ಸೋಮವಾರ ಮಧ್ಯಾಹ್ನ ಇಂಡೋನೇಷ್ಯಾದ ಮುಖ್ಯ ದ್ವೀಪವಾದ ಜಾವಾದಲ್ಲಿ 5.6 ತೀವ್ರತೆಯ ಭೂಕಂಪ ಹಲವಾರು ಸೆಕೆಂಡುಗಳ ಕಾಲ ಸಂಭವಿಸಿದ ನಂತರ ಕನಿಷ್ಠ 46 ಜನರು ಸಾವವಿಗೀಡಾಗಿದ್ದಾರೆ ಮತ್ತು 700 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.
“ಸಿಯಾಂಜೂರ್ ಪ್ರಾದೇಶಿಕ ಆಸ್ಪತ್ರೆಯಲ್ಲಿ 46 ಮಂದಿ ಸತ್ತಿದ್ದಾರೆ ಮತ್ತು ಸುಮಾರು 700 ಮಂದಿ ಗಾಯಗೊಂಡಿದ್ದಾರೆ. ಕುಸಿದ ಕಟ್ಟಡಗಳ ಕೆಳಗೆ ಸಿಲುಕಿ ಅನೇಕರು ಗಾಯಗೊಂಡಿದ್ದಾರೆ ಎಂದು ರಾಷ್ಟ್ರೀಯ ವಿಪತ್ತು ತಗ್ಗಿಸುವಿಕೆಯ ಏಜೆನ್ಸಿ ಮುಖ್ಯಸ್ಥ ಸುಹರ್ಯಾಂತೋ ಹೇಳಿದ್ದಾರೆ ಎಂದು ಅಸೋಸಿಯೇಟೆಡ್ ಪ್ರೆಸ್ ವರದಿ ಮಾಡಿದೆ.
ಸೋಮವಾರದ ಭೂಕಂಪವು ರಾಜಧಾನಿ ಜಕಾರ್ತಾದಿಂದ ಆಗ್ನೇಯಕ್ಕೆ 75 ಕಿಮೀ ದೂರದಲ್ಲಿರುವ ಸಿಯಾಂಜೂರ್‌ನಲ್ಲಿ 10 ಕಿಮೀ (6.2 ಮೈಲುಗಳು) ಆಳದಲ್ಲಿ ಸಂಭವಿಸಿದೆ ಎಂದು ಹವಾಮಾನ ಮತ್ತು ಭೂ ಭೌತಶಾಸ್ತ್ರ ಸಂಸ್ಥೆ (BMKG) ತಿಳಿಸಿದೆ, ಆದರೆ ಸುನಾಮಿ ಸಂಭವಿಸುವ ಸಾಧ್ಯತೆಯಿಲ್ಲ ಎಂದು ಹೇಳಿದೆ..
ಹೇಳಿಕೆಯಲ್ಲಿ, ರಾಷ್ಟ್ರೀಯ ವಿಪತ್ತು ಏಜೆನ್ಸಿಯು ಈ ಪ್ರದೇಶದಲ್ಲಿ ಹಲವಾರು ಮನೆಗಳು ಮತ್ತು ಇಸ್ಲಾಮಿಕ್ ಬೋರ್ಡಿಂಗ್ ಶಾಲೆಗೆ ಹಾನಿಯಾಗಿದೆ. ಅಧಿಕಾರಿಗಳು ಹಾನಿಯ ಸಂಪೂರ್ಣ ಪ್ರಮಾಣವನ್ನು ನಿರ್ಣಯಿಸುವುದನ್ನು ಮುಂದುವರೆಸಿದ್ದಾರೆ ಎಂದು ಹೇಳಿದೆ.
ಸಿಯಾಂಜೂರ್‌ನಲ್ಲಿನ ಕೆಲವು ಕಟ್ಟಡಗಳು ಸಂಪೂರ್ಣವಾಗಿ ಅವಶೇಷಗಳಾಗಿ ಕುಸಿದವು. ನಿವಾಸಿಗಳು ಹೊರಗೆ ಓಡಿಹೋಗಿದ್ದಾರೆ.
ಭೂಕಂಪ ಸಂಭವಿಸಿದಾಗ ಸಿಯಾಂಜೂರ್‌ನಲ್ಲಿದ್ದ ಮುಚ್ಲಿಸ್ ಅವರು, “ದೊಡ್ಡ ಕಂಪನ”ದ ಅನುಭವವಾಯಿತು ಮತ್ತು ತನ್ನ ಕಚೇರಿ ಕಟ್ಟಡದ ಗೋಡೆಗಳು ಮತ್ತು ಸೀಲಿಂಗ್‌ಗೆ ಹಾನಿಯಾಗಿದೆ ಎಂದು ಹೇಳಿದರು.
“ನಾನು ತುಂಬಾ ಆಘಾತಕ್ಕೊಳಗಾಗಿದ್ದೇನೆ. ಮತ್ತೊಂದು ಭೂಕಂಪ ಸಂಭವಿಸಬಹುದೆಂದು ನಾನು ಚಿಂತಿತನಾಗಿದ್ದೇನೆ” ಎಂದು ಮಚ್ಲಿಸ್ ಟಿವಿಗೆ ತಿಳಿಸಿದರು, ಜನರು ತಮ್ಮ ಮನೆಗಳಿಂದ ಹೊರಗೆ ಓಡಿಹೋದರು, ಕೆಲವರು ಮೂರ್ಛೆ ಮತ್ತು ವಾಂತಿ ಮಾಡಿಕೊಂಡರು.
ಭೂಕಂಪದ ನಂತರದ ಎರಡು ಗಂಟೆಗಳಲ್ಲಿ 25 ಭೂಕಂಪಗಳು ದಾಖಲಾಗಿವೆ ಎಂದು ಬಿಎಂಕೆಜಿ ತಿಳಿಸಿದೆ. ರಾಜಧಾನಿ ಜಕಾರ್ತದಲ್ಲಿ ಕೆಲವು ಜನರು ಕೇಂದ್ರ ವ್ಯಾಪಾರ ಜಿಲ್ಲೆಯಲ್ಲಿ ಕಚೇರಿಗಳನ್ನು ಬಿಟ್ಟು ಓಡಿದರು, ಇತರರು ಕಟ್ಟಡಗಳು ಅಲುಗಾಡುತ್ತಿವೆ ಮತ್ತು ಪೀಠೋಪಕರಣಗಳು ಚಲಿಸುತ್ತಿರುವುದನ್ನು ನೋಡಿದ ಅನುಭವವನ್ನು ವರದಿ ಮಾಡಿದ್ದಾರೆ ಎಂದು ರಾಯಿಟರ್ಸ್‌ಗೆ ತಿಳಿಸಿದ್ದಾರೆ.
ಇಂಡೋನೇಷ್ಯಾ “ಪೆಸಿಫಿಕ್ ರಿಂಗ್ ಆಫ್ ಫೈರ್” ಎಂದು ಕರೆಯಲ್ಪಡುತ್ತದೆ, ಇದು ಹೆಚ್ಚು ಭೂಕಂಪನ ಸಕ್ರಿಯ ವಲಯವಾಗಿದೆ. ಹೆಚ್ಚಿನ ಸಂಖ್ಯೆಯ ಭೂಕಂಪಗಳು ಮತ್ತು ಜ್ವಾಲಾಮುಖಿಗಳನ್ನು ಸೃಷ್ಟಿಸುತ್ತವೆ.
ನಿಮ್ಮ ಕಾಮೆಂಟ್ ಬರೆಯಿರಿ