ದೆಹಲಿಯಲ್ಲಿ ಅಕ್ರಮ ಕಟ್ಟಡಗಳ ತೆರವು ಕಾರ್ಯಾಚರಣೆ ವೇಳೆ ಪೊಲೀಸರ ಮೇಲೆ ಮೆಣಸಿನ ಪುಡಿ ಎರಚಿದ ಮಹಿಳಾ ಪ್ರತಿಭಟನಾಕಾರರು

ನವದೆಹಲಿ: ಭಾನುವಾರ ದೆಹಲಿಯಲ್ಲಿ ಅಕ್ರಮ ಕಟ್ಟಡಗಳ ತೆರವು ಕಾರ್ಯಾಚರಣೆ ವೇಳೆ ನಿಯೋಜಿಸಲಾಗಿದ್ದ ಪೊಲೀಸ್ ಸಿಬ್ಬಂದಿ ಮೇಲೆ ಮೆಣಸಿನ ಪುಡಿ ಎರಚಿದ ಆರೋಪದ ಮೇಲೆ ಕೆಲವು ಮಹಿಳಾ ಪ್ರತಿಭಟನಾಕಾರರನ್ನು ಬಂಧಿಸಲಾಗಿದೆ. ಬಂಧಿತ ಮಹಿಳೆಯರು ಅತಿಕ್ರಮಣ ವಿರೋಧಿ ಅಭಿಯಾನದ ವಿರುದ್ಧ ಪ್ರತಿಭಟನೆ ನಡೆಸುತ್ತಿದ್ದರು.
ಈವರೆಗೆ, ಶುಕ್ರವಾರ ಮೆಹ್ರೌಲಿ ಪುರಾತತ್ವ ಪಾರ್ಕ್ ಪ್ರದೇಶದಲ್ಲಿ ಸುಮಾರು 1200 ಚದರ ಮೀಟರ್ ಸರ್ಕಾರಿ ಭೂಮಿಯನ್ನು ತೆರವುಗೊಳಿಸಿ ಮರಳಿಪಡೆಯಲಾಗಿದೆ.
ದೆಹಲಿ ಅಭಿವೃದ್ಧಿ ಪ್ರಾಧಿಕಾರ (ಡಿಡಿಎ) ಭಾರೀ ಭದ್ರತೆಯ ನಡುವೆ ಅಕ್ರಮ ಕಟ್ಟಡಗಳ ನೆಲಸಮ ಕಾರ್ಯಾಚರಣೆ ನಡೆಸುತ್ತಿದೆ.
ಭಾನುವಾರ ಕೆಲ ಮಹಿಳೆಯರು ಪ್ರತಿಭಟನೆ ನಡೆಸಿ ಪೊಲೀಸ್ ಸಿಬ್ಬಂದಿ ಮೇಲೆ ಮೆಣಸಿನ ಪುಡಿ ಎರಚಿದ್ದರು. ನಂತರ ಅವರನ್ನು ಬಂಧಿಸಲಾಯಿತು.
ಈ ಹಿಂದೆ, ಡಿಸೆಂಬರ್ 12, 2022 ರಂದು ನೆಲಸಮಗೊಳಿಸುವ ಆದೇಶವನ್ನು ಅಕ್ರಮ ಕಟ್ಟಡಗಳ ಗೋಡೆಗಳ ಮೇಲೆ ಅಂಟಿಸಲಾಗಿತ್ತು, ಜೊತೆಗೆ 10 ದಿನಗಳಲ್ಲಿ ಗುರುತಿಸಲಾದ ಎಲ್ಲಾ ಅನಧಿಕೃತ ಕಟ್ಟಡಗಳನ್ನು ಹಾಗೂ ರಚನೆಗಳನ್ನು ತೆಗೆದುಹಾಕಲು “ಅತಿಕ್ರಮಣಕಾರರಿಗೆ” ಸೂಚಿಸಲಾಗಿತ್ತು.
ನೋಟಿಸ್ ಪ್ರಕಾರ, ಕಟ್ಟಡಗಳನ್ನು ನೆಲಸಮ ಮಾಡುತ್ತಿರುವ ಜಾಗಗಳು ಮೆಹ್ರೌಲಿ ಪುರಾತತ್ವ ಉದ್ಯಾನದ ಭಾಗವಾಗಿದೆ ಎಂದು ಆಡಳಿತ ತಿಳಿಸಿದೆ.. ವಿಸ್ತಾರವಾದ ಉದ್ಯಾನವನವು ಐತಿಹಾಸಿಕ ಸ್ಮಾರಕಗಳಿಂದ ಕೂಡಿದೆ ಮತ್ತು ಪ್ರದೇಶವು ದೆಹಲಿ ಅಭಿವೃದ್ಧಿ ಪ್ರಾಧಿಕಾರಿ (DDA) ಅಡಿಯಲ್ಲಿ ಬರುತ್ತದೆ, ಪರಂಪರೆಯ ರಚನೆಗಳನ್ನು ಎಎಸ್‌ಐ (ASI) ನಿರ್ವಹಿಸುತ್ತದೆ.
ಮಾರ್ಚ್ ಆರಂಭದಲ್ಲಿ ನಡೆಯಲಿರುವ ಮೆಹ್ರೌಲಿ ಪುರಾತತ್ವ ಪಾರ್ಕ್‌ನಲ್ಲಿ ಜಿ-20 ಸಭೆಗಾಗಿ ಎಎಸ್‌ಐ ಪೂರ್ಣ ಸ್ವಿಂಗ್‌ನಲ್ಲಿ ಕಾರ್ಯನಿರ್ವಹಿಸುತ್ತಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಪ್ರಮುಖ ಸುದ್ದಿ :-   ನಾಲ್ಕು ರಾಜ್ಯಗಳಲ್ಲಿ ಎಎಪಿ - ಕಾಂಗ್ರೆಸ್‌ ಮಧ್ಯೆ ಸ್ಥಾನ ಹಂಚಿಕೆ ಅಂತಿಮ

