ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಬುಧವಾರ ತಮ್ಮ ಜೀವನ ಸಂಗಾತಿ ಹೇಗಿರಬೇಕು ಎಂಬುದರಿಂದ ಹಿಡಿದು ಮೋಟಾರ್ ಸೈಕಲ್‌ಗಳ ಮೇಲಿನ ಪ್ರೀತಿಯ ವರೆಗೆ ತಮ್ಮ ಜೀವನದ ಬಗೆಗಿನ ಕೆಲವು ವೈಯಕ್ತಿಕ ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ.
ಕಾಂಗ್ರೆಸ್‌ನ ಭಾರತ್ ಜೋಡೋ ಯಾತ್ರೆಯ ನೇತೃತ್ವ ವಹಿಸಿರುವ ರಾಹುಲ್ ಗಾಂಧಿ ಅವರು, ತಮ್ಮ ಬಾಳ ಸಂಗಾತಿ ಆಗುವವರು ತಮ್ಮ ತಾಯಿ ಸೋನಿಯಾ ಗಾಂಧಿ ಮತ್ತು ಅಜ್ಜಿ ಇಂದಿರಾ ಗಾಂಧಿ ಅವರ ಗುಣಗಳ ಮಿಶ್ರಣವಾಗಿರಬೇಕು ಎಂದು ಹೇಳಿದ್ದಾರೆ.
ಯೂ ಟ್ಯೂಬ್ ಚಾನೆಲ್‌ಗೆ ನೀಡಿದ ಸಂದರ್ಶನದಲ್ಲಿ ಅವರು, ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರು “ನನ್ನ ಜೀವನದ ಪ್ರೀತಿ ಮತ್ತು ನನ್ನ ಎರಡನೇ ತಾಯಿ” ಎಂದು ಹೇಳಿದ್ದಾರೆ.
“ನಾನು ನನ್ನ ತಾಯಿ ಮತ್ತು ಅಜ್ಜಿಯ ಗುಣಗಳ ಮಿಶ್ರಣ ಗುಣಗಳಿರುವ ಮಹಿಳೆ ನನ್ನ ಬಾಳ ಸಂಗಾತಿ ಆಗಬೇಕು ಎಂದು ಬಯಸುತ್ತೇನೆ” ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ. ಸಂದರ್ಶನದ ವೀಡಿಯೊವನ್ನು ಹಾಯ್ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಭಾರತ ಜೋಡೋ ಯಾತ್ರೆ ಈಗ ಒಂಬತ್ತು ದಿನಗಳ ವಿರಾಮದಲ್ಲಿದ್ದು, ರಾಹುಲ್ ಗಾಂಧಿಯವರು ಜನವರಿ 3 ರಂದು ದೆಹಲಿಯಿಂದ ತಮ್ಮ ಯಾತ್ರೆಯನ್ನು ಪುನರಾರಂಭಿಸಲಿದ್ದಾರೆ.
ತನಗೆ ಮೋಟಾರ್ ಸೈಕಲ್ ಮತ್ತು ಸೈಕಲ್‌ಗಳನ್ನು ಓಡಿಸುವ ಬಗ್ಗೆ ಬಹಳ ಉತ್ಸಾಹವಿತ್ತು ಎಂದು ಅವರು ಹೇಳಿದ್ದಾರೆ. ನಾನು ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಓಡಿಸಿದ್ದೇನೆ, ಆದರೆ ಎಂದಿಗೂ ಎಲೆಕ್ಟ್ರಿಕ್ ಬೈಕ್ ಓಡಿಸಿಲ್ಲ. ನೀವು ಈ ಚೀನಾದ ಕಂಪನಿಯನ್ನು ನೋಡಿದ್ದೀರಾ … ಎಲೆಕ್ಟ್ರಿಕ್ ಮೋಟಾರ್‌ಗಳೊಂದಿಗೆ ಸೈಕಲ್‌ಗಳು ಮತ್ತು ಪರ್ವತ ಬೈಕುಗಳಿವೆ. ಬಹಳ ಆಸಕ್ತಿದಾಯಕ ಪರಿಕಲ್ಪನೆ. ಅವು ಉತ್ತಮವಾಗಿವೆ” ಎಂದು ಹೇಳಿದ್ದಾರೆ.
ನಾನು ಸ್ವಂತ ಕಾರನ್ನು ಹೊಂದಿಲ್ಲ. ತಾಯಿಯ ಸಿಆರ್-ವಿ ಬಳಸುತ್ತೇನೆ. ನನಗೆ ಕಾರುಗಳ ವ್ಯಾಮೋಹವಿಲ್ಲ ಎಂದು ಅವರು ಹೇಳಿದ್ದಾರೆ.
