ವಾಹನದ ನೋಂದಣಿ ಸಂಖ್ಯೆಯು ವಾಹನವನ್ನು ನೋಂದಾಯಿಸುವಾಗ ಬಹುತೇಕರು ಹೆಚ್ಚು ಕಾಳಜಿ ವಹಿಸುವುದಿಲ್ಲ. ಸಾಮಾನ್ಯವಾಗಿ ತಮಗೆ ನೀಡಿರುವ ಸಂಖ್ಯೆಯನ್ನೇ ತೆಗೆದುಕೊಳ್ಳುತ್ತಾರೆ, ಆದರೆ ಕಾರ್ ಖರೀದಿದಾರರ ಒಂದು ವಿಭಾಗವು ಅದನ್ನು ಗಂಭೀರವಾಗಿ ಪರಿಗಣಿಸುತ್ತದೆ ಮತ್ತು ತಮ್ಮ ವಾಹನಗಳಿಗಾಗಿ ಫ್ಯಾನ್ಸಿ ಸಂಖ್ಯೆಗಳನ್ನು ಹುಡುಕುತ್ತದೆ ಅಥವಾ ಸಂಖ್ಯಾಶಾಸ್ತ್ರದ ಆಧಾರದ ಮೇಲೆ ಸಂಖ್ಯೆಗಳನ್ನು ಆಯ್ಕೆ ಮಾಡಿಕೊಳ್ಳುತ್ತದೆ. ಕೆಲವರು ಅದಕ್ಕೆ ಎಷ್ಟೇ ಬೆಲೆ ತೆತ್ತಾದರೂ ಆ ಸಂಖ್ಯೆಯನ್ನು ಪಡೆದುಕೊಳ್ಳುತ್ತಾರೆ. ಈ ಫ್ಯಾನ್ಸಿ ಸಂಖ್ಯೆಗಳು ಸಾಮಾನ್ಯವಾಗಿ ಉತ್ತಮ ಆದಾಯದ ಮೂಲವಾಗಿದೆ. ಏಕೆಂದರೆ ಅವುಗಳನ್ನು ಹರಾಜಿಗೆ ಹಾಕಲಾಗುತ್ತದೆ. ಹೆಚ್ಚಿನ ಬಿಡ್ದಾರರು ಅಂತಹ ಸಂಖ್ಯೆಯನ್ನು ದುಬಾರಿ ಬೆಲೆಗೆ ಖರೀದಿ ಮಾಡುತ್ತಾರೆ. ಭಾರತದಲ್ಲಿ ಕೇವಲ ನೋಂದಣಿ ಸಂಖ್ಯೆಗಳಿಗಾಗಿ ಲಕ್ಷಗಟ್ಟಲೆ ಖರ್ಚು ಮಾಡಿದ ಜನರಿದ್ದಾರೆ. ಇದರ ಕ್ರೇಜ್ ನಮಗಷ್ಟೇ ಅಲ್ಲ. ಬೇರೆಬೇರೆ ದೇಶಗಳಲ್ಲಿಯೂ ಇದೆ. ಯುನೈಟೆಡ್ ಕಿಂಗ್‌ಡಂನ ವ್ಯಕ್ತಿಯೊಬ್ಬರು “F1” ಎಂದು ಹೇಳುವ ನೋಂದಣಿ ಸಂಖ್ಯೆಗಾಗಿ ಭಾರಿ ಹಣ ಖರ್ಚು ಮಾಡಿ ಅದನ್ನು ಪಡೆದುಕೊಂಡಿದ್ದಾರೆ. ಈ ಸಂಖ್ಯೆಗಾಗಿ ಅವರು ಸುಮಾರು 132 ಕೋಟಿ ರೂ.ಗಳಷ್ಟು ಪಾವತಿಸಿದ್ದಾರೆ…!