4 / 5. 1

ಶೇರ್ ಮಾಡಿ :

2 Responses

  1. ಟೀಕಾಕಾರ

    ಸುದ್ದಿ ಗೋಜಲು ಗೋಜಲಾಗಿದೆ. ಸರಿಯಾಗಿ ಓದಿಸಿಕೊಂಡು ಹೋಗುವುದಿಲ್ಲ. ಉದಾಹರಣೆಗೆ “ಪರಂಪರೆಯ ರಚನೆಗಳನ್ನು ಎಎಸ್‌ಐ (ASI) ನಿರ್ವಹಿಸುತ್ತದೆ.”. ಈ ವಾಕ್ಯದ ಅರ್ಥ ಏನೆಂದು ತಿಳಿದುಕೊಳ್ಳಲು ಹಲವಾರು ಬಾರಿ ಓದಬೇಕಾಯಿತು.

  2. VIRUPAXAYYA. G. M.

    ಸರಿಯಾಗಿ ಹೇಳಿದ್ದೀರಿ. ಕೆಲವೊಮ್ಮೆ ಹಿಂದಿ ಅಥವಾ ಆಂಗ್ಲ ಭಾಷೆಯ ಅಕ್ಷರ ಅಥವಾ ವಾಕ್ಯಗಳನ್ನು ಅಕ್ಷರಶಃ ಕನ್ನಡಕ್ಕೆ ತುರ್ಜುಮೆ ಮಾಡುವಾಗ ಇಂಥಾ ಎಡವಟ್ಟುಗಳು ಸರ್ವೇ ಸಾಮಾನ್ಯ. ಒಟ್ಟಾರೆ ಕನ್ನಡಕ್ಕೆ ಅರ್ಥೆಸಿ ಬರೆದರೆ ಅರ್ಥವಾಗಬಹುದೇನೋ. ಪ್ರಸ್ತುತ ASI ARCHAEOLOGICAL SURVEY OF INDIA ಕ್ಕೆ ಸಂಬಂಧಿಸಿರಲೂ ಸಾಕು. ಆದರೆ ಘಟನೆಗೂ ARCHAEOLOGICAL SURVEY OF INDIA ಕ್ಕೂ ಏನೂ ಸಂಬಂಧವಿಲ್ಲ. ‘ಎತ್ತಣದೆತ್ತಣ ಸಂಬಂಧವಯ್ಯಾ’ ಎಂದು ಹೇಳಬಹುದೇನೋ!

ನಿಮ್ಮ ಕಾಮೆಂಟ್ ಬರೆಯಿರಿ

advertisement