ನನಗೆ ನಿಜವಾಗಿಯೂ ಕಾರುಗಳಲ್ಲಿ ಆಸಕ್ತಿ ಇಲ್ಲ, ನನಗೆ ಮೋಟಾರು ಬೈಕ್‌ಗಳಲ್ಲಿ ಆಸಕ್ತಿ ಇಲ್ಲ, ಆದರೆ ನನಗೆ ಮೋಟಾರು ಬೈಕುಗಳನ್ನು ಓಡಿಸಲು ಆಸಕ್ತಿ ಇದೆ. ನಾನು ಕಾರನ್ನು ಸರಿಪಡಿಸಬಲ್ಲೆ. ಆದರೆ, ನನಗೆ ಕಾರುಗಳ ಗೀಳು ಇಲ್ಲ. ನಾನು ವೇಗವಾಗಿ ಚಲಿಸುವ ಕಲ್ಪನೆಯನ್ನು ಇಷ್ಟಪಡುತ್ತೇನೆ, ಗಾಳಿಯಲ್ಲಿ ಚಲಿಸುವ ಕಲ್ಪನೆ, ನೀರಿನಲ್ಲಿ ಚಲಿಸುವ ಮತ್ತು ಭೂಮಿಯಲ್ಲಿ ಚಲಿಸುವ ಕಲ್ಪನೆ” ಎಂದು ಅವರು ಹೇಳಿದ್ದಾರೆ.
ಟೀಕಾಕಾರರು ತಮ್ಮನ್ನು ಕೆಲವು ಹೆಸರುಗಳಿಂದ ಕರೆಯುವ ಬಗ್ಗೆ ಪ್ರತಿಕ್ರಿಯಿಸಿರುವ ರಾಹುಲ್ ಗಾಂಧಿ, ನಾನು ಅದಕ್ಕೆ ತಲೆಕೆಡಿಸಿಕೊಳ್ಳುವುದಿಲ್ಲ. ನೀವು ಏನು ಹೇಳಲು ಬಯಸುತ್ತೀರಿ, ಅದು ಮುಖ್ಯವಲ್ಲ. ನಾನು ಯಾರನ್ನೂ ದ್ವೇಷಿಸುವುದಿಲ್ಲ, ನೀವು ನನ್ನನ್ನು ನಿಂದಿಸಿದರೂ ಅಥವಾ ನನಗೆ ಹೊಡೆದರೂ ನಾನು ನಿಮ್ಮನ್ನು ದ್ವೇಷಿಸುವುದಿಲ್ಲ ಎಂದು ಹೇಳಿದರು.
“ಪಪ್ಪು” ಎಂದು ಕರೆಯುವುದಕ್ಕೆ ಅವರು ಅದನ್ನು “ಪ್ರಚಾರ ಅಭಿಯಾನ” ಎಂದು ಕರೆದರು ಮತ್ತು ನನ್ನನ್ನು ಹಾಗೆ ಕರೆಯುವವರು ತಮ್ಮೊಳಗಿನ ಭಯದಿಂದ ನನ್ನನ್ನು ಹೀಗೆ ಕರೆಯುತ್ತಿದ್ದಾರೆ ಎಂದು ಹೇಳಿದರು.
ಆತನ ಜೀವನದಲ್ಲಿ ಏನೂ ಆಗುತ್ತಿಲ್ಲ, ಆತನ ಜೀವನದಲ್ಲಿ ಸಂಬಂಧಗಳು ಸರಿಯಾಗಿಲ್ಲ ಎಂದು ಆತ ದುಃಖಿತನಾಗಿದ್ದಾನೆ. ಅದಕ್ಕಾಗಿಯೇ ಆತ ಬೇರೆಯವರನ್ನು ನಿಂದಿಸುತ್ತಾನೆ, ಅದು ಓಕೆ, ನಾನು ಅದನ್ನು ಸ್ವಾಗತಿಸುತ್ತೇನೆ. ನೀವು ನನಗೆ ಹೆಚ್ಚಿನ ಹೆಸರುಗಳನ್ನು ನೀಡಬಹುದು. ಆದರೆ ನಾನು ಹೆದರುವುದಿಲ್ಲ. ನಾನು ನಿರಾಳವಾಗಿದ್ದೇನೆ” ಎಂದು ರಾಹುಲ್ ಗಾಂಧಿ ಹೇಳಿದರು.
ಡ್ರೋನ್ ಕ್ರಾಂತಿಯಲ್ಲಿ ಭಾರತವು ಬಸ್ ಅನ್ನು ಕಳೆದುಕೊಂಡಿದೆ ಎಂದು ರಾಹುಲ್ ಗಾಂಧಿ ಹೇಳಿದರು. ಈ ವಿಷಯದ ಬಗ್ಗೆ ನಾನು ತುಂಬಾ ಆಸಕ್ತಿ ಹೊಂದಿದ್ದೆ. ಭಾರತವು ಎಲೆಕ್ಟ್ರಿಕ್ ವೆಹಿಕಲ್ (ಇವಿ) ಕ್ರಾಂತಿಯ ಸಮೀಪದಲ್ಲಿಲ್ಲ. ಏಕೆಂದರೆ ಅದಕ್ಕೆ “ಅಡಿಪಾಯ ಅಗತ್ಯವಿದೆ” ಎಂದು ಅವರು ಪ್ರತಿಪಾದಿಸಿದರು.
ನಿಮ್ಮ ಕಾಮೆಂಟ್ ಬರೆಯಿರಿ