ಯುನೈಟೆಡ್ ಕಿಂಗ್‌ಡಂನಲ್ಲಿ, F1 ನೋಂದಣಿ ಸಂಖ್ಯೆ ಯಾವಾಗಲೂ ಕಾರು ಮಾಲೀಕರಲ್ಲಿ ಜನಪ್ರಿಯ. ಇದು ಅತ್ಯಂತ ಜನಪ್ರಿಯ ಸಂಖ್ಯೆಯಾಗಿರುವುದರಿಂದ, ಸೀಮಿತ ಅವಧಿಗೆ ಮಾತ್ರ ಇದನ್ನು ಮಾಲೀಕರಿಗೆ ನೀಡಲಾಗುತ್ತದೆ. ಈ ನೋಂದಣಿಯನ್ನು ಬುಗಾಟ್ಟಿ ವೇಯ್ರಾನ್, ಮರ್ಸಿಡಿಸ್-ಮೆಕ್ಲಾರೆನ್ ಎಸ್ಎಲ್ಆರ್ ಮತ್ತು ಮುಂತಾದ ಅನೇಕ ಉನ್ನತ-ಮಟ್ಟದ ಕಾರ್ಯಕ್ಷಮತೆಯ ಕಾರುಗಳಲ್ಲಿ ಗುರುತಿಸಬಹುದಾಗಿದೆ. F1 ನಂಬರ್ ಪ್ಲೇಟ್ ಫಾರ್ಮುಲಾ 1 ರೇಸಿಂಗ್ ಅನ್ನು ಸೂಚಿಸುತ್ತದೆ. ಇದು ಪ್ರಪಂಚದಾದ್ಯಂತ ಅತ್ಯಂತ ಪ್ರಸಿದ್ಧವಾದ ಮೋಟಾರ್‌ಸ್ಪೋರ್ಟ್ಸ್ ಈವೆಂಟ್‌ಗಳಲ್ಲಿ ಒಂದಾಗಿದೆ. ಇದು ಜನಪ್ರಿಯವಾಗಲು ಇನ್ನೊಂದು ಕಾರಣವೆಂದರೆ ಬ್ರಿಟನ್‌ ಸರ್ಕಾರವು F1 ಹೊರತುಪಡಿಸಿ ಈ ನೋಂದಣಿ ಫಲಕದಲ್ಲಿ ಯಾವುದೇ ಅಂಕೆಗಳು ಅಥವಾ ವರ್ಣಮಾಲೆಗಳನ್ನು ನೀಡುವುದಿಲ್ಲ. ಇದು ಪ್ರಪಂಚದಲ್ಲೇ ವಾಹನದ ಅತ್ಯಂತ ಕಡಿಮೆ ನೋಂದಣಿ ಸಂಖ್ಯೆಗಳಲ್ಲಿ ಒಂದು ಎಂದು ಹೆಸರು ಪಡೆದಿದೆ. ಕಾರಿನ ನಂಬರ್ ಪ್ಲೇಟ್ ಮೇಲೆ F1 ಮಾತ್ರ ಇರುತ್ತದೆ.
F1 ನೋಂದಣಿ ಫಲಕವನ್ನು 1904ರಿಂದ ಇದು ಆರಂಭದಲ್ಲಿ ಎಸ್ಸೆಕ್ಸ್ ಸಿಟಿ ಕೌನ್ಸಿಲ್ ಒಡೆತನದಲ್ಲಿತ್ತು. ಈ ನೋಂದಣಿಯು 2008ರಲ್ಲಿ ಮೊದಲ ಬಾರಿಗೆ ಹರಾಜಿಗೆ ಬಂದಿತು. ಈ ಸಂಖ್ಯೆಯು ಪ್ರಸ್ತುತ ಬ್ರಿಟನ್‌ ಮೂಲದ ಕಾನ್ ಡಿಸೈನ್ಸ್ ಮಾಲೀಕ ಅಫ್ಜಲ್ ಖಾನ್ ಎಂಬವರ ಒಡೆತನದಲ್ಲಿದೆ. ಅವರು ತಮ್ಮ ಬುಗಾಟಿ ವೇರಾನ್‌ಗಾಗಿ ಸಂಖ್ಯೆಯನ್ನು ಖರೀದಿಸಿದರು ಮತ್ತು ಸಂಖ್ಯೆಗೆ ಸುಮಾರು 132 ಕೋಟಿ ರೂ. ಗಳನ್ನು ನೀಡಿ ಖರೀದಿಸಿದ್ದಾರೆ. ವಾಸ್ತವವಾಗಿ ಇದು ಅವರ ಕಾರುಗಿಂತ ಹೆಚ್ಚು ದುಬಾರಿಯಾಗಿದೆ. ಬುಗಾಟಿ ವೆಯ್ರಾನ್ ಸ್ವತಃ ಅತ್ಯಂತ ದುಬಾರಿ ಕಾರು. ಆದರೆ ಈ ಕಾರು ನೋಂದಣಿ ನಂಬರ್ ಅದಕ್ಕಿಂತ ದುಬಾರಿಯದ್ದು..!!
ಈ ಸಂಖ್ಯೆ 2008 ರಲ್ಲಿ 4 ಕೋಟಿಗೆ ಮಾರಾಟವಾಗಿತ್ತು..ಈಗ 132 ಕೋಟಿ ರೂ…
2008ರಲ್ಲಿ ಈ ಸಂಖ್ಯೆ ಹರಾಜಿಗೆ ಬಂದಾಗ 4 ಕೋಟಿ ರೂ.ಗಳಿಗೆ ಮಾರಾಟವಾಗಿತ್ತು. ನಿಧಾನವಾಗಿ ಜನರು ಸಂಖ್ಯೆಯ ವಿಶೇಷತೆಯನ್ನು ಅರಿತುಕೊಳ್ಳಲು ಪ್ರಾರಂಭಿಸಿದರು ಮತ್ತು ಅವರಿಗೆ ಇದನ್ನು ತಮ್ಮದಾಗಿಸಿಕೊಳ್ಳುವ ಬಯಕೆಯೂ ಹೆಚ್ಚಾಯಿತು. F1 ಅನ್ನು ವಿಶ್ವದ ಅತ್ಯಂತ ದುಬಾರಿ ನೋಂದಣಿ ಸಂಖ್ಯೆಗಳಲ್ಲಿ ಒಂದಾಗಿದೆ.
ಈತರಹದ ನಂಬರ್ ಕ್ರೇಜ್ ಯುಕೆಯಲ್ಲಿ ಮಾತ್ರ ವರದಿಯಾಗಿರುವ ವಿಷಯವಲ್ಲ. ಫಾರ್ಚುನರ್ ಮಾಲೀಕರು ತಮ್ಮ SUV ಗಾಗಿ ಫ್ಯಾನ್ಸಿ ನಂಬರ್‌ಗಾಗಿ ಸುಮಾರು 30 ಲಕ್ಷ ರೂಪಾಯಿಗಳನ್ನು ವ್ಯಯಿಸಿದಂತಹ ಟ್ರೆಂಡ್‌ಗಳನ್ನು ನಾವು ಭಾರತದಲ್ಲಿ ನೋಡಿದ್ದೇವೆ. ಪ್ರಪಂಚದ ಇತರ ಭಾಗಗಳಲ್ಲಿಯೂ ಇದು ಸಾಮಾನ್ಯ ಪ್ರವೃತ್ತಿಯಾಗಿದೆ. ಉದಾಹರಣೆಗೆ ಅಬುಧಾಬಿಯಲ್ಲಿ, ಭಾರತದ ಉದ್ಯಮಿಯೊಬ್ಬರು 67 ಕೋಟಿ ರೂ.ಗಳಿಗೆ INR ಗೆ D5 ಎಂದು ನಮೂದಿಸಿದ ನೋಂದಣಿ ಸಂಖ್ಯೆಯನ್ನು ಖರೀದಿಸಿದ್ದಾರೆ. ನೀವು ಅದನ್ನು F1 ನೋಂದಣಿ ಸಂಖ್ಯೆಯೊಂದಿಗೆ ಹೋಲಿಸಿದಾಗ ಅದು ತುಂಬಾ ದುಬಾರಿಯಾಗಿ ಕಾಣಿಸುವುದಿಲ್ಲ. ಆದರೆ, ಮಾಲೀಕರು ಕೋಟಿಗಟ್ಟಲೆ ಖರ್ಚು ಮಾಡಿದ್ದಾರೆ. ಅಬುಧಾಬಿ ಮೂಲದ ಮತ್ತೊಬ್ಬ ಉದ್ಯಮಿ 66 ಕೋಟಿ ರೂಪಾಯಿ ನೀಡಿ ನೋಂದಣಿ ಸಂಖ್ಯೆ “1” ಖರೀದಿಸಿದ್ದಾರೆ ಎಂದು ವರದಿಯಾಗಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