರ್ ಎಂಬಾತ ಚಪ್ಪಾಳೆ ತಟ್ಟುವುದರಲ್ಲಿ ಗಿನ್ನೆಸ್ ದಾಖಲೆ ಬರೆದಿದ್ದಾರೆ. ಅವರು ಕೇವಲ ಒಂದು ನಿಮಿಷದಲ್ಲಿ ಅಕ್ಷರಶಃ 1,140 ಬಾರಿ ಚಪ್ಪಾಳೆ ತಟ್ಟಿದ್ದಾರೆ, ಅಂದರೆ ಪ್ರತಿ ಸೆಕೆಂಡಿಗೆ ಸುಮಾರು 19 ಚಪ್ಪಾಳೆಗಳನ್ನು ಹೊಡೆದಿದ್ದಾರೆ ಮತ್ತು ಈ ಪ್ರಕ್ರಿಯೆಯಲ್ಲಿ ಅವರು ಹಿಂದಿನ ಗಿನ್ನೆಸ್ ವಿಶ್ವ ದಾಖಲೆಯನ್ನು 37 ಚಪ್ಪಾಳೆಗಳಿಂದ ಮುರಿದಿದ್ದಾರೆ.
ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಕಾರ, “ಒಂದು ನಿಮಿಷದಲ್ಲಿ ಅತಿ ಹೆಚ್ಚು ಚಪ್ಪಾಳೆಗಳು 1,140 ಆಗಿದೆ ಮತ್ತು 12 ಮಾರ್ಚ್ 2022 ರಂದು ಅಮೆರಿಕದ ಇಲಿನಾಯ್ಸ್‌ನ ಜೆನೆಸಿಯೊದಲ್ಲಿ ಡಾಲ್ಟನ್ ಮೆಯೆರ್ ಅವರು ಈ ಸಾಧನೆ ಮಾಡಿದ್ದಾರೆ. ಡಾಲ್ಟನ್ ಪ್ರಾಥಮಿಕ ಶಾಲೆಯಲ್ಲಿ ಒಂದು ನಿಮಿಷದಲ್ಲಿ ಹೆಚ್ಚು ಚಪ್ಪಾಳೆ ತಟ್ಟಿದ ದಾಖಲೆಯನ್ನು ಮೊದಲು ನೋಡಿದರು ಮತ್ತು ಅಂದಿನಿಂದ ಅವರು ಈ ಸಾಧನೆಗೆ ಪ್ರಯತ್ನಿಸಿ ಈಗ ಗಿನ್ನೆಸ್ ವಿಶ್ವ ದಾಖಲೆ ಬರೆದಿದ್ದಾರೆ.
ಡಾಲ್ಟನ್ ಮೇಯರ್ ಅವರು ಪ್ರಾಥಮಿಕ ಶಾಲೆಯಲ್ಲಿದ್ದಾಗಿನಿಂದಲೂ ವೇಗದ ಚಪ್ಪಾಳೆಯಿಂದ ಆಕರ್ಷಿತರಾದರು ಎಂದು ಕ್ವಾಡ್-ಸಿಟಿ ಟೈಮ್ಸ್ ವರದಿ ಮಾಡಿದೆ. “ಇದು ನನಗೆ ಸ್ವಾಭಾವಿಕವಾಗಿ ಬಂದಿತು, ನಾನು ಅಭ್ಯಾಸ ಮಾಡಬೇಕಾಗಿಲ್ಲ. ನಿಜವಾಗಿಯೂ, ಕೆಲವು ಕಾರಣಗಳಿಗಾಗಿ ನಾನು ಅದನ್ನು ಹೇಗೆ ಮಾಡಬೇಕೆಂದು ತಿಳಿದಿದ್ದೇನೆ ಎಂದು ಮೇಯರ್ ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